സാപ്പിക്ക് എന്താണ് സംഭവിച്ചത്; പെട്ടെന്ന് എങ്ങനെ ആരോഗ്യനില വഷളായി; ഈ വിയോഗം ഉൾക്കൊളളാൻ അദ്ദേഹത്തിന് സാധിക്കട്ടെയെന്ന് പ്രിയപ്പെട്ടവർ

സിദ്ദിഖിനെ സംബന്ധിച്ചിടത്തോളം ജൂൺ 27 ഒരിക്കലും മറക്കാൻ സാധിക്കില്ല. പിഞ്ചുകുഞ്ഞിനെപോലെ അദ്ദേഹം ചേർത്തണച്ച പ്രിയ സാപ്പി വിടവാങ്ങിയ ദിവസമാണ് വ്യാഴം ജൂൺ 27. ഏറെ ദിവസമായി സ്വകാര്യ ആശുപത്രിയിൽ ചികിത്സയിൽ കഴിയുകയായിരുന്നു സാപ്പി എന്ന റാഷിൻ. മുപ്പത്തിയേഴാം വയസ്സിൽ സാപ്പിയെ തനിക്ക് നഷ്ടമായപ്പോൾ ആ വിയോഗം അദ്ദേഹത്തെ ഏറെ തളർത്തി കളഞ്ഞിട്ടുണ്ടാകാം എന്നാണ് സോഷ്യൽ മീഡിയ പറയുന്നത്. പെട്ടെന്ന് സാപ്പിയുടെ ആരോഗ്യനില മോശം ആവുക ആയിരുന്നു.

ശ്വാസതടസ്സത്തെ തുടർന്ന് ഏറെ ദിവസങ്ങളായി കൊച്ചിയിലെ സ്വകാര്യ ആശുപത്രിയിൽ ചികിത്സയിൽ ആയിരുന്നു സാപ്പി. ഒപ്പം തന്നെ ഉപ്പയും ഉണ്ടായിരുന്നു. മകന്റെ പിറന്നാൾ ആഘോഷവിശേഷങ്ങൾ ഒക്കെ കഴിഞ്ഞവർഷം സിദ്ദിഖ് പങ്കുവച്ചെത്തിയിരുന്നു. മകന് ഒരിക്കൽ നൽകിയ സർപ്രൈസ് സമ്മാനത്തിന്റ വീഡിയോ അടുത്ത സമയം വരെ സോഷ്യൽ മീഡിയയിൽ നിറഞ്ഞുനിന്നിരുന്നു. ഏറെ വിഷമത്തോടെയാണ് സാപ്പിയുടെ വിയോഗവാർത്ത കുടുംബം പുറത്തുവിട്ടത്. സാമൂഹിക സാംസ്‌കാരിക രംഗത്തെ പ്രമുഖർ തങ്ങളുടെ സോഷ്യൽ മീഡിയ പേജിലൂടെ സാപ്പിയുടെ വിയോഗത്തിൽ അനുശോചനം അറിയിച്ചുകൊണ്ടെത്തി.

സിദ്ദിഖിന്റെ മറ്റൊരു മകൻ ഷഹീന്‍ സിദ്ദിഖിന്റെ വിവാഹസമയത്താണ് സാപ്പിയെ സോഷ്യൽ മീഡിയയിലെ പലരും അടുത്തറിയുന്നത്. കുടുംബത്തിന്റെ വിശേഷങ്ങൾ അധികമൊന്നും സിദ്ദിഖ് പറയാറില്ല. അതുകൊണ്ടുതന്നെ മകനെക്കുറിച്ചും അധികം എവിടെയും സംസാരിച്ചിട്ടുമില്ല. നടൻ കൂടി ആയ ഷഹീൻ ആണ് സാപ്പിയുടെ കഴിഞ്ഞവർഷത്തെ പിറനാള് ആഘോഷത്തിന്റെ വിശേഷങ്ങൾ സോഷ്യൽ മീഡിയ വഴി പങ്കിട്ടെത്തിയത്.

ഓരോ ദിവസം ചെല്ലുന്തോറും ചെറുപ്പമാകുന്ന സാപ്പിക്ക് പിറന്നാള്‍ ആശംസകള്‍ എന്ന ക്യാപ്ഷനോടെയാണ് ഷഹീന്‍ ചിത്രങ്ങളും വീഡിയോയും പോസ്റ്റ് ചെയ്തത്. ഷഹീന്റെ ഭാര്യ ഡോ.അമൃത, സിദ്ദീഖിന്റെ ഭാര്യ സീന, മകള്‍ ഫര്‍ഹീന്‍ എന്നിവരേയും വീഡിയോയില്‍ ആദ്യമായി സോഷ്യൽ മീഡിയ കണ്ടു. ഷഹീൻ പ്രായം കൊണ്ട് സാപ്പിക്ക് ഇളയത് ആണെങ്കിലും ചേട്ടനെ ഹൃദയയതോടെ ചേർത്ത് നിർത്തികൊണ്ടുള്ള ചിത്രങ്ങൾ മിക്കപ്പോഴും ഷഹീൻ പങ്കിടാറുണ്ട്.

പത്തേമാരി എന്ന ചിത്രത്തിലൂടെയാണ് ഷഹീന്‍ അഭിനയരംഗത്തെത്തുന്നത്. കസബ, ടേക്ക് ഓഫ്, ഒരു കുട്ടനാടന്‍ വ്‌ളോഗ്, വിജയ് സൂപ്പറും പൗര്‍ണമിയും തുടങ്ങി നിരവധി ചിത്രങ്ങളില്‍ ഷഹീന്‍ അഭിനയിച്ചിട്ടുണ്ട്. കല്യാണി പ്രിയദര്‍ശന്‍ നായികയായെത്തിയ ശേഷം മൈക്കില്‍ ഫാത്തിമയാണ്.

@All rights reserved Typical Malayali.