അതേ നോട്ടം! ആ ചിരിയും! ഇത് ഉണ്ണിമായ തന്നെ! സുചിതയുടെ പുതിയ ഫോട്ടോ വൈറലാവാൻ കാരണം?

സീരിയല്‍പ്രേമികളുടെ ഇഷ്ട പരമ്പരകളിലൊന്നായിരുന്നു ഹരിചന്ദനം. ഏഷ്യാനെറ്റില്‍ സംപ്രേഷണം ചെയ്ത പരമ്പരയില്‍ നായികയായെത്തിയത് സുചിതയായിരുന്നു. ഉണ്ണിമായ എന്ന ക്യാരക്ടറിനെ പ്രേക്ഷകര്‍ ഹൃദയത്തിലേറ്റുകയായിരുന്നു. പരമ്പര അവസാനിച്ചിട്ട് കാലങ്ങളായെങ്കിലും ഇന്നും സുചിതയെ കാണുമ്പോള്‍ ഇത് നമ്മുടെ ഉണ്ണിമായ അല്ലേയെന്നാണ് ആരാധകരുടെ ചോദ്യം. അന്നത്തെ അത് ഇഷ്ടം ഇന്നും ആരാധകരുടെ മനസിലുണ്ട്. മലയാളത്തില്‍ ഇല്ലെങ്കിലും സുചിത അഭിനയ മേഖലയില്‍ സജീവമാണ്. സോഷ്യല്‍മീഡിയയിലൂടെയായി തന്റെ വിശേഷങ്ങളെല്ലാം പങ്കിടുന്നുമുണ്ട്.

സാരിയും മോഡേണ്‍ വേഷവും ഒരുപോലെ ഉപയോഗിക്കാറുണ്ട് സുചിത. സാരിയണിഞ്ഞുള്ള പുത്തന്‍ ചിത്രങ്ങളാണ് ഇപ്പോള്‍ വൈറലായിക്കൊണ്ടിരിക്കുന്നത്. ഇത് നമ്മുടെ ഉണ്ണിമായ തന്നെയല്ലേ, ഒരു മാറ്റവുമില്ലല്ലോയെന്നാണ് ആരാധകര്‍ ചോദിക്കുന്നത്. മേക്കപ്പിലെ മിതത്വം എടുത്ത് പറയേണ്ട കാര്യം തന്നെയാണ്. ഹരിചന്ദനത്തില്‍ കണ്ടിരുന്ന അതേ ലുക്ക് തന്നെയാണ് പുതിയ ചിത്രങ്ങളിലേതും. അന്നും ഇന്നും ഒരേ പോലെ തന്നെ നില്‍ക്കുന്നതിന് പിന്നിലെ രഹസ്യത്തെക്കുറിച്ചായിരുന്നു ചിലര്‍ ചോദിച്ചത്.

സിനിമകളില്‍ അഭിനയിച്ചിട്ടുണ്ടെങ്കിലും സുചിതയെ പ്രേക്ഷകര്‍ കൂടുതല്‍ അടുത്തറിഞ്ഞത് പരമ്പരയില്‍ അഭിനയിച്ച് തുടങ്ങിയപ്പോഴായിരുന്നു. സീരിയല്‍പ്രേക്ഷകരുടെ സ്വന്തം താരമായി മാറുകയായിരുന്നു സുചിത. തമിഴ് സംവിധായകനായ ധനുഷാണ് സുചിതയെ വിവാഹം ചെയ്തത്. ജ്വല്ലറി പരസ്യത്തിന്റെ ചിത്രീകരണത്തിനിടയിലായിരുന്നു ധനുഷും സുചിതയും പരിചയപ്പെട്ടത്. ചെന്നൈയില്‍ നിന്നും ഇരുവരും ഒന്നിച്ചായിരുന്നു മധുരയിലേക്ക് പോയത്. ആദ്യ യാത്രയില്‍ വെച്ച് തന്നെ സുചിതയെ തനിക്ക് ഇഷ്ടമായിരുന്നുവെന്ന് അദ്ദേഹം മുന്‍പൊരു അഭിമുഖത്തില്‍ പറഞ്ഞിരുന്നു.

വിവാഹ ശേഷം അഭിനയിക്കുന്നതില്‍ അദ്ദേഹത്തിന് എതിര്‍പ്പുകളില്ലായിരുന്നു. കുഞ്ഞ് ജനിച്ച സമയത്ത് ബ്രേക്കെടുത്തിരുന്നു. അദ്ദേഹം ഞങ്ങളുടെ കാര്യങ്ങളെല്ലാം കൃത്യമായി ശ്രദ്ധിക്കാറുണ്ട്. ഒരേ സമയത്ത് കുറേ സീരിയലുകള്‍ ചെയ്യരുതെന്ന് പറഞ്ഞിട്ടുണ്ട്. കുടുംബത്തിനൊപ്പം ചെലവഴിക്കാനും സമയം കണ്ടെത്തണല്ലോ. തന്റെ അനിയത്തിയുടെ കല്യാണത്തിനും അദ്ദേഹം ആക്ടീവായി എല്ലാത്തിനും കൂടെയുണ്ടായിരുന്നുവെന്നും സുചിത പറഞ്ഞിരുന്നു.

സുചിതയുടെ സഹോദരനായ സൂര്യ കിരണും പ്രേക്ഷകര്‍ക്ക് പരിചിതനാണ്. അഭിനയവും സംവിധാനവുമായി സജീവമായിരുന്നു അദ്ദേഹം. മഞ്ഞപ്പിത്തം ബാധിച്ചതിനെത്തുടര്‍ന്ന് ചികിത്സയില്‍ കഴിഞ്ഞ് വരുന്നതിനിടയിലായിരുന്നു വിയോഗം. ചെറുപ്പത്തിലേ അച്ഛനെ നഷ്ടമായതിനാല്‍ ചേട്ടനായിരുന്നു എല്ലാം. എട്ട് വയസ് പ്രായവ്യത്യാസമുണ്ട് സുചിതയും സഹോദരനും തമ്മില്‍. സ്‌കൂളില്‍ ചേട്ടന്റെ അനിയത്തിയായാണ് അറിയപ്പെട്ടത്. എല്ലാവരോടും നന്നായി സംസാരിക്കാറുണ്ടായിരുന്നു അദ്ദേഹം. ചേട്ടന്റെ അപ്രതീക്ഷിത വിയോഗം തന്നെ വല്ലാതെ വേദനിപ്പിച്ചുവെന്നും സുചിത പറഞ്ഞിരുന്നു.

@All rights reserved Typical Malayali.