എന്റെ വിളി കേട്ടു! ഞാന്‍ പ്രാര്‍ത്ഥിച്ചത് യാഥാര്‍ത്ഥ്യമാക്കിത്തന്നു! കൃപാസനം മാതാവിനെ പ്രാര്‍ത്ഥിച്ച ശേഷം ജീവിതത്തില്‍ സംഭവിച്ച കാര്യത്തെക്കുറിച്ച് സുമ ജയറാം
ഇന്‍ഡസ്ട്രിയില്‍ സജീമല്ലെങ്കിലും വ്‌ളോഗിലൂടെയായി വിശേഷങ്ങളെല്ലാം പങ്കുവെക്കാറുണ്ട് സുമ ജയറാം. അടുത്തിടെ ഒരു സര്‍ജറി കഴിഞ്ഞിരുന്നു നടിക്ക്. ആരോഗ്യമൊക്കെ വീണ്ടെടുത്ത് സുഖമായിരിക്കുകയാണ് ഞാന്‍ എന്ന് താരം പറയുന്നു. കൃപാസനം മാതാവിനെ പ്രാര്‍ത്ഥിച്ചപ്പോള്‍ തന്റെ ജീവിതത്തില്‍ നടന്ന ദിവ്യാത്ഭുതത്തെക്കുറിച്ച് പറഞ്ഞായിരുന്നു പുതിയ വീഡിയോ.
കൃപാസന മാതാവിന് നന്ദി പറയുന്നു. ഒക്ടോബര്‍ 9ന് എന്റെ ജീവിതത്തിലെ ഏറ്റവും പ്രധാനപ്പെട്ട ദിവസമായിരുന്നു. വിളിച്ച വിളിക്ക് മാതാവ് എന്റെ വിളി കേട്ടു. ജീവിതത്തില്‍ മറക്കാന്‍ പറ്റില്ല ഈ അനുഭവം. പ്രധാനപ്പെട്ടൊരു സിറ്റുവേഷനായിരുന്നു. ഈയൊരു സന്ദര്‍ഭത്തില്‍ ആരൊക്കെ എന്റെ കൂടെയുണ്ട് എന്നതിന്റെ ക്ലിയര്‍ പിക്ചര്‍ കിട്ടിയത് ഇക്കഴിഞ്ഞ ദിവസമായിരുന്നു. ഇപ്പോള്‍ എന്റെ മനസും ശരീരവും ക്ലിയറാണ്. കാര്യങ്ങള്‍ എനിക്ക് വ്യക്തമായി മനസിലാക്കാന്‍ കഴിഞ്ഞു. അതില്‍ മാതാവിനോട് നന്ദി പറയുന്നു എന്ന് പറഞ്ഞായിരുന്നു സുമ അനുഭവം പങ്കുവെച്ചത്.
വലിയൊരു ബാധ്യതയുണ്ടായിരുന്നു. അത് കൃത്യസമയത്ത് ഞാന്‍ പ്രാര്‍ത്ഥിച്ചത് പോലെ നടന്നു. ഒന്നരയ്ക്ക് ബാധ്യത തീരണമെന്നായിരുന്നു പ്രാര്‍ത്ഥിച്ചത്. അതുപോലെ മാതാവ് നടത്തിത്തന്നു. രണ്ട് മണിക്ക് കൃപാസനത്തിലുണ്ടാവണമെന്നായിരുന്നു പ്രാര്‍ത്ഥിച്ചത്. അവിടെ വന്ന് നന്ദി പറയാന്‍ പറ്റി. ഇനിയുള്ള എല്ലാ കാര്യങ്ങളിലും മാതാവ് കൂട്ടുണ്ടാവും. ആരൊക്കെ എന്നെ തകര്‍ക്കാന്‍ നോക്കിയാലും, ആരെല്ലാം എന്തെല്ലാം ചതികളില്‍ എന്നെ പെടുത്താന്‍ നോക്കിയാലും മാതാവ് അവിടെ എന്നെ രക്ഷിക്കുമെന്നുള്ള ഉറച്ച വിശ്വാസമുണ്ട് എനിക്ക്. മാതാവ് ഒരിക്കലും എന്നെ കൈവിടില്ല.
എന്റെ ജീവിതത്തില്‍ മറക്കാന്‍ പറ്റില്ല ഇതൊന്നും. ശത്രുക്കളെ തകര്‍ക്കുന്ന കാഴ്ചയാണ് ഞാന്‍ കണ്ടത്. ശത്രുക്കള്‍ ആരാണെന്നും അവരെ തകര്‍ക്കാനും മാതാവിന് മാത്രമേ കഴിയുള്ളൂ. അവരുടെ ചിന്തകള്‍ വരെ മാതാവിന് മനസിലാവും. ഒരു ശത്രു എന്ത് ചിന്തിക്കുന്നു, എന്ത് കാണിക്കാന്‍ പോവുന്നു, അവരുടെ മനസിലെന്താണ് എല്ലാം മനസിലാക്കാന്‍ പറ്റും. ശത്രുവിനെ തകര്‍ത്ത് എന്നെ വിജയിപ്പിച്ചതിന് എത്ര നന്ദി പറഞ്ഞാലും മതിയാവില്ല. എല്ലാം മാതാവിന്റെ കൈയ്യില്‍ ഏല്‍പ്പിച്ച് ഞാനങ്ങ് ഇറങ്ങുകയായിരുന്നുവെന്നും സുമ പറഞ്ഞിരുന്നു. എന്ത് കാര്യത്തെക്കുറിച്ചാണെന്ന് വ്യക്തമായി പറയൂ, ഒന്നും മനസിലായില്ല, കാര്യമെന്താണെന്ന് വിശദമായി പറയൂ. വാലും തലയുമില്ലാതെ സംസാരിച്ചാല്‍ എന്ത് മനസിലാവാണെന്നുമായിരുന്നു വീഡിയോയുടെ താഴെ വന്ന കമന്റുകള്‍.
@All rights reserved Typical Malayali.
Leave a Comment