പിഞ്ചോമനകളായ മക്കളെ കൊന്ന് തൂങ്ങിമരിച്ച് സബീഷും ഷീനയും.. ഇന്നലെ രാത്രി

കുഞ്ഞുങ്ങൾക്ക് വിഷം നൽകിയ ശേഷം സബീഷും ഷീനയും തൂങ്ങി; നോവായി കുടുംബത്തിൻ്റെ മരണം.37കാരനായ സബീഷ്, 35കാരിയായ ഷീന, മക്കളായ ഹരിഗോവിന്ദ് (ആറ്), ശ്രീവർധൻ (രണ്ടര) എന്നിവരെയാണ് മരിച്ച നിലയിൽ കണ്ടെത്തിയത്. കുട്ടികൾക്ക് വിഷം നൽകിയ ശേഷം സബീഷും ഷീനയും തൂങ്ങിമരിച്ചതാണെന്നാണ് സംശയം.മലപ്പുറം: ഭാര്യയും മക്കളുമായി ആത്മഹത്യ ചെയ്ത 37കാരൻ മലപ്പുറത്തെ സ്വകാര്യ പണമിടപാട് സ്ഥാപനത്തിലെ മാനേജർ. മൈത്രി നഗറിലാണ് വാടകവീട്ടിൽ ഭർത്താവിനെയും ഭാര്യയെയും രണ്ടു കുഞ്ഞുങ്ങളും ആത്മഹത്യ ചെയ്ത നിലയിൽ കണ്ടെത്തിയത്. രണ്ടു കുഞ്ഞുങ്ങൾക്ക് വിഷം നൽകിയ ശേഷം 37കാരനായ മേലേക്കാട്ടിൽപറമ്പ് സബീഷും 35കാരിയായ ഭാര്യ ഷീനയും രണ്ടു മുറികളിലായി ഫാനിൽ തൂങ്ങിമരിക്കുകയായിരുന്നുവെന്നാണ് പോലീസിന്റെ പ്രാഥമിക നിഗമനം. നാലംഗ കുടുംബത്തിൻ്റെ മരണം നാട്ടുകാർക്കും ബന്ധുക്കൾക്കും തീരാവേദനയായി.സബീഷ് കോഴിക്കാട് കുറ്റിക്കാട്ടൂർ സ്വദേശിയും ഷീന കണ്ണൂർ സ്വദേശിനിയുമാണ്.

കണ്ണൂരിലെ എസ്ബിഐ. ബാങ്കിൽ മാനേജറായി കഴിഞ്ഞ ദിവസമാണ് ഷീന ചാർജെടുത്തത്. ഇരുവർക്കും ഒപ്പം മക്കളായ ഹരിഗോവിന്ദ് (ആറ്), ശ്രീവർധൻ (രണ്ടര) എന്നിവരെയാണ് വാടകവീട്ടിൽ മരിച്ച നിലയിൽ കണ്ടെത്തിയത്.സബീഷ് മുറിയിൽ ഫാനിൽ തൂങ്ങിമരിച്ച നിലയിലായിരുന്നു. ഇതേനിലയിൽ തൊട്ടടുത്ത മുറിയിലെ ഫാനിലാണ് ഷീനയെ കണ്ടെത്തിയത്. സബീഷ് തൂങ്ങിമരിച്ച മുറിയിൽ കട്ടിലിൽ ശ്രീവർധന്റെയും നിലത്ത് മെത്തയിൽ ഹരിഗോവിന്ദിന്റെയും മൃതദേഹങ്ങളും ഉണ്ടായിരുന്നു.
വ്യാഴാഴ്ച കുടുംബക്കാർ ഷീനയെ നിരന്തരം ഫോൺ വിളിച്ചിട്ട് കിട്ടാതായപ്പോൾ രാത്രി 11ഓടെ പോലീസിൽ അറിയിക്കുകയായിരുന്നു. തുടർന്ന് രാത്രി മലപ്പുറം പോലിസെത്തി പരിശോധിച്ചപ്പോഴാണ് മരിച്ച വിവരം അറിയുന്നത്. രാത്രി 12ഓടെ പോലീസ് എത്തി വാതിൽ ചവിട്ടിത്തുറന്നാണ് വീട്ടിലേയ്ക്ക് പ്രവേശിച്ചത്. ഈ സമയം നാലുപേരും മരിച്ചിരുന്നു.ഹരിഗോവിന്ദ് മലപ്പുറം കേന്ദ്രീയ വിദ്യാലയത്തിലെ വിദ്യാർഥിയാണ്. മരണത്തിൽ അന്വേഷണം ആരംഭിച്ചതായി മലപ്പുറം പോലീസ് അറിയിച്ചു. കുട്ടികൾക്ക് വിഷം നൽകിയ ശേഷം മാതാപിതാക്കൾ തൂങ്ങിമരിച്ചതാണെന്ന സംശയമാണ് പോലീസിനുള്ളത്.

@All rights reserved Typical Malayali.