മകളാണ് ലോകം; പെൺകുട്ടികൾ ആകുമ്പോൾ പെട്ടെന്ന് വളരുമല്ലോ; ഞാൻ അവൾ നീളം വയ്ക്കുന്നുണ്ടോ എന്ന് നോക്കിയിരിക്കും; ശോഭന പറയുന്നു!

എന്നും എക്കാലവും മലയാളികളുടെ പ്രിയ നടിയാണ് ശോഭന. തമിഴിൽ തുടങ്ങി പിന്നീട് മലയാളത്തിലും തെലുങ്കിലും കന്നഡയിലും ഹിന്ദിയിലും ഇംഗ്ലീഷിലും തുടങ്ങി നിരവധി സിനിമകളിൽ ശോഭന കഴിവ് തെളിയിക്കുകയുണ്ടായി.പതിനാലാം വയസ്സിൽ മലയാളത്തിൽ നായികയായി എത്തിയ ശോഭന ഇടക്കാലത്ത് സിനിമ വിട്ടെങ്കിലും നൃത്തത്തിൽ സജീവമായിരുന്നു. നൃത്തത്തെ പ്രാണന് തുല്യം സ്നേഹിക്കുന്ന നടി അവിവാഹിതയായി തുടരുകയാണെങ്കിലും ഒരു പെൺകുഞ്ഞിന്റെ അമ്മ കൂടിയാണ്. അനന്ത നാരായണിയാണ് ശോഭനയുടെ മകൾ. കുഞ്ഞിന് ഒപ്പമുള്ള സുന്ദര നിമിഷങ്ങൾ പ്രേക്ഷകരുമായി ഇടക്ക് പങ്കുവയ്ക്കാറുണ്ടെങ്കിലും വളർന്ന ശേഷം മകളുടെ ചിത്രങ്ങൾ എവിടെയും ശോഭന പങ്കുവച്ചിട്ടില്ല. വിശദമായി വായിക്കാം. ALSO READ: അവൻ ഉണ്ടായിരുന്നെങ്കിലോ? 80 വയസ്സായ, ആരോടും പരിഭവമില്ലാത്ത രാഘവേട്ടൻ വല്ലപ്പോഴും കിട്ടുന്ന അഭിനയാവസരങ്ങൾ കൊണ്ട് മാത്രമാണ് ജീവിക്കുന്നത്

2010 ല്‍ ആണ് ഒരു പെണ്‍കുഞ്ഞിനെ ശോഭന ദത്തെടുക്കുന്നത്. അടുത്തിടെ ഇൻസ്റ്റയിൽ കുഞ്ഞിനോടൊപ്പമുള്ള ഏതാനും നിമിഷങ്ങൾ ശോഭന പങ്കുവെച്ചിരുന്നു. നാരായണിയുടെ സ്റ്റഡി ടൈം വീഡിയോ ആണ് ശോഭന ഷെയർ ചെയ്‌തത്. ഇതിനു പിന്നാലെ മകളുടെ കൂടുതൽ വിശേഷങ്ങൾ തിരക്കി ആരാധകരും എത്തുകയുണ്ടായി.

​ആറുമാസമുള്ളപ്പോൾ!
​ആറുമാസമുള്ളപ്പോൾ!
2010 ൽ ശോഭന അനന്ത നാരായണിയെ ദത്തെടുക്കുമ്പോൾ അന്ന് കുഞ്ഞിന് പ്രായം ആറ് മാസമായിരുന്നു .

ഗുരുവായൂര്‍ അമ്പല നടയില്‍ വച്ചായിരുന്നു അനന്ത നാരാണിയുടെ ചോറൂണ്. പ്രണയ നൈരാശ്യത്തെ തുടര്‍ന്നാണ് ശോഭന വിവാഹം കഴിക്കാഞ്ഞതെന്നുള്ള ചർച്ചകളും നിലനിൽക്കുന്നതിന്റെ ഇടയിലായിരുന്നു കുഞ്ഞിനെ ശോഭന ദത്തെടുക്കുന്നത്. എന്നാൽ സ്വതന്ത്ര്യമായി ജീവിക്കാൻ ഇഷ്ടപെടുന്ന സ്ത്രീ നിലയിൽ മുൻനിരയിലാണ് ശോഭനയുടെ സ്ഥാനം എന്ന് പലപ്പോഴും ഗോസിപ്പ് ഇറക്കുന്നവർ മറക്കുന്നു എന്നതാണ് വാസ്തവം.

​മകളോട് മലയാളത്തിൽ!
​മകളോട് മലയാളത്തിൽ!
മകളോട് പുസ്തകം എവിടെയെന്നും പരീക്ഷാഭാഗങ്ങൾ അപ്‌ഡേറ്റ് ആക്കിയിട്ടുണ്ടോ എന്നും ശോഭന ചോദിച്ച വീഡിയോ ആണ് അടുത്തിടെ വൈറൽ ആയത്. മാത്രമല്ല എല്ലാ രക്ഷിതാക്കളും കുട്ടികൾക്ക് മതിയായ വിദ്യാഭ്യാസം കൊടുക്കണമെന്നും, അതാണ് ഏറ്റവും പ്രധാനപെട്ട കാര്യമെന്നും ശോഭന വീഡിയോയിലൂടെ പറയുന്നു. മലയാളത്തിലായിരുന്നു മകളോട് ശോഭനയുടെ സംസാരം.

​ഇപ്പോൾ മകളെക്കുറിച്ച്
​ഇപ്പോൾ മകളെക്കുറിച്ച്
ആരാധകർ നിരന്തരമായി ശോഭനയോട് മകളെ കുറിച്ച് സംസാരിക്കാറുണ്ടെങ്കിലും മകളുടെ വിശേഷങ്ങൾ അധികം താരം പങ്കിട്ടിരുന്നില്ല. മകളുടെ സ്വകാര്യതയെ മാനിച്ചുകൊണ്ടാകണം അങ്ങിനെ ചെയ്തതും. ഇപ്പോഴിതാ ആദ്യമായി മകളെ കുറിച്ച് പറയുകയാണ് ശോഭന. തന്റെ മകളാണ് തന്റെ ലോകം എന്ന് തെളിയിക്കുകയാണ് ശോഭന.

പെൺകുട്ടികൾ ആകുമ്പോൾ പെട്ടെന്ന് വളരുമല്ലോ എന്നാണ് ശോഭന പറയുന്നത്. മകളുടെ വസ്ത്രത്തിന്റെ കാര്യത്തിൽ താൻ അതീവ ശ്രദ്ധാലു ആണെന്ന് പറഞ്ഞ ശോഭന മകൾ മോഡേൺ സ്‌കൂളിൽ ആണ് പഠിക്കുന്നതെന്നും പറയുന്നു. പെൺകുട്ടികൾ ആകുമ്പോൾ പെട്ടെന്ന് വളരുമല്ലോ അത്കൊണ്ട് ഞാനെപ്പോഴും അവൾ നീളം വയ്ക്കുന്നുണ്ടോ എന്ന് നോക്കിയിരിക്കും, അത് കാണുമ്പൊൾ വാട്സ് ദി ഡീൽ അമ്മ എന്ന് ചോദിക്കുമെന്നും ശോഭന പറയുന്നു.

1984-ൽ ബാലചന്ദ്രമേനോൻ സംവിധാനം ചെയ്ത ഏപ്രിൽ 18 എന്ന ചിത്രത്തിലൂടെയാണ് ശോഭന മലയാളചലച്ചിത്രരംഗത്തേക്കു കടന്നുവരുന്നത്. ഭരതന്റെ ഇത്തിരിപ്പൂവേ ചുവന്ന പൂവേ എന്ന മമ്മൂട്ടി ചിത്രത്തിലാണ് ശോഭന രണ്ടാമതായി അഭിനയിക്കുന്നത്. അതേ വർഷം തന്നെ മമ്മൂട്ടിയുടെ നായികയായി കാണാമറയത്ത് എന്ന ചിത്രത്തിലും ശോഭന അഭിനയിച്ചു. രണ്ടുതവണയാണ് ദേശീയ അവാർഡ് ശോഭന നേടിയെടുത്തത്.

@All rights reserved Typical Malayali.