നിതാരയ്ക്ക് വേണ്ടി നേർന്ന നേർച്ചയാണ്”! ശ്രീനി പായ വിരിച്ച് തറയിലാണ് കിടക്കുന്നത്; പേളി മാണി

മിനി സ്‌ക്രീൻ പ്രേക്ഷകരുടെ പ്രീയപ്പെട്ട താരമാണ് പേളി മാണി. പേളിയും ഭർത്താവ് ശ്രീനിഷും തങ്ങളുടെ എല്ലാ വിശേഷങ്ങളും ആരാധകർക്കായി പങ്കുവയ്ക്കാറുണ്ട്. ഈ കഴിഞ്ഞ ജനുവരിയിൽ ആണ് പേളിയും ശ്രീനിയും തങ്ങൾക്ക് രണ്ടാമത്തെ കുഞ്ഞ് ജനിച്ച സന്തോഷം അആരാധകരെ അറിയിച്ചത്. ഇപ്പോഴിതാ നിതാര ബേബിയുടെ ആദ്യ ഫ്ലൈറ്റ് യാത്രയുടെ വിശേഷങ്ങളും ശ്രീനിഷ് നിതാര ബേബിയ്ക്ക് വേണ്ടി നടത്തുന്ന നേർച്ചയുടെ വിശേഷങ്ങളുമായി എത്തിയിരിക്കുകയാണ് പേളി.

ശ്രീനിയും നില ബേബിയും ഇല്ലാതെ മമ്മിയെ കൂടെ കൂട്ടി നിതാരയുമായാണ് താൻ യാത്ര പോകുന്നത് എന്ന് പറഞ്ഞുകൊണ്ടാണ് പേളി വീഡിയോ ആരംഭിക്കുന്നത്. ഇന്ത്യയിലെ തന്നെ ബിഗസ്റ്റ് യൂത്ത് ഫെസ്റ്റിവൽ ആയ അണ്ടർ 25 സമ്മിറ്റിനു വേണ്ടി ബാംഗ്ലൂർ പോകുന്ന യാത്രയുടെ വിശേഷങ്ങൾ ആണ് പേളി പങ്കിട്ടിരിക്കുന്നത്. “ഈ പ്രാവശ്യം വാവയെയും കൊണ്ടാണ് പോകുന്നത്. അതിൽ ടെൻഷൻ ഉള്ളത് ശ്രീനി എന്റെ കൂടെ വരുന്നില്ല. സാധാരണ ശ്രീനി ഉണ്ടെങ്കിൽ എല്ലാ തലവേദനയും ശ്രീനി നോക്കിക്കൊള്ളും. ശ്രീനിയുടെ ഏറ്റവും വലിയ തലവേദന ഞാനാണ്. ശ്രീനി ശബരിമലയ്ക്ക് പോകാൻ മാല ഇട്ടിരിക്കുവാണ്. 41 ദിവസത്തെ കഠിനമായ വ്രതത്തിൽ ആണ് ശ്രീനി ഉള്ളത്. എനിക്ക് ഇതൊരു പുതിയ അനുഭവം ആണ്.

ഞാനും ശ്രീനിയെ ഹെൽപ്പ് ചെയ്യുന്നുണ്ട്. ഞാനും ഇപ്പോൾ വെജിറ്റേറിയൻ ആണ്. വേറെ ഒരു മുറിയിൽ തറയിൽ പായ വിരിച്ചാണ് ശ്രീനി ഉറങ്ങുന്നത്. ശ്രീനി രാവിലെയും വൈകിട്ടും രണ്ടുനേരം കുളിക്കും, അമ്പലത്തിലും പോകുന്നുണ്ട്. ഞാൻ അങ്ങിനെ നോൺ വെജ് കഴിക്കാതിരിക്കണ്ട ആവശ്യം ഒന്നും ഇല്ല. എന്നാലും ശ്രീനിയ്ക്ക് വേണ്ടി ഞാൻ കഴിക്കുന്നില്ല. ഞാൻ മാത്രമല്ല ഈ വീട്ടിൽ ആരും ഇപ്പോൾ നോൺവെജ് കഴിക്കുന്നില്ല. നിതാരയ്ക്ക് വേണ്ടി ആണ് ശ്രീനി ഈ വ്രതം എടുക്കുന്നത്.

കുഞ്ഞിനെ ഗർഭിണി ആയിരുന്ന സമയത്ത് ആദ്യത്തെ സ്കാനിങ്ങിനു പോയി ആദ്യ ഹേർട്ട് ബീറ്റ് കേട്ട ദിവസം ഞാനും ശ്രീനിയും നല്ല ടെൻഷനിൽ ആയിരുന്നു. അന്ന് ശ്രീനി എന്നോട് പറയാതെ തന്നെ ഈ നേർച്ച നേർന്നതാണ്. ജനുവരി ആയപ്പോൾ ആണ് എന്നോട് പറയുന്നത്. അപ്പോഴാണ് ഇത് ഇത്രയും സീരിയസ് ആണെന്ന് എനിക്ക് മനസിലായത്. അതുകൊണ്ട് ഞാനും ശ്രീനിയെ എന്നെകൊണ്ട് പറ്റുന്ന പോലെ സപ്പോർട്ട് ചെയ്യുകയാണ്” എന്നാണ് പേളി പറഞ്ഞത്.

@All rights reserved Typical Malayali.