ലാപ്‌ടോപ്പ് അടക്കം ലക്ഷക്കണക്കിന് രൂപയുടെ സമ്മാനങ്ങള്‍..!! താമസം മുന്തിയ ഹോട്ടലുകളിലും.. പേര്‍ളിയെ നോട്ടമിട്ടത് ഇങ്ങനെ.
പേളി മാണി ഉൾപ്പെടെ സംസ്ഥാനത്തെ യൂട്യൂബര്‍മാരുടെ വീടുകളില്‍ ആദായനികുതി വകുപ്പ് പരിശോധന
കേരളത്തിലെ പ്രശസ്തരായ യൂട്യൂബേഴ്സിന്റെ വീടുകളിലും ഓഫീസുകളിലും ഇൻകം ടാക്സ് പരിശോധന. നികുതി വെട്ടിപ്പുമായി ബന്ധപ്പെട്ട പരാതിയിലാണ് ഉദ്യോഗസ്ഥരുടെ പരിശോധന. യൂട്യൂബർമാരുടെ വീടുകളിൽ പരിശോധന.ഇൻകം ടാക്സ് എത്തിയത് പത്ത് പേരുടെ വീടുകളിൽ.പരിശോധന നികുതി വെട്ടിപ്പുമായി ബന്ധപ്പെട്ട്
കൊച്ചി: സംസ്ഥാനത്തെ യൂട്യൂബര്‍മാരുടെ വീടുകളില്‍ ആദായനികുതി വകുപ്പിന്‍റെ പരിശോധന. പേളി മാണി അടക്കമുള്ള ഒമ്പതുപേരുടെ വീടുകളിലാണ് പരിശോധന. നികുതി വെട്ടിപ്പ് നടത്തുന്നുണ്ടോ എന്നറിയുന്നതിന്‍റെ ഭാഗമായാണ് പരിശോധനയെന്നാണ് പുറത്തുവരുന്ന റിപ്പോർട്ടുകൾ.വ്യാഴാഴ്ച രാവിലെ മുതലാണ് യൂട്യൂബര്‍മാരുടെ വീടുകളിലും ഓഫീസിലും പരിശോധന ആരംഭിച്ചത്. നടിയും അവതാരകയുമായ പേളി മാണി ഉൾപ്പെടെ ഒമ്പത് പ്രമുഖ യൂട്യൂബേഴ്സിന്റെ വീടുകളിലാണ് ആദായനികുതി വകുപ്പ് അന്വേഷണം നടക്കുന്നത്.
അന്വേഷണം നടക്കുന്നവരിൽ പലര്‍ക്കും പ്രതിവര്‍ഷം രണ്ടുകോടി വരെ വരുമാനം ലഭിക്കുന്നുണ്ട്. എന്നാൽ ഇതിനനുസരിച്ച് നികുതി നൽകുന്നില്ലെന്ന പരാതിയുടെ അടിസ്ഥാനത്തിലാണ് പരിശോധന. യൂട്യൂബര്‍മാരുടെ സാമ്പത്തിക ഇടപാടുകള്‍ സംബന്ധിച്ചുള്ള രേഖകളാണ് പരിശോധിക്കുന്നത്.ഇതാദ്യമായാണ് യുട്യൂബേഴ്‌സിനെതിരെ ആദായ നികുതിവകുപ്പിന്‍റെ ഭാഗത്തുനിന്നും ഒരു പരിശോധന നടക്കുന്നത്. ആലപ്പുഴ, പത്തനംതിട്ട, തൃശൂർ, കാസർകോട്, എറണാകുളം, പാലക്കാട് ജില്ലകളിലാണ് പരിശോധന നടക്കുന്നത്. രാവിലെ എട്ടുമണിയോടെയാണ് പരിശോധന ആരംഭിച്ചത്.
@All rights reserved Typical Malayali.
Leave a Comment