ഇത് ജീവിതത്തിന്റെ പുതിയ തുടക്കം എന്ന് ശ്രുതി സിത്താര! പ്രണയ ബന്ധങ്ങളില്‍ തളച്ചിടാനുള്ളതല്ല ജീവിതവും കരിയറും, ആശംസകളുമായി ആരാധകര്‍
കേരളത്തില്‍ ചര്‍ച്ചയായ മറ്റൊരു പ്രണയ ബന്ധമായിരുന്നു ട്രാന്‍സ് വ്യക്തികളായ ശ്രുതി സിത്താരയുടെയും ദയ ഗായത്രിയുടെയും. ഏറെ അഭിമാനത്തോടെ ഇരുവരും വെളിപ്പെടുത്തിയ പ്രണയ ബന്ധം സോഷ്യല്‍ മീഡിയയില്‍ വൈറലായിരുന്നു. എന്നാല്‍ സമീപ കാലത്താണ് ഞങ്ങള്‍ വേര്‍പിരിഞ്ഞു എന്ന് രണ്ട് പേരും അറിയിച്ചത്. വേര്‍പിരിഞ്ഞുവെങ്കിലും എക്കാലവും നല്ല സുഹൃത്തുക്കള്‍ തന്നെയായിരിക്കും എന്ന് ദയ ഗായത്രി സോഷ്യല്‍ മീഡിയയിലൂടെ അറിയിച്ചിരുന്നു. അതിന് ശേഷം ശ്രുതി സിദ്ധുവുമായി പ്രണയത്തിലാണെന്ന ഗോസിപ്പുകള്‍ വന്നുവെങ്കിലും അത് ഗോസിപ്പുകളായി തന്നെ അവശേഷിച്ചു.
ഇപ്പോഴിതാ ജീവിതത്തിലെ പുതിയ സന്തോഷം പങ്കുവച്ചെത്തിയിരിക്കുകയാണ് ശ്രുതി സിത്താര. പ്രണയ ബന്ധങ്ങളില്‍ തളച്ചിടാനുള്ളതല്ല ശ്രുതിയുടെ പ്രണയവും ജീവിതവും എന്ന് തെളിയിക്കുന്നതാണ് താരത്തിന്റെ ഏറ്റവും പുതിയ പോസ്റ്റ്. അതെ മോഡലിങ് രംഗത്ത് നിന്ന് ശ്രുതി സിത്താര വീണ്ടും ചുവട് മാറ്റുന്നു, ആറ് വര്‍ഷത്തെ ഇടവേളയ്ക്ക് ശേഷം കോര്‍പറേറ്റ് കമ്പനിയില്‍ ജോലിയില്‍ കയറിയ സന്തോഷം പങ്കുവച്ച് താരം.
‘പ്രിയപ്പെട്ടവരെ, ജീവിതത്തിലെ പുതിയ ഘട്ടം ഇവിടെ, ബെംഗലൂരുവില്‍ ആരംഭിയ്ക്കുന്നു. നീണ്ട ആറ് വര്‍ഷത്തെ ഇടവേളയ്ക്ക് ശേഷം ഞാന്‍ വീണ്ടും ഒരു കോര്‍പറേറ്റ് കമ്പനിയില്‍ ജോലി ചെയ്യുന്നു, എച്ച് പി യില്‍ ജോയിന്‍ ചെയ്ത സന്തോഷ വാര്‍ത്ത നിങ്ങളെ എല്ലാവരെയും അറിയിക്കാന്‍ ആഗ്രഹിക്കുന്നു. എനിക്ക് ഊഷ്മളമായ സ്വീകരണം നല്‍കിയ എച്ച് പിയ്ക്ക് നന്ദി’ എന്നാണ് ശ്രുതി സിത്താര ഇന്‍സ്റ്റഗ്രാമില്‍ കുറിച്ചത്. ആരാധകരുടെ ആശംസാ പ്രവാഹമാണ് കമന്റില്‍.
ജീവിതത്തില്‍ ഒരുപാട് വെല്ലുവിളികള്‍ നേരിട്ടിട്ടുള്ള വ്യക്തിയാണ് ശ്രുതി സിത്താര. ആണുടലില്‍ നിന്ന് പൂര്‍ണമായും ഒരു സ്ത്രീയാവാനുള്ള ശ്രുതിയുടെ യാത്ര അത്ര എളുപ്പമായിരുന്നില്ല. പ്രവീണ്‍ എന്ന ആണ്‍കുട്ടിയില്‍ നിന്നാണ് ഇന്ന് കാണുന്ന ശ്രുതിയ സിത്താരയുടെ യാത്ര ആരംഭിച്ചത്. പഠനത്തിലും കലയിലും എല്ലാം കഴിവ് തെളിയിച്ച പ്രവീണ്‍ തന്നിലെ സ്ത്രീയെ നേരത്തെ തന്നെ തിരിച്ചറിഞ്ഞിരുന്നു.
മോഡലിങിനോടും അഭിനയത്തോടും ഒക്കെയാണ് ശ്രുതിയ്ക്ക് താത്പര്യം. ആഗ്രഹിച്ചതുപോലൊരു സ്ത്രീ ആയതിന് ശേഷം മോഡലിങില്‍ സജീവമായ ശ്രുതി സിത്താര മിസ് ഗ്ലോബല്‍ ട്രാന്‍സ് പട്ടം ചൂടിയ സുന്ദരികൂടെയാണ്. ദിവസങ്ങള്‍ക്ക് മുന്‍പായിരുന്നു ഭരതനാട്യത്തിലുള്ള ശ്രുതിയുടെ അരങ്ങേറ്റം കഴിഞ്ഞത്. അതും ജീവിതത്തിലെ വലിയ മൈല്‍സ്റ്റോണ്‍ ആണ് എന്ന് ശ്രുതി പറഞ്ഞിരുന്നു. ഇപ്പോള്‍ കോര്‍പറേറ്റ് കമ്പനിയിലേക്ക് കയറിയതും തോല്‍വി സമ്മതിക്കാത്ത ശ്രുതിയുടെ മറ്റൊരു ജയം.
@All rights reserved Typical Malayali.
Leave a Comment