ഭര്‍ത്താവ് തിരുത്തിയെഴുതിയ ജാതകം.. ഇന്ന് അതീവ സമ്പന്ന..!! കറുത്തമുത്തിലെ കാര്‍ത്തിക തെലുങ്കിലെ സൂപ്പര്‍ സ്റ്റാറായ കഥ..!!

ഏഷ്യാനെറ്റ് ചാനലിലെ കറുത്തമുത്ത് എന്ന സീരിയലിലൂടെ പ്രേക്ഷകരുടെ പൊൻമുത്തായ നടിയായിരുന്നു പ്രേമി വിശ്വനാഥ്. മലയാളത്തിൽ അധികം തിളങ്ങാൻ കഴിഞ്ഞില്ലെങ്കിലും അന്യഭാഷാ സീരിയലുകളിൽ പ്രേമി ഇപ്പോൾ താരമാണ്.കഴിഞ്ഞ ദിവസം എഫ്ബിയിലും ഇൻസ്റ്റയിലും പങ്കുവച്ച ചിത്രമാണ് ഇപ്പോൾ പ്രേമി ആരാധകരുടെ സംസാര വിഷയം. താരത്തിനുണ്ടായ മേക്കോവർ തന്നെയാണ് ഇതിനു പിന്നിൽ. കഴിഞ്ഞ ദിവസം ഇൻസ്റ്റയിൽ ഫോട്ടോയ്ക്ക് ഒപ്പം പ്രേമി പോസ്റ്റ് ചെയ്ത പാട്ടും വൈറലാണ്. തെലുങ്ക് ഗാനമാണ് പ്രേമി ആലപിച്ചിരിക്കുന്നത്. അഭിനയത്തിനൊപ്പം ആലാപനവും തനിക്കിണങ്ങും എന്നത്തിനു തെളിവാണ് ഈ വിഡിയോ.
മലയാളികളെക്കാളും കൂടുതൽ അന്യഭാഷയിലുള്ള ആളുകളാണ് പ്രമിയുടെ പാട്ടിനും ഫോട്ടോയ്ക്കും കമന്റുകളും ലൈക്കുമായി എത്തുന്നത്. അന്യഭാഷക്കാർ പ്രേമിയുടെ അഭിനയത്തെ ഉൾകൊണ്ടു എന്നതിനുള്ള സൂചനയാണിത്.

പതിവ് നായിക സങ്കൽപ്പത്തിൽ നിന്നും വ്യത്യസ്‍തമായിട്ടാണ് കറുത്തമുത്തിൽ പ്രേമിയെ സംവിധായകൻ അവതരിപ്പിച്ചത്. എന്നാൽ ഇരുവരും പിന്നീടുണ്ടായ തർക്കം മൂലം പ്രേമിയെ സീരിയലിൽ നിന്നും മാറ്റിയതായും റിപ്പോർട്ടുകൾ വന്നിരുന്നു. താരത്തിന്റെ നിറത്തെ ചൊല്ലിയും ഏറെ വിവാദങ്ങൾ ഉരുത്തിരിഞ്ഞു വന്നിരുന്നു. സീരിയലിൽ നിന്നും ഒഴിവാക്കിയെങ്കിലും പിന്നീട് മറ്റൊരു ചാനലിൽ അവതാരകയുടെ റോളിലും പ്രേമി പ്രത്യക്ഷപ്പെട്ടിരുന്നു.കറുത്തമുത്തിൽ അപ്രതീക്ഷിതമായിട്ടായിരുന്നു പ്രേമിയുടെ എൻട്രി. അഭിനയത്തെക്കൂടാതെ തനിക്ക് ഫോട്ടോഗ്രാഫിയിലും കമ്പം ഉണ്ടെന്നു പ്രേമി മുൻപ് പല ഇന്റർവ്യൂകളിലും വ്യക്തമാക്കിയിരുന്നു. പ്രേമിയുടെ സഹോദരൻ ഒരു ഫോട്ടോഗ്രാഫറാണ്, സഹോദരന്റെ ഒപ്പം പല കല്യാണ വീഡിയോകൾ താൻ എടുക്കാൻ പോയിരുന്നതായും അഭിനയത്തിലേക്ക് കടക്കും മുൻപ് ഒരു പ്രൈവറ്റ് സ്ഥാപനത്തിൽ ജോലി ചെയ്തുവരികയിരുന്നെന്നും മുൻപ് പ്രേമി വ്യക്തമാക്കിയിരുന്നു.

@All rights reserved Typical Malayali.