അയ്യോ.. മീമി പോയെ’… അമ്മയെപ്പോലെ ചിണുങ്ങി കരയുന്നു.. നിലു ബേബി നല്ല അസ്സലായി അഭിനയിക്കുന്നു

സ്വന്തം കുടുംബത്തിലെ ഒരംഗത്തെ പോലെയായാണ് പേളിയെ മലയാളികള്‍ കരുതുന്നത്. അഭിനയവും അവതരണവുമൊക്കെയായി സജീവമായ പേളി യൂട്യൂബ് ചാനലിലൂടെയായി വിശേഷങ്ങള്‍ പങ്കിടാറുണ്ട്. പേളിയുടെയും ശ്രീനിയുടേയും മകളായ നില ബേബിയും പ്രേക്ഷകര്‍ക്ക് പ്രിയങ്കരിയാണ്.ബിഗ് ബോസില്‍ മത്സരിച്ചതോടെയാണ് പേളി മാണിയും ശ്രിനിഷ് അരവിന്ദും പ്രേക്ഷകര്‍ക്ക് പ്രിയപ്പെട്ടവരായി മാറിയത്. ലവ്വ് ട്രാക്കിലൂടെ മത്സരിക്കുകയാണെന്നും ഇത് സ്ട്രാറ്റജിയാണെന്നുമൊക്കെയായിരുന്നു ഇവര്‍ക്കെതിരെ ഉയര്‍ന്ന വിമര്‍ശനങ്ങള്‍. മുന്നോട്ടുള്ള ജീവിതം ഒന്നിച്ച് തന്നെ എന്ന നിലപാടിലായിരുന്നു പേളിയും ശ്രീനിയും. ബിഗ് ബോസില്‍ നിന്നിറങ്ങി അധികം വൈകാതെ ഇരുവരും അത് പ്രാവര്‍ത്തികമാക്കുകയും ചെയ്തു. യൂട്യൂബ് ചാനലുമായി ആക്ടീവാണ് പേളി. സെലിബ്രിറ്റി ഇന്റര്‍വ്യൂയും കുടുംബത്തിലെ വിശേഷങ്ങളുമൊക്കെയായി പേളി പോസ്റ്റ് ചെയ്യുന്ന വീഡിയോകളെല്ലാം പെട്ടെന്ന് തന്നെ വൈറലായി മാറാറുണ്ട്. ഇപ്പോഴിതാ പുതിയ വീഡിയോയിലെ രസകരമായ നിമിഷങ്ങള്‍ വൈറലായിക്കൊണ്ടിരിക്കുകയാണ്.നിലുവിന് ബര്‍ത്ത് ഡേയ്ക്ക് കിട്ടിയ ഡ്രസാണ് ഇത്. ഞങ്ങള്‍ ഇന്ന് ട്വിന്നിംഗാണ്. റെയ്ന്‍ ബേബിയും ഇന്നത്തെ വീഡിയോയിലുണ്ട്. ഇടയ്‌ക്കൊക്കെയേ അവനെ ഞങ്ങള്‍ കാണിക്കാറുള്ളൂവെന്നും പേളി പറഞ്ഞിരുന്നു. ഈസ്റ്ററൊക്കെയല്ലേ വരുന്നത്. അമ്മാമ്മയുടെ സ്‌പെഷല്‍ കട്‌ലെറ്റ് കഴിക്കാനായി വന്നിരിക്കുകയാണ് റേച്ചലും ഞാനും. പേളി റെയ്ന്‍ ബേബിയെ എടുത്തപ്പോള്‍ ഇതൊക്കെ കണ്ടിട്ടുണ്ടെന്ന ഭാവത്തിലായിരുന്നു നിലു. ഇവര് രണ്ടാളും കളിക്കും. നമ്മുടെയൊരു ശ്രദ്ധ ഇവരുടെ അടുത്ത് തന്നെ വേണമെന്നും പേളി പറഞ്ഞിരുന്നു.കട്‌ലറ്റുണ്ടാക്കാനായി മാറ്റി വെച്ചിരിക്കുന്ന ഇറച്ചി എടുത്ത് കഴിക്കുകയായിരുന്നു നിലു. ഇതെന്താണെന്ന് ചോദിച്ചപ്പോള്‍ മീമി എന്നായിരുന്നു നിലു പറഞ്ഞത്. മീമി പോയെന്നായിരുന്നു പേളി നിലുവിനോട് പറഞ്ഞത്. പാവം എന്റെ നിലൂന്റെ മീമി പോയെന്ന് പറഞ്ഞ് കരയുന്നത് പേളി കാണിച്ചപ്പോഴേക്കും നിലുവും കൂടെ ചേരുകയായിരുന്നു. മോളേ എന്ന് പറഞ്ഞ് പേളി നിലുവിനെ ചേര്‍ത്തുപിടിച്ചപ്പോള്‍ നിലുവും കരയുകയായിരുന്നു. അമ്മയും നിലുവും പൊട്ട് വെച്ചിട്ടുണ്ടെന്നും നിലു പറയുന്നതും വീഡിയോയില്‍ കാണാം.

നിലൂന്റെയും പേളിയുടെയും കരച്ചിലിന് ഓസ്‌കാര്‍ കിട്ടുമെന്നായിരുന്നു പേളി പറഞ്ഞത്. എനിക്ക് കോള്‍ഡുണ്ട്. ശബ്ദം മാറിയത് അതുകൊണ്ടാണ്. ഇപ്പോള്‍ മാറ്റമുണ്ടെന്നുമായിരുന്നു പേളി കമന്റിന് മറുപടിയായി പറഞ്ഞത്. ആ ശബ്ദം കേട്ടപ്പോള്‍ തന്നെ മനസിലായെന്നായിരുന്നു ആരാധകര്‍ പറഞ്ഞത്. ഈ വീഡിയോയിലെ പ്രധാന ഭാഗം ഇവരുടെ കരച്ചിലാണ്. നിലു ഒരു രക്ഷയുമില്ല, അത്രയും ഒറിജിനലായിട്ടല്ലേ കരഞ്ഞത്. പേളിയുടെ എല്ലാ എക്‌സ്പ്രഷനും നിലു പഠിച്ച് വെച്ചിട്ടുണ്ട്. അത് കണ്ടിരിക്കാന്‍ നല്ല രസമാണ്.ജൂനിയര്‍ പേളി തന്നെയാണ് നില ബേബി. നിലൂന്റെ എക്‌സ്പ്രഷന്‍ കണ്ടിരിക്കാന്‍ നല്ല രസമുണ്ട്. ഈ വ്‌ളോഗ് കാണുമ്പോള്‍ ഞങ്ങള്‍ക്ക് കിട്ടുന്ന സന്തോഷം പറഞ്ഞറിയിക്കാനാവില്ല. കുക്കിംഗ് കാണാനല്ല വന്നത് നിലൂന്റെ കുസൃതി കാണാന്‍ വന്നതാണ്. അമ്മ ചെയ്യുന്നതെല്ലാം നിലു അതേപടി ചെയ്യുന്നുണ്ട്. നിലുവാണ് ഈ വീഡിയോയിലെ താരം. ക്ഷണനേരം കൊണ്ട് തന്നെ ട്രോളര്‍മാരും അമ്മയുടേയും മകളുടേയും കരച്ചിലിന് ട്രോളുമായെത്തിയിട്ടുണ്ട്.

@All rights reserved Typical Malayali.