മലയാളികൾക്ക് എന്തും പറയാമല്ലോ നാക്ക് ഉണ്ടല്ലോ! നടനുമായി ചേർത്തുവന്ന ഗോസിപ്പ് അനുവിന്റെ മാസ് മറുപടി

സ്റ്റാര്‍ മാജിക്കിലൂടെ പ്രേക്ഷകര്‍ ഇരു കൈയ്യും നീട്ടി സ്വീകരിച്ച കലാകാരിയാണ് അനുമോള്‍. അനുവിന്റെ കളിയും ചിരിയും പൊട്ടത്തരങ്ങളും എല്ലാം പ്രേക്ഷകര്‍ ഏറെ ആസ്വാദിക്കാറുണ്ട്. അഭിനയത്തിൽ എന്ന പോലെ ഉദ്‌ഘാടനവേദികളിലും അനു സജീവമാണ്. മിക്ക ബിഗ് ബോസ് സീസൺ എത്തുമ്പോഴും ഉയർന്നു കേൾക്കാറുണ്ട് അനുവിന്റെ പേര് എന്നാൽ സ്റ്റാർ മാജിക്ക് ഉള്ള കാലം അത്രയും താൻ അതിലേക്ക് പോവുകയില്ല എന്നാണ് ഇപ്പോൾ നടി പറയുന്നത്. കല്യാണം ആയോ എന്നുള്ള ചോദ്യത്തിനും അനു മറുപടി നൽകി. വിശദമായി വായിക്കാം.

എല്ലാരും കല്യാണം ആയോ ആയോ എന്ന് ചോദിക്കുന്നുണ്ട്. എന്നാൽ ഈ കല്യാണം വാങ്ങാൻ കിട്ടുന്ന സാധനം അല്ലല്ലോ. അതൊക്കെ സമയം ആകുമ്പോൾ നടക്കും എന്നാണ് വിശ്വാസം. ഒരു സാദാ വിവാഹം ആയിരിക്കും. ഞാൻ തീരുമാനിച്ച ശേഷം അച്ഛനെയും അമ്മയേയും അറിയിക്കും അങ്ങനെയാണ്- വിവാഹത്തെക്കുറിച്ചുള്ള ചോദ്യങ്ങൾക്ക് അനുമോൾ പ്രതികരിച്ചു.

ഞാൻ സുസുവിൽ ഇല്ല. അതിന്റെ ഷൂട്ടിങ് ഒക്കെ തുടങ്ങി കഴിഞ്ഞു. മെഗാ സീരിയൽ പോലെ പോവുകയാണ്. എനിക്ക് പകരം മറ്റൊരു പെൺകുട്ടിയാണ് എത്തുന്നത്. ഈ സീരിയലിന്റെ ഡയറക്ടർ തന്നെയാണ് അഭി വെഡ്സ് മഹി എന്ന സീരിയൽ സംവിധാനം ചെയ്യുന്നത്. അത് ഒരു ചാനലിനുവേണ്ടിയാണ്. ജീവനും ഞാനും ആണ് അഭിനയിക്കുന്നത്- യൂട്യൂബിലൂടെയാണ് എപ്പിസോഡുകൾ വരിക.

ജീവനുമായി ചേർത്തുകേൾക്കുന്ന ഗോസ്സിപ്പുകളോട് അനു പ്രതികരിച്ചത് ഇങ്ങനെ ആയിരുന്നു. മലയാളികൾ അല്ലെ, അവർക്ക് എന്തും പറയാമല്ലോ. നാക്ക് ഉണ്ടല്ലോ. അത്ര തന്നെ. കുഞ്ഞു കുഞ്ഞു പ്രോഗ്രാമുകളും സ്റ്റാർ മാജിക്കും ഒക്കെയായി പോകുന്നു. നല്ല രീതിയിൽ തന്നെ. ബിഗ് ബോസിൽ ചാൻസ് കിട്ടിയാൽ അപ്പോൾ തീരുമാനിക്കാം.

ബിഗ് ബോസിൽ നിന്നും കോളുകൾ വന്നിരുന്നു. പക്ഷെ സ്റ്റർമാജിക്ക് ചെയ്തുകൊണ്ട് ഇരിക്കുകയാണ്. ആത് വിട്ടിട്ട് ഒരു പരിപാടിയും ഇല്ലല്ലോ. എപ്പിസോഡുകൾ ഇരുന്നു കാണാറില്ല. സോഷ്യൽ മീഡിയയിൽ വരുന്ന ഷോർട്ട് വീഡിയോസ് കാണാറുണ്ട്. ഏറ്റവും ഇഷ്ടം ആരാണ് എന്ന് പറയാൻ ആകില്ല. പക്ഷേ എന്റെ സുഹൃത്താണ് ആഭിഷേക്. ഞാൻ അഭിഷേകിനെ സപ്പോർട്ട് ചെയ്യുന്നു.

ഇത്തവണത്തെ ബിഗ് ബോസിൽ എല്ലാവരും കണ്ടന്റ് കൊടുക്കുന്നുണ്ട്. ജാസ്മിനും കണ്ടൻറ് കൊടുക്കുന്നുണ്ട്. ആൾക്കാർക്ക് എന്തും പറയാമല്ലോ. എനിക്ക് പേഴ്സണലി ജാസ്മിനെ അറിയില്ല അതുകൊണ്ടുതന്നെ ഫേക്ക് ആണോ അല്ലയോ എന്ന് പറയാൻ എനിക്ക് ആകില്ല, ഞാൻ നാളെ പോയാലും ആളുകൾ ഇത് തന്നെ ആകും പറഞ്ഞുണ്ടാക്കുക- അനു മോൾ പറയുന്നു.

ഞാൻ ബിഗ് ബോസിൽ പോകുമോ ഇല്ലയോ എന്നത് സാഹചര്യങ്ങൾ പോലെ ആകും. സ്റ്റാർ മാജിക്ക് ഉള്ള കാലം അത്രയും ഞാൻ പോകാൻ സാധ്യത ഇല്ല എന്നും അങ്കമാലിയിൽ ഒരു ഷോപ്പ് ഉദ്ഘാടനത്തിന് എത്തിയപ്പോൾ മാധ്യമപ്രവർത്തകരുടെ ചോദ്യത്തിന് മറുപടിയായി പറയുന്നു.

@All rights reserved Typical Malayali.