ആറ് വര്‍ഷത്തെ സൗഹൃദം, അനു ജോസഫുമായുള്ള ബന്ധം വെളിപ്പെടുത്തി അസി റോക്കി; അന്നത്തെ തല്ലിന് ശേഷം ആദ്യമായി സിജോയെ കണ്ടപ്പോള്‍, റിഷിക്ക് കൊടുത്തത് 10 ലക്ഷത്തിന്റെ സമ്മാനം?
ബിഗ്ഗ് ബോസ് മലയാളം സീസണ്‍ സിക്‌സില്‍ സിജോയെ ഇടിച്ച് മുഖത്തിന്റെ ഷേപ്പ് മാറ്റിയ മത്സരാര്‍ത്ഥിയായിരുന്നു അസി റോക്കി. അതിന്റെ പേരില്‍ ഷോയില്‍ നിന്ന് പുറത്താക്കപ്പെടുകയും ചെയ്തു. ബിഗ് ബോസില്‍ നിന്ന് പുറത്തിറങ്ങിയ ശേഷം തന്‍രെ ഭാഗം ന്യായീകരിച്ച് റോക്കി എത്തിയ വീഡിയോ എല്ലാം വൈറലായിരുന്നു. എന്നാല്‍ ഇന്ന് അതിനെ ഞാനൊരിക്കലും ന്യായീകരിക്കില്ല എന്ന് അസി റോക്കി പറയുന്നു. അനു ജോസഫിന് നല്‍കിയ അഭിമുഖത്തിലാണ് താരത്തിന്റെ ചില തുറന്ന് പറച്ചിലുകള്‍.
തിരുവനന്തപുരത്തി നിന്ന് കൊച്ചിയിലേക്ക്, ബിഗ് ബോസ് താരം റിഷി എസ് കുമാറിന്റെ വിവാഹത്തില്‍ പങ്കെടുക്കാനുള്ള യാത്രയില്‍ ആയിരുന്നു റോക്കിയുമായുള്ള അഭിമുഖം. തങ്ങള്‍ തമ്മിലുള്ള ബന്ധത്തെ കുറിച്ചും വീഡിയോയില്‍ പറയുന്നുണ്ട്. അനു ജോസഫ് തന്റെ വീടെന്ന് പറഞ്ഞ് കാണിച്ച അതേ വീടാണ്, അസി റോക്കിയും തന്റെ വീടായി ബിഗ് ബോസില്‍ എത്തിയപ്പോള്‍ കാണിച്ചത്. ഇവര്‍ തമ്മിലുള്ള ബന്ധമെന്താണ് എന്ന ചോദ്യം അന്നേ സജീവമായിരുന്നു. ഞങ്ങള്‍ ബിസിനസ് പാര്‍ട്‌ണേഴ്‌സ് ആണ് എന്ന് റോക്കി വ്യക്തമാക്കി.
ആറ് വര്‍ഷത്തെ സൗഹൃദമാണ് ഞങ്ങള്‍ തമ്മില്‍. അതിനൊപ്പം ബിസിനസ് പാര്‍ട്‌ണേഴ്‌സുമാണ്. ഞങ്ങള്‍ രണ്ടുപേരും ചേര്‍ന്ന് നിര്‍മിച്ച വീടാണ് അത്. പക്ഷേ താമസത്തിന് വേണ്ടയല്ല. ഷൂട്ടിങ് ആവശ്യങ്ങള്‍ക്കായി വാടകയ്ക്ക് കൊടുക്കാന്‍ വേണ്ടിയായിരുന്നു എന്നാണ് റോക്കിയും അനുവും പറയുന്നത്. റോക്കിയുടെ ജീവിതത്തില്‍ പ്രണയങ്ങള്‍ സംഭവിച്ചിട്ടുണ്ട് എന്നും, ഇപ്പോഴും സംഭവിച്ചുകൊണ്ടിരിക്കുകയാണെന്നും താരം തുറന്ന് പറയുന്നുണ്ട്. ബന്ധങ്ങള്‍ നിലനിര്‍ത്താന്‍ അറിയില്ല, അതുകൊണ്ട് തന്നെ വിരലിലെണ്ണാവുന്ന അത്രയും സൗഹൃദങ്ങള്‍ മാത്രമേ തനിക്കുള്ളൂ എന്നും അസി റോക്കി പറഞ്ഞു.
റിഷിയുമായി ബിഗ് ബോസില്‍ വച്ച് സഹോദര തുല്യമായ ബന്ധമായിരുന്നു. അതുകൊണ്ടാണ് തിരക്കുകള്‍ മാറ്റിവച്ച് പോകുന്നത്. ട്രോളുകളെ കുറിച്ച് ചോദിച്ചപ്പോള്‍, ബിഗ് ബോസില്‍ ഉപയോഗിച്ച കുപ്പി ലേലത്തില്‍ വച്ചതിനെ കുറിച്ചും അനു ജോസഫ് ചോദിച്ചിരുന്നു. പത്ത് ലക്ഷം വരുന്ന ആ കുപ്പിയാണ് റിഷിയ്ക്ക് കല്യാണ സമ്മാനമായി കൊടുക്കുന്നത് എന്നാണ് അസി റോക്കി പറഞ്ഞത്. എന്നാല്‍ അത് തമാശയായിരുന്നു, ഐശ്വര്യയ്ക്കും റിഷിക്കും ലക്ഷ്വറി വാച്ചാണ് റോക്കി സമ്മാനമായി നല്‍കിയത്.
വിവാഹ സത്കാര ചടങ്ങില്‍ എത്തിയതിന് ശേഷമുള്ള രംഗങ്ങളും അനുവിന്റെ വീഡിയോയില്‍ ഉണ്്. സിജോയെ കണ്ടതും അസി അങ്ങോട്ട് പോയി കൈ കൊടുത്ത് കെട്ടിപ്പിടിയ്ക്കുകയായിരുന്നു. എന്നാല്‍ സിജോ കൈ കൊടുക്കാന്‍ തയ്യാറായില്ല. ക്ഷമ പറഞ്ഞ് അസി റോക്കി സിജോയോട് സംസാരിക്കുമ്പോഴും തനിക്ക് ആ തല്ല് കാരണം ഉണ്ടായ പ്രശ്‌നങ്ങളെ കുറിച്ച് പറയുകയായിരുന്നു സിജോ. ഒട്ടും പ്രതീക്ഷിക്കാതെ, ഞാന്‍ പോലും അറിയാതെ സംഭവിച്ച അപകടം ആയിരുന്നു അത്, അപകടത്തെ ആര്‍ക്കും ന്യായീകരിക്കാന്‍ കഴിയില്ലല്ലോ. അത് ചെയ്യേണ്ടിയിരുന്നില്ല എന്ന് പലപ്പോഴും തോന്നിയിരുന്നു എന്ന് നേരത്തെ അനു ജോസഫുമായി സംസാരിക്കവെ അസി റോക്കി പറഞ്ഞിരുന്നു.
@All rights reserved Typical Malayali.
Leave a Comment