ഏഴു മാസത്തെ ദാമ്പത്യം മുഴുവന്‍ ഭര്‍ത്താവിന്റെ ക്രൂരപീഡനം.!! പിന്നാലെ അരയ്ക്ക് കീഴ്‌പ്പോട്ട് തളര്‍ന്നു ജീവിതം..!! നടി ശ്രീരേഖയുടെ ആദ്യ വിവാഹത്തില്‍ സംഭവിച്ചത്..!!
മത്സരാര്‍ത്ഥികള്‍ അവരുടെ സ്വകാര്യ ജീവിതത്തെ കുറിച്ചും, കടന്ന് വന്ന തിക്താനുഭവങ്ങളെ കുറിച്ചും ഒക്കെ സംസാരിക്കുമ്പോഴാണ് മറ്റ് സഹമത്സരാര്‍ത്ഥികള്‍ക്ക് അവരെ കൂടുതല്‍ മനസ്സിലാക്കാനും, ഉള്‍ക്കൊള്ളാനും സാധിക്കുന്നത്. ഇന്നലത്തെ എപ്പിസോഡില്‍, തനിക്ക് മനസ്സിലുള്ളതൊന്നും തുറന്ന് സംസാരിക്കാന്‍ ഇവിടെ ആരെയും കിട്ടുന്നില്ല, ഉള്ളിലുള്ളതെല്ലാം പറയണം എന്നൊക്കെ ശ്രീരേഖ ബിഗ് ബോസിനോട് മാത്രമായി പറഞ്ഞിരുന്നു. അതിന് ശേഷമാണ് ബിഗ് ബോസ് ശ്രീരേഖയോട് തന്റെ ലൈഫ് സ്റ്റോറി പറയാനായി ആവശ്യപ്പെട്ടത്.
ചിരിച്ചുകൊണ്ടാണ് ശ്രീരേഖ പറഞ്ഞു തുടങ്ങിയത്. പരാലിസിസ് വന്ന് അരയ്ക്ക് താഴ്‌പ്പോട്ട് തളര്‍ന്ന് കിടപ്പിലായതിനെ കുറിച്ചും അച്ഛനെ കുറിച്ചും ആണ് ലൈഫ് സ്റ്റോറിയില്‍ ശ്രീരേഖ സംസാരിച്ചത്. ദാമ്പത്യ ജീവിതത്തെ കുറിച്ച് പിന്നീട് അര്‍ജുന്‍ തനിച്ച് വന്ന് ചോദിച്ചപ്പോള്‍ പരുങ്ങിയ സ്വരത്തില്‍ ശ്രീരേഖ എല്ലാം തുറന്ന് പറയുന്നുണ്ട്.
അച്ഛനും അമ്മയ്ക്കും ഒറ്റ മോളാണ്. സഹോദരങ്ങള്‍ ഒന്നും ഉണ്ടായിരുന്നില്ല. പത്ത് വര്‍ഷം മുന്‍പാണ് പരാലിസിസിനെ തുടര്‍ന്ന് അരയ്ക്ക് താഴ്‌പ്പോട്ട് തളര്‍ന്ന് കിടപ്പിലായത്. ജീവിതത്തില്‍ പലരെയും തിരിച്ചറിയുന്ന ഘട്ടമായിരുന്നു അത്. ആവശ്യമില്ലാത്തവരെ ജീവിതത്തില്‍ നിന്നൊഴിവാക്കാന്‍ ആ സംഭവത്തെ അതിജീവിച്ച് വന്നപ്പോള്‍ എനിക്ക് സാധിച്ചു. ഒന്‍പത് മാസത്തോളം കിടപ്പിലായിരുന്നു. അവസാനം പല ചികിത്സകളും ചെയ്തു. ആ സമയത്താണ് അച്ഛന് തൊണ്ടയ്ക്ക് കാന്‍സര്‍ ബാധിച്ചത്. എന്റെ എല്ലാ കാര്യങ്ങളും നോക്കുന്നതും, ഒരു പെണ്‍കുട്ടിയായിട്ട് പോലും എന്റെ പ്രാഥമിക കാര്യങ്ങള്‍ക്ക് പോലും എന്നെ സഹായിക്കുന്നതും അച്ഛനായിരുന്നു. അച്ഛനില്ല എങ്കില്‍ അമ്മയ്‌ക്കൊരു ബാധ്യതയായി തുടരേണ്ടതില്ല എന്ന് പോലും ഞാന്‍ തീരുമാനിച്ചു.
@All rights reserved Typical Malayali.
Leave a Comment