വേർപിരിയൽ വാർത്ത.. മഹാലക്ഷ്മിക്ക് രവിന്ദറിന്റെ അവസാന താക്കിത്. ഒറ്റയ്ക്കുള്ള ഫോട്ടോ ഇടരുതെന്ന് പറഞ്ഞതാണ്! വിവാഹമോചന വാര്‍ത്തയ്ക്ക് മഹാലക്ഷ്മിയുടെ മാസ് മറുപടി

ഒറ്റയ്ക്കുള്ള ഫോട്ടോ ഇടരുതെന്ന് പറഞ്ഞതാണ്! വിവാഹമോചന വാര്‍ത്തയ്ക്ക് മഹാലക്ഷ്മിയുടെ മാസ് മറുപടി
അഭിനേത്രിയായ മഹാലക്ഷ്മിയും നിര്‍മ്മാതാവായ രവീന്ദര്‍ ചന്ദ്രശേഖറും തമ്മിലുള്ള വിവാഹം വലിയ ചര്‍ച്ചയായിരുന്നു. സോഷ്യല്‍മീഡിയയിലൂടെയായി ഇരുവരും വിശേഷങ്ങള്‍ പങ്കിടാറുണ്ട്. ഇരുവരും വേര്‍പിരിഞ്ഞെന്ന തരത്തിലുള്ള റിപ്പോര്‍ട്ടുകളായിരുന്നു അടുത്തിടെ പ്രചരിച്ചത്. വിവാഹമോചനം ചര്‍ച്ചയായി മാറിയപ്പോഴായിരുന്നു മാസ് മറുപടിയുമായി മഹാലക്ഷ്മി എത്തിയത്. വ്യക്തി ജീവിതത്തിലെ കാര്യങ്ങളെക്കുറിച്ചുള്ള വിമര്‍ശനങ്ങള്‍ക്ക് മറുപടി നല്‍കാറില്ലെങ്കിലും ഇത്തവണ നടി മികച്ച മറുപടിയുമായി എത്തുകയായിരുന്നു. നിമിഷനേരം കൊണ്ടായിരുന്നു പോസ്റ്റ് വൈറലായി മാറിയത്. ആരാധകരെല്ലാം ഇവര്‍ക്ക് പിന്തുണ അറിയിച്ചെത്തിയിരുന്നു.മഹാലക്ഷ്മിക്കൊപ്പമുള്ള ചിത്രങ്ങളും വിശേഷങ്ങളുമെല്ലാം രവീന്ദര്‍ പങ്കിടാറുണ്ട്. അടുത്തിടെ അദ്ദേഹം ഒറ്റയ്ക്കുള്ള ചിത്രങ്ങള്‍ പങ്കുവെച്ചിരുന്നു. നിരാശയിലാണെന്ന തരത്തിലുള്ള ക്യാപ്ഷനായിരുന്നു നല്‍കിയത്. ഇതോടെയാണ് മഹാലക്ഷ്മിയുമായി അകല്‍ച്ചയിലാണെന്ന ചര്‍ച്ചകള്‍ വന്നത്. യൂട്യൂബ് ചാനലുകളിലൂടെയായി നിമിഷനേരം കൊണ്ട് തന്നെ വാര്‍ത്ത വൈറലാവുകയും ചെയ്തു. ഞങ്ങള്‍ തമ്മില്‍ പ്രശ്‌നങ്ങളൊന്നുമില്ലെന്ന് വ്യക്തമാക്കി ഇവരെത്തിയതോടെയാണ് ചര്‍ച്ചകള്‍ അവസാനിച്ചത്.
ഡെയ് പുരുഷാ, ഒറ്റയ്ക്കുള്ള ഫോട്ടോ സോഷ്യല്‍മീഡിയയില്‍ പോസ്റ്റ് ചെയ്യരുതെന്ന് പറഞ്ഞിട്ടുള്ളതല്ലേ. നമ്മള്‍ പിരിഞ്ഞുവെന്നാണ് സോഷ്യല്‍മീഡിയ പറയുന്നത്. ഇനിയും ഇത് തുടര്‍ന്നാല്‍ എനിക്ക് ഇഷ്ടപ്പെട്ട സേമിയ ഉപ്പുമാവ് മൂന്ന് നേരം ഭക്ഷണമായി ഞാന്‍ തരുമെന്നായിരുന്നു മഹാലക്ഷ്മി രവീന്ദറിനോട് പറഞ്ഞത്. സന്തോഷത്തോടെ ചിരിച്ച് നില്‍ക്കുന്ന ഫോട്ടോയും ഇരുവരും പോസ്റ്റ് ചെയ്തിരുന്നു. ആ ഉപ്പുമാവ് കഴിക്കുന്നവര്‍ക്ക് മനസിലാവും അതിന്റെ പ്രശ്‌നമെന്നും രവീന്ദര്‍ മഹാലക്ഷ്മിയോട് പറഞ്ഞിരുന്നു.എനിക്ക് ചുറ്റുമായി നീയുള്ളപ്പോള്‍ ഈ ലോകത്ത് എനിക്ക് ചെയ്യാന്‍ പറ്റാത്തതായി ഒന്നുമില്ലെന്നായിരുന്നു മുന്‍പ് മഹാലക്ഷ്മി കുറിച്ചത്. ലവ് യൂ പൊണ്ടാട്ടിയെന്നായിരുന്നു രവീന്ദറിന്റെ മറുപടി. എന്നെ ഞാനായി മനസിലാക്കിയ വ്യക്തിയാണ് അവള്‍. സന്തോഷ കുടുംബ ജീവിതം നയിച്ച് വരികയാണ് ഞങ്ങളെന്നും അദ്ദേഹം പറഞ്ഞിരുന്നു. അനാവശ്യമായ ഗോസിപ്പുകളിലേക്ക് എന്തിനാണ് ഞങ്ങളെ വലിച്ചിഴയ്ക്കുന്നതെന്നും ഇരുവരും ചോദിച്ചിരുന്നു.

രവീന്ദറിന്റെ സമ്പത്താണ് മഹാലക്ഷ്മിയെ ആകര്‍ഷിച്ചതെന്ന തരത്തിലുള്ള വിമര്‍ശനങ്ങളായിരുന്നു വിവാഹ സമയത്ത് ഉയര്‍ന്നത്. അദ്ദേഹത്തിന്റെ വണ്ണം എന്നെ സംബന്ധിച്ച് പ്രശ്‌നമായിരുന്നില്ല. വിവാഹത്തിന് മുന്‍പ് തന്നെ ഞാന്‍ തടി കുറക്കാമെന്ന് അദ്ദേഹം പറഞ്ഞതാണ്. ആരോഗ്യത്തിന് വേണ്ടി വണ്ണം കുറയ്ക്കണമെങ്കില്‍ ആവാം, തനിക്ക് വേണ്ടി ചെയ്യരുതെന്നായിരുന്നു മഹാലക്ഷ്മി പറഞ്ഞത്. ശരീരഭാരത്തിന്റെ പേരില്‍ ആരേയിം വിമര്‍ശിക്കരുതെന്നും അത് ശരിയല്ലെന്നും അദ്ദേഹം പറഞ്ഞിരുന്നു.കഴിഞ്ഞ കാലത്തെക്കുറിച്ച് ഞങ്ങള്‍ക്ക് വ്യക്തമായി അറിയാം. ഒന്നിച്ച് മുന്നോട്ട് പോവാന്‍ കഴിയുമെന്ന് മനസിലാക്കിയത് കൊണ്ടാണ് ഒന്നിക്കാന്‍ തീരുമാനിച്ചത്. എല്ലാവരും നിന്നെ മനസിലാക്കണമെന്നില്ല, വിമര്‍ശകര്‍ക്ക് എപ്പോഴും മറുപടി കൊടുക്കേണ്ടതില്ല. നമ്മളെപ്പോഴും ഹാപ്പിയല്ലേ, അത് നിലനിര്‍ത്തിയാല്‍ മതിയെന്നും രവീന്ദര്‍ മഹാലക്ഷമിയോട് പറഞ്ഞിരുന്നു. വിവാഹശേഷവും താരം അഭിനയത്തില്‍ സജീവമാണ്.വിവാഹമോചന ശേഷം ഇനിയുള്ള ജീവിതം മകനൊപ്പം എന്ന് തീരുമാനിച്ചിരുന്നു. രണ്ടാമതൊരു വിവാഹത്തെക്കുറിച്ച് ആലോചിച്ചിരുന്നില്ല. മകനെ ഒറ്റയ്ക്ക് വളര്‍ത്താന്‍ കഴിയുമെന്ന വിശ്വാസമുണ്ടായിരുന്നു. സാമ്പത്തികമായും പ്രശ്‌നങ്ങളൊന്നുമില്ലായിരുന്നു. രവീന്ദറിനെ പരിചയപ്പെട്ട ശേഷമായാണ് താന്‍ തീരുമാനം മാറ്റിയതെന്നും മഹാലക്ഷ്മി വ്യക്തമാക്കിയിരുന്നു.അവള്‍ വന്നതോടെ ജീവിതത്തില്‍ ഒരുപാട് മാറ്റങ്ങള്‍ വന്നു. ഞാന്‍ ചെയ്യുന്ന എല്ലാ കാര്യങ്ങള്‍ക്കും അവളുടെ പിന്തുണയുണ്ട്. സ്‌നേഹം കൊണ്ട് പലതും മാറ്റിയെടുക്കാനാവുമെന്ന് എനിക്ക് മനസിലാക്കി തന്നത് അവളാണ്. വിവാഹ ശേഷമുള്ള ജീവിതത്തിലെ മാറ്റത്തെക്കുറിച്ചും രവീന്ദര്‍ വാചാലനായിരുന്നു. ഭാര്യയോടുള്ള സ്‌നേഹം അദ്ദേഹം പരസ്യമായി പ്രകടിപ്പിക്കാറുണ്ട്.

@All rights reserved Typical Malayali.