പ്രണവ് ആണെങ്കില്‍ എനിക്ക് അതൊന്നും പ്രശ്‌നമേ അല്ല; താരപുത്രനോടുള്ള ഇഷ്ടം തുറന്നു പറഞ്ഞ് ലക്ഷ്മിപ്രിയ
പ്രണവ് ആണെങ്കില്‍ എനിക്ക് അതൊന്നും പ്രശ്‌നമേ അല്ല; താരപുത്രനോടുള്ള ഇഷ്ടം തുറന്നു പറഞ്ഞ് ലക്ഷ്മിപ്രിയ
പ്രണവ് മോഹന്‍ലാലിനോടുള്ള ഇഷ്ടം തുറന്ന് പറഞ്ഞ് വെട്ടിലായ നായികമാര്‍ ഒത്തിരിയാണ്. ശാലിന്‍ സോയ, ഗായത്രി സുരേഷ് തുടങ്ങിയവര്‍ക്ക് പിന്നാലെ ഇതാ ലക്ഷ്മിപ്രിയയും. പ്രണവിനോട് എന്തോ ഭയങ്കര ഇഷ്ടമാണെന്നാണ് ലക്ഷ്മിപ്രിയ പറയുന്നത്.
ടെലിവിഷന്‍ പ്രേമികള്‍ക്ക് ഒരുപാട് സുപരിചിതയായിട്ടുള്ള നടിയാണ് ലക്ഷ്മിപ്രിയ. വില്ലത്തി റോളുകളിലൂടെ പ്രേക്ഷകര്‍ക്ക് സുപരിചിതയായ നടി യഥാര്‍ത്ഥ ജീവിതത്തില്‍ അതില്‍ നിന്നും തീര്‍ത്തും വ്യത്യസ്താണ്. സീരിയലില്‍ നിന്നും മാറി സിനിമയില്‍ അഭിനയിക്കാന്‍ താത്പര്യമുണ്ട് എന്ന് ലക്ഷ്മിപ്രിയ പറയുന്നു.
അമൃത ടിവിയില്‍, എംജി ശ്രീകുമാര്‍ അവതരിപ്പിയ്ക്കുന്ന പറയാം നേടാം എന്ന ഷോയില്‍ പങ്കെടുത്ത് സംസാരിക്കുകയായിരുന്നു നടി. പൊതുവെ തനിക്ക് അധികം ജാഡ കാണിക്കുന്നവരെ ഇഷ്ടമല്ല, മുഖത്ത് നോക്കി ചിരിച്ചാലും, തിരിച്ച് ചിരിക്കാത്തവരോടൊന്നും താന്‍ മിണ്ടാറില്ല എന്ന് ലക്ഷ്മിപ്രിയ പറയുന്നു. അതൊരുപക്ഷെ ചെയ്ത കഥാപാത്രങ്ങള്‍ അങ്ങനെയായതുകൊണ്ടാവാം എന്ന് എംജി ശ്രീകുമാര്‍ പറഞ്ഞപ്പോള്‍, ആയിരിക്കാം എന്ന് നടി സമ്മതിച്ചു.
എന്നിരുന്നാലും, തന്റെ സഹൃത്ത് വലയങ്ങളില്‍ അത്തരം സ്വഭാവമുള്ളവര്‍ ഉണ്ടാവില്ല. അങ്ങനെയുള്ളവരോട് കൂട്ടുകൂടില്ല എന്നാണ് പറഞ്ഞത് എന്ന് ലക്ഷ്മിപ്രിയ വ്യക്തമാക്കി.
സിനിമയില്‍ അഭിനയിക്കാനുള്ള മോഹത്തെ കുറിച്ച് ചോദിച്ചപ്പോഴാണ്, പ്രണവ് മോഹന്‍ലാലിനൊപ്പം അഭിനയിക്കാനുള്ള ആഗ്രഹത്തെ കുറിച്ച് ലക്ഷ്മിപ്രിയ പറഞ്ഞത്. എന്തോ എനിക്ക് ഭയങ്കര ഇഷ്ടമാണ് പ്രണവിനെ. കൂടെ അഭിനയിക്കണം എന്ന ആഗ്രഹമുണ്ട്. ഇന്റര്‍വ്യൂസ് എല്ലാം കണ്ട്, പലരും പറഞ്ഞ് കേട്ടതുവച്ചാണ് ഇഷ്ടം തോന്നിയത് എന്നാണ് ലക്ഷ്മിപ്രിയ പറഞ്ഞത്.
എന്നാല്‍ ഞങ്ങളൊക്കെ അപ്പു എന്ന് വിളിക്കുന്ന പ്രണവ്, അധികം ചിരിക്കുകയോ, സംസാരിക്കുകയോ ചെയ്യാറില്ല എന്ന് എംജി ശ്രീകുമാര്‍ പറഞ്ഞു. പ്രണവ് മോഹന്‍ലാല്‍ ആണെങ്കില്‍ അതൊന്നും പ്രശ്‌നമല്ല, മാത്രമല്ല നായികനായി അഭിനയിക്കാനല്ലേ അപ്പോള്‍ പ്രശ്‌നമില്ല എന്നായിരുന്നു ലക്ഷ്മിപ്രിയയുടെ പ്രതികരണം. സൗഹൃദവലയത്തിലാണ് കണ്ടാല്‍ മിണ്ടാത്തവരെ കൂടെക്കൂട്ടാത്തത് എന്ന് ഒരിക്കല്‍ കൂടെ ലക്ഷ്മിപ്രിയ പറഞ്ഞു
പ്രണവ് മോഹന്‍ലാലിനോടുള്ള ഇഷ്ടം തുറന്ന് പറയുന്ന ആദ്യത്തെ നടിയല്ല ലക്ഷ്മിപ്രിയ. ശാലിന്‍ സോയ, ഗായത്രി സുരേഷ് തുടങ്ങിയ നടിമാരെല്ലാം ഈ ഇഷ്ടം തുറന്ന് പറഞ്ഞതിന്റെ പേരില്‍ ഒരുപാട് ട്രോളുകള്‍ക്ക് ഇരയായിട്ടുണ്ട്.
@All rights reserved Typical Malayali.
Leave a Comment