ജീവിച്ചിരിപ്പുണ്ടായിരുന്നുവെങ്കില്‍ അവള്‍ ഇത് ചെയ്‌തേനെ! സുബി സുരേഷിനെക്കുറിച്ച് പറഞ്ഞ് രാഹുല്‍! വീഡിയോ വൈറല്‍

സുബി സുരേഷിന്റെ പിറന്നാളായിരുന്നു കഴിഞ്ഞുപോയത്. കൂടെയില്ലെങ്കിലും മകളുടെ പിറന്നാള്‍ ചെറുതായി ആഘോഷിക്കുകയായിരുന്നു കുടുംബം. സുബിയുടെ സുഹൃത്തായ രാഹുലും കേക്ക് മുറിക്കുന്ന സമയത്ത് എത്തിയിരുന്നു. സുബിയുടെ പിറന്നാള്‍ ഞങ്ങള്‍ ആഘോഷിച്ചു എന്ന ക്യാപ്ഷനോടെയായിരുന്നു വീഡിയോ പോസ്റ്റ് ചെയ്തത്. നിരവധി പേരാണ് വീഡിയോയുടെ താഴെയായി കമന്റുകള്‍ പങ്കുവെച്ചിട്ടുള്ളത്. അകലെ ഇരുന്ന് ഇതെല്ലാം ചേച്ചി കാണുന്നുണ്ടാവും. കുടുംബത്തില്‍ എല്ലാവരും എന്നും സന്തോഷത്തോടെ ഇരിക്കണമെന്നായിരുന്നല്ലോ ചേച്ചി ആഗ്രഹിച്ചതെന്നുമായിരുന്നു കമന്റുകള്‍.

സുബി ഇപ്പോള്‍ നമ്മുടെ കൂടെയില്ല. എങ്കില്‍പ്പോലും പിറന്നാള്‍ ദിനത്തില്‍ കേക്ക് കട്ട് ചെയ്യണമെന്നുള്ളത് അമ്മയ്ക്ക് നിര്‍ബന്ധമുള്ള കാര്യമാണ്. എല്ലാവരും എത്തിയിട്ടുണ്ട്. സുബിയുടെ സഹോദരന്റെ മകളാണ് കേക്ക് കട്ട് ചെയ്യുന്നത്. സുബി നമ്മളെ വിട്ടുപോയിട്ട് രണ്ട് വര്‍ഷമായി, അതൊന്നും ഓര്‍മ്മിപ്പിക്കേണ്ടാത്ത കാര്യമാണ്. ബര്‍ത്ത് ഡേയ്ക്ക് കേക്ക് കട്ട് ചെയ്യണമെന്ന ശാഠ്യം സുബിക്ക് പണ്ടേയുള്ളതാണ്. എല്ലാവരുടെ ബര്‍ത്ത് ഡേയ്ക്കും കേക്ക് കട്ട് ചെയ്തിരിക്കണം എന്നാണ് പറയാറുള്ളത്.

എല്ലാവരുടെ പിറന്നാളും സുബി ആഘോഷമാക്കാറുണ്ട്. സുബീ, സുബിക്ക് വേണ്ടി കൊച്ച് കേക്ക് കട്ട് ചെയ്യുവാണ്. സുബിയുടെ അതേ പതിപ്പായ മോള്‍ എന്നായിരുന്നു കേക്ക് മുറിക്കുമ്പോള്‍ അമ്മ പറഞ്ഞത്. അച്ഛമ്മയ്ക്കും അച്ഛച്ഛനുമായിരുന്നു ആദ്യം കേക്ക് കൊടുത്തത്. രാഹുല്‍ അങ്കിളിനും കേക്ക് നല്‍കിയിരുന്നു. സുബിക്ക് കൊടുക്കെന്ന് പറഞ്ഞ് ഫോട്ടോയ്ക്കും കേക്ക് വെച്ച് കൊടുക്കുകയായിരുന്നു.

മോള്‍ കൂടെയില്ലെന്ന് ഞങ്ങള്‍ക്ക് ഇപ്പോഴും വിശ്വസിക്കാനാവുന്നില്ല. സുബിയുടെ വലിയ സ്വപ്‌നമായിരുന്നല്ലോ യൂട്യൂബ് ചാനല്‍. ഇതില്‍ കണ്ടന്റുകള്‍ ചെയ്യണമെന്ന് എല്ലാവരും പറയുന്നുണ്ട്. അതിനുള്ള മനസ് വരുന്നില്ല. അതുകൊണ്ടാണ് വൈകുന്നതെന്നായിരുന്നു സുബിയുടെ അമ്മ പറഞ്ഞത്.

ഒന്നിച്ച് യാത്രകള്‍ ചെയ്ത് തുടങ്ങിയതോടയായിരുന്നു സുബിയും രാഹുലും പ്രണയത്തിലാണെന്ന തരത്തിലുള്ള ചര്‍ച്ചകള്‍ വന്നത്. ഇഷ്ടം പറഞ്ഞപ്പോള്‍ സുബി സ്വീകരിക്കില്ലെന്നായിരുന്നു കരുതിയത്. എന്നാല്‍ അവളും വിവാഹത്തിനുള്ള തയ്യാറെടുപ്പിലായിരുന്നു. നിലവിലെ ഷോ കഴിഞ്ഞ് പതിയെ ജീവിതത്തിലേക്ക് കടക്കാമെന്നായിരുന്നു തീരുമാനിച്ചത്. വിവാഹത്തെക്കുറിച്ച് പറഞ്ഞപ്പോള്‍ അവള്‍ സമ്മതം പറഞ്ഞപ്പോള്‍ സന്തോഷമായിരുന്നു എന്ന് അമ്മയും പറഞ്ഞിരുന്നു. തയ്യാറെടുപ്പുകളൊക്കെ നടന്ന് വരുന്നതിനിടയിലായിരുന്നു അപ്രതീക്ഷിത വിയോഗം. ഫെബ്രുവരിയില്‍ വിവാഹം നടക്കുമെന്നായിരുന്നു പ്രവചനം, എന്നാല്‍ അതേ മാസം തന്നെ സുബി ഈ ലോകം വിട്ട് പിരിയുകയായിരുന്നു. ജീവിതത്തിലേക്ക് തിരികെ വരുമെന്ന പ്രതീക്ഷ നല്‍കിയിരുന്നുവെങ്കിലും ആരോഗ്യാവസ്ഥ മോശമായതോടെയായിരുന്നു വിയോഗം.

@All rights reserved Typical Malayali.