സന്തോഷകരമായ ഒത്തുചേരല്‍ നിരവധി ഓര്‍മ്മകള്‍ സമ്മാനിക്കും! പ്രിയപ്പെട്ടവര്‍ക്കൊപ്പം ഓണം ആഘോഷിച്ചതിനെക്കുറിച്ച് സീമ ജി നായര്‍

മിനിസ്‌ക്രീനിലും ബിഗ് സ്‌ക്രീനിലുമായി സജീവമാണ് സീമ ജി നായര്‍. അഭിനയത്തിന് പുറമെ സാമൂഹ്യപ്രവര്‍ത്തനങ്ങളുമായും സജീവമാണ് സീമ. നന്ദു മഹാദേവയും ശരണ്യയുമൊക്കെ സീമയ്ക്ക് ഏറെ പ്രിയപ്പെട്ടവരാണ്. അവസാനനിമിഷം സീമ അവരോടൊപ്പമുണ്ടായിരുന്നു. ഓര്‍മ്മ ദിനത്തില്‍ അവരെക്കുറിച്ച് വാചാലയായും സീമ എത്താറുണ്ട്. ഫേസ്ബുക്കിലൂടെ പങ്കിടുന്ന വിശേഷങ്ങളെല്ലാം പെട്ടെന്ന് തന്നെ വൈറലായി മാറാറുണ്ട്.

പതിവ് തെറ്റിച്ചൊരു ഓണാഘോഷമായിരുന്നു ഇത്തവണത്തേതെന്ന് സീമ പറയുന്നു. എപ്പോഴും ഇവിടെയാണ് എല്ലാവരും കൂടാറുള്ളത്, ഈ പ്രാവശ്യം ചേച്ചിയുടെ വീട്ടിലായിരുന്നു ഞങ്ങളൊത്തുകൂടിയത്. ഫേസ്ബുക്ക് ലൈവിലൂടെയായി പ്രിയപ്പെട്ടവരോടൊപ്പമുള്ള സന്തോഷനിമിഷങ്ങളുടെ വീഡിയോ സീമ പങ്കിട്ടിരുന്നു. ചിത്രങ്ങളും കുറിപ്പും പങ്കുവെച്ചിരുന്നു. പ്രിയപ്പെട്ടവരെല്ലാം പോസ്റ്റിന് താഴെയായി സീമയോടുള്ള സ്നേഹം അറിയിച്ചിരുന്നു. തിരിച്ച് മറുപടിയായി സീമയും സ്നേഹം അറിയിക്കുന്നുണ്ട്.

ഉത്രാടവും ഓണവും അവിട്ടവും കഴിഞ്ഞു. ഒന്നും രണ്ടും മൂന്നും ഓണം കഴിഞ്ഞു. ഇന്ന് ചതയം, ഏവർക്കും ചതയ ദിനാശംസകൾ. ആഘോഷങ്ങൾ തീരുന്നില്ല. ഈ കുറി ഓണം ചേച്ചിയുടെ വീട്ടിൽ ആയിരുന്നു. എല്ലാവർഷവും എന്റെ വീട്ടിൽ ആണ് എല്ലാരും കൂടാറ്. ഉത്രാടത്തിന്റെയന്ന്‌ രാത്രിയിൽ ആണ് വീട്ടിൽ എത്തിയത്. ചെന്നൈയിൽ ഷൂട്ട് ഉണ്ടായിരുന്നു. ചെറിയൊരു പനിക്കോളും ,ക്ഷീണവും. എന്നാലും സഹോദരങ്ങളുടെയും, മക്കളുടെയും കൂടെയുള്ള ഒത്തുചേരൽ അതിനു ഒരുപാട് എനർജി കിട്ടും, ഓർമ്മകൾ കിട്ടും. സന്തോഷകരമായ ഒത്തുചേരൽ എപ്പോളും സന്തോഷകരമായിരിക്കും. എല്ലാവരും സന്തോഷത്തോടെ ഇരിക്കുന്നെന്നു വിശ്വസിക്കുന്നു. നന്മകൾ നേരുന്നു എന്നായിരുന്നു സീമയുടെ കുറിപ്പ്.

നിരവധി പേരായിരുന്നു സീമയുടെ പോസ്റ്റിന് താഴെയായി അഭിപ്രായങ്ങൾ രേഖപ്പെടുത്തിയിട്ടുള്ളത്. സ്നേഹം അറിയിച്ചുള്ള കമന്റുകൾക്കെല്ലാം സീമ തിരിച്ച് നന്ദി അറിയിച്ചിരുന്നു. ചേച്ചിക്കുട്ടിയേ, ആരോഗ്യം ശ്രദ്ധിക്കണം, കേട്ടോ, കണ്ടപ്പോൾ ചേച്ചിക്ക് സുഖമില്ലാത്ത പോലെ തോന്നിയിരുന്നു. ആരോഗ്യം ശ്രദ്ധിക്കണം കേട്ടോ, എല്ലാവർക്കും നല്ലത് വരട്ടെയെന്നായിരുന്നു ഒരാൾ കമന്റ് ചെയ്തത്.

ഈ സന്തോഷവും സമാധാനവും എന്നും നിലനിൽക്കട്ടെ. സീമ ഇന്നലെ ഇട്ട ലൈവ് കണ്ടിരുന്നു. ഭയങ്കര സന്തോഷം തോന്നി. കൂടപ്പിറപ്പുകളും മക്കളും എല്ലാവരും കൂടി എന്തൊരു സ്നേഹമായിരുന്നു. അങ്ങോളം ഇങ്ങനെ തന്നെ പോകട്ടെ. സഹോദരങ്ങളും ഒക്കെ ഒത്തു കൂടൽ അത് ഒരു പ്രത്യേക എനർജി തന്നെയാണെന്നായിരുന്നു വേറൊരാൾ പറഞ്ഞത്. സീമയെ കാണാനാഗ്രഹമുണ്ടെന്നായിരുന്നു ചിലരൊക്കെ പറഞ്ഞത്.

@All rights reserved Typical Malayali.