നിങ്ങൾക്ക് അറിയാം എങ്കിലും പറയാം! ഈ മാറ്റത്തിന് പിന്നിൽ: ഔഡിക്ക് പിന്നാലെ കൂപ്പറും; നിലയും നിറ്റാരയും വന്നതോടെ ഐശ്വര്യം

സകലകലാ വല്ലഭ ആണ് പേളി മാണി. പോസിറ്റിവിറ്റിയുടെ ഒരു കൂമ്പാരം ആണ് അവരുടെ ഓരോ വീഡിയോസും. ഹേറ്റേഴ്സനെകൊണ്ട് പോലും കയ്യടിപ്പിക്കുന്ന പ്രകൃതം ആണ് പേളിക്ക്,ബിഗ്‌ബോസ് റിയാലിറ്റി ഷോയ്ക്കിടെയിലാണ് മിനിസ്‌ക്രീൻ താരമായ ശ്രീനിഷ് അരവിന്ദുമായി താരം പ്രണയത്തിലായത്. പിന്നാലെ ഇരുവരും വിവാഹിതരുമായി. മൂത്ത മകൾ നിലക്ക് പിന്നാലെ രണ്ടാമത്തെ കണ്മണി വന്ന സന്തോഷത്തിലാണ് പേളി മാണിയും കുടുംബവും. മൂത്തമകളായ നില ജനിച്ചത് മുതൽ സകല വിശേഷങ്ങളും പേളിയും ശ്രീനിഷും പങ്കിട്ടിരുന്നു. അതേപോലെ തന്നെ ഇളയ മകൾ നിറ്റാരയുടെ വിശേഷങ്ങളും ഫോട്ടോഷൂട്ടുകളുമെല്ലാം സോഷ്യൽ മീഡിയ വഴി പങ്കിടുന്നതിൽ യാതൊരു പിശുക്കും പേളി കാണിക്കാറില്ല.

​​അമ്പരപ്പിക്കുന്ന മാറ്റം
നാൾക്കുനാൾ പേളി യുടെ പ്രശസ്‌തി കൂടി കൊണ്ടിരിക്കുകയാണ്. പേരും പ്രശസ്‌തിയും കൂടുന്നുണ്ട് എങ്കിലും എളിമ ഒട്ടും വിടാത്ത ആളാണ് താരം. പേളിയുടെ വിശേഷങ്ങൾക്ക് എല്ലാം ആരാധകരും ഏറെയാണ്. ഇപ്പോൾ ആരാധകരുടെ സംസാരവിഷയം താരത്തിന്റെ അമ്പരപ്പിക്കുന്ന മാറ്റം തന്നെയാണ്. ഇളയ മകളുടെ ജനനശേഷം അൽപ്പം തടിയൊക്കെ താരത്തിന് വന്നിരുന്നു. എന്നാൽ അതൊക്കെ മാറ്റി ഇപ്പോൾ ഡി 4 ഡാൻസിലെ പേളി ആയി താരം മാറിയിട്ടുണ്ട്.

ആ മാറ്റത്തിന് പിന്നിൽ
രണ്ടുകുട്ടികളെ പ്രസവിച്ച ആളാണ് പേളി എന്ന് ഇപ്പോൾ ആര് കണ്ടാലും പറയില്ല. അത്രത്തോളം ഒരു മാറ്റമാണ് പേളിക്ക് സംഭവിച്ചത്. കൃത്യമായ ഡയറ്റും വർക്ക് ഔട്ടും ആണ് പേളിയുടെ ഈ സ്റ്റണ്ണിങ് ചേഞ്ചിനു പിന്നിൽ. ഇടയ്ക്ക് താരം വർക്ക് ഔട്ട് വീഡിയോസ് പങ്കിടുന്നത് പതിവായിരുന്നു. മാത്രവുമല്ല താരത്തിന്റെ വെയ്റ്റ് ലോസ് ജേർണിയുടെ വീഡിയോയ്ക്ക് ആയി കാത്തിരിക്കുകയാണ് ആരാധകർ. എന്നാൽ ഈ ഒരു മാറ്റത്തിന് പിന്നിൽ എന്തെങ്കിലും ട്രീറ്റ്‌മെന്റ് ആണോയെന്നുള്ള ചോദ്യങ്ങളും ഇപ്പോൾ ആരാധകർ ഉയർത്തുന്നുണ്ട്.

​പുതിയ കാർ
ഒരു മികച്ച ഇൻഫ്ലുവെൻസർ കൂടിയാണ് പേളി. ഗൂഗിളിൽ നിന്നുപോലും മികച്ച പ്രതിഫലം ആണ് പേളിക്ക്. ബിഎംഡബ്ല്യുവിന്റെ ലക്ഷ്വറി കാറുകൾ, ബൈക്ക്, ഒക്കെയുള്ള പേളി ഔഡി കാറും സ്വന്തമാക്കിരുന്നു. പിന്നാലെയാണ് ലക്ഷങ്ങൾ വിലയുള്ള ലോകത്തിൽ ഒരുപാട് ആരാധകരുള്ള മിനി കൂപ്പർ കൂടി പേളി നേടിയത്. ഒരു സാധാ അവതാരകയിൽ നിന്നും ബോളിവുഡ് നടി ആയും, ഇന്ത്യയിൽ ഏറ്റവും കൂടുതൽ ശമ്പളം വാങ്ങുന്ന യു ട്യൂബർ ആയും പേളി മിക്കവർക്കും മാതൃകയാണ് എന്ന കാര്യത്തിൽ സംശയമില്ല.

യൂട്യൂബിൽ കൂടുതൽ ശ്രദ്ധ
ഈ ഓണത്തിന് തന്നെ പരസ്യചത്രങ്ങളിൽ നിന്നും സിനിമാ പ്രമോഷൻ അഭിമുഖങ്ങൾ അങ്ങനെ പല വര്ക്കുകളിൽ നിന്നായി പേളിക്ക് ലക്ഷങ്ങൾ ആണ് വരുമാനം കിട്ടിയത്. അതിൽ ഗൂഗിൾ പരസ്യത്തിൽ നിന്നു തന്നെ ലക്ഷങ്ങൾ കിട്ടിയ കാര്യമൊക്കെ റിപ്പോർട്ടുകൾ വന്നിരുന്നു. ഇപ്പോൾ പ്രധാനമായും യുട്യൂബിൽ ആണ് പേളി ശ്രദ്ധ കേന്ദ്രീകരിക്കുന്നത്. കാരണം അവിടെയാണ് തനിക്ക് തന്നെത്തന്നെ പ്രകടിപ്പിക്കാൻ ഏറ്റവും കൂടുതൽ സ്വാതന്ത്ര്യം ലഭിക്കുന്നതെന്ന് തോന്നുന്നു എന്നൊരിക്കൽ താരം പറഞ്ഞരുന്നു.

@All rights reserved Typical Malayali.