നിന്നെ പോലെ ആരുമില്ല, ഭര്‍ത്താവിനും മക്കള്‍ക്കുമൊപ്പം സംവൃത വളരെ അധികം ഹാപ്പിയാണ്; ക്യൂട്ടായ വീഡിയോ പങ്കുവച്ച് അനിയത്തി
ചുരുക്കം ചില സിനിമകള്‍ മാത്രമേ ചെയ്തിട്ടുള്ളൂവെങ്കിലും, ചെയ്ത സിനിമകളിലൂടെ തന്നെ ശ്രദ്ധ നേടിയ നടിയാണ് സംവൃത സുനില്‍. വിവാഹ ജീവിതത്തിലേക്ക് കടന്നതിന് ശേഷം ചില സിനിമകളൊക്കെ ചെയ്തുവെങ്കിലും, സംയുക്ത ഏറ്റവും സന്തോഷവതിയായി നില്‍ക്കുന്നത് കുടുംബത്തിനൊപ്പം തന്നെയാണ്. ഭര്‍ത്താവിനും മക്കള്‍ക്കുമൊപ്പമുള്ള വിശേഷങ്ങള്‍ നടി നിരന്തരം സോഷ്യല്‍ മീഡിയയിലൂടെ പങ്കുവയ്ക്കാറുണ്ട്.
ഇന്ന് സംവൃതയുടെ മുപ്പത്തിയെട്ടാം ജന്മദിനമാണ്. ആശംസകള്‍ അറിയിച്ച് അനിയത്തി സംജുക്ത പങ്കുവച്ച വീഡിയോ ആണ് ഇപ്പോള്‍ സോഷ്യല്‍ മീഡിയയില്‍ ശ്രദ്ധ നേടുന്നത്. സംയുക്തയുടെ ചില ക്യൂട്ട് ഭാവങ്ങളും, കുടുംബത്തിനൊപ്പമിള്ള സന്തോഷ നിമിഷങ്ങളും വീഡിയോയില്‍ കാണാം. സിനിമയില്‍ കണ്ടതൊന്നുമല്ല, ഇതാണ് സംയുക്തയുടെ റിയല്‍ ലൈഫും സന്തോഷവും എന്ന് ആരാധകരെ തോന്നിപ്പുക്കുന്ന തരത്തിലാണ് സംയുക്ത പങ്കുവച്ച വീഡിയോ.
‘എന്റെ വിലമതിക്കാന്‍ കഴിയാത്ത പെണ്‍കുട്ടിയ്ക്ക് ജന്മദിനാശംസകള്‍. നിന്നെ പോലെ ആരുമില്ല സംവൃത’ എന്ന ക്യാപ്ഷനോടെയാണ് സംയുക്തയുടെ പോസ്റ്റ്. താങ്ക്യു ബേബീ എന്ന് പറഞ്ഞ് കമന്റില്‍ സംവൃതയും എത്തി. ആശംസകളുമായി ആരാധകരുടെ കമന്റുകളും വരുന്നു.
കണ്ണൂര്‍ക്കാരിയായ സംവൃത സുനില്‍ ലാല്‍ ജോസ് സംവിധാനം ചെയ്ത രസികന്‍ എന്ന ചിത്രത്തിലൂടെയാണ് അഭിനയ ലോകത്തേക്ക് എത്തിയത്. ആദ്യ ചിത്രത്തിലൂടെ തന്നെ ശ്രദ്ധ നേടാന്‍ സംയുക്തയ്ക്ക് സാധിച്ചു. പിന്നീട് അച്ഛനുറങ്ങാത്ത വീട്, മൂന്നാമതൊരാള്‍, വാസ്തവം, തിരക്കഥ, ഇവര്‍ വിവാഹിതരായാല്‍, നീലത്താമര, കോക്ടെയില്‍, ഡയമണ്ട് നക്ലൈസ് തുടങ്ങി നിരവധി നല്ല സിനിമകള്‍ ചെയ്തു.
2012 ല്‍ ആണ് അഖില്‍ ജയരാജനുമായുള്ള സംവൃതയുടെ വിവാഹം നടന്നത്. രണ്ട് മക്കളും ഉണ്ട്. വിവാഹത്തിന് ശേഷം നായികാ നായകന്‍ എന്ന ടെലിവിഷന്‍ ഷോയിലൂടെ തിരിച്ചെത്തിയ സംവൃത പിന്നീട് സത്യം പറഞ്ഞാല്‍ വിശ്വസിക്കുമോ എന്ന സിനിമയിലും അഭിനയിച്ചു. അഭിനയിക്കുന്നതില്‍ തനിക്ക് വിരോധമില്ല, പക്ഷേ ഇപ്പോള്‍ കുടുംബത്തിനൊപ്പം യുഎസ്സിലാണ്, ഇന്ത്യയിലേക്കുള്ള യാത്ര അസാധ്യമായതിനാലാണ് അഭിനയത്തില്‍ സജീവമല്ലാത്തത്.
@All rights reserved Typical Malayali.
Leave a Comment