ജീവിതത്തിലെ വലിയൊരനുഗ്രഹം നീയാണ്! നിന്റെ മമ്മയാവാന്‍ കഴിഞ്ഞതില്‍ അഭിമാനം! അലംകൃതയെക്കുറിച്ച് സുപ്രിയ മേനോന്‍
പൃഥ്വിരാജ് മാത്രമല്ല സുപ്രിയയും അലംകൃതയുമെല്ലാം പ്രേക്ഷകര്‍ക്ക് പരിചിതരാണ്. നിര്‍മ്മാണക്കമ്പനിയുടെ കാര്യങ്ങളെല്ലാം സുപ്രിയയാണ് ചെയ്യുന്നതെന്ന് പൃഥ്വിരാജ് മുന്‍പ് പറഞ്ഞിരുന്നു. കഥ കേള്‍ക്കുന്നത് മുതല്‍ അങ്ങോട്ടുള്ള കാര്യങ്ങളില്‍ താനും പങ്കാളിയാണ്. സിനിമയെന്ന മാജിക്കല്‍ വേള്‍ഡിലേക്ക് എന്നെ കൈപിടിച്ച് കൊണ്ടുവന്നത് പൃഥ്വിയാണെന്നും സുപ്രിയ പറഞ്ഞിരുന്നു. സിനിമയുമായി ബന്ധപ്പെട്ട വിശേഷങ്ങള്‍ മാത്രമല്ല ജീവിതത്തിലെ മറ്റ് കാര്യങ്ങളെക്കുറിച്ച് പറഞ്ഞും സുപ്രിയ എത്താറുണ്ട്. മകളായ അലംകൃതയുടെ 10ാം പിറന്നാള്‍ ദിനത്തില്‍ പങ്കിട്ട കുറിപ്പും ചിത്രങ്ങളും ഇതിനകം തന്നെ ചര്‍ച്ചയായി മാറിക്കഴിഞ്ഞിട്ടുണ്ട്.
പ്രിയപ്പെട്ട അല്ലിക്കുട്ടാ, നിനക്കിപ്പോള്‍ 10 വയസായി. വൗ, എത്ര പെട്ടെന്നാണ് കാലം കടന്നുപോയത്. ജീവിതത്തെക്കുറിച്ച് ഞങ്ങള്‍ നിന്നെ പഠിപ്പിക്കുന്നതില്‍ നിന്നും നീ ഞങ്ങളെ പഠിപ്പിക്കുന്നതിലേക്ക് വളര്‍ന്നിരിക്കുന്നു. നിന്നില്‍ നിന്നും എന്തെങ്കിലുമൊരു പുതിയ കാര്യം എല്ലാദിവസവും ഞാന്‍ പഠിക്കാറുണ്ട്. ഞങ്ങളുടെ ജീവിതത്തിലെ വലിയൊരു അനുഗ്രഹമാണ് നീ എന്നത് നിസംശയം പറയാം.
നിന്നെക്കുറിച്ചോര്‍ത്ത് മമ്മയ്ക്കും ഡാഡയ്ക്കും അഭിമാനമാണ് തോന്നാറുള്ളത്. നിന്റെ വളര്‍ച്ച ഇങ്ങനെ നോക്കിക്കാണാനാവുന്നതില്‍ സന്തോഷമാണ് ഞങ്ങള്‍ക്ക്. ദയയും സഹാനുഭൂതിയും എന്നും കൂടെയുണ്ടാവണം. മറ്റൊരു ലോകത്ത് നിന്ന് നിന്റെ വളര്‍ച്ച ഡാഡിയും നോക്കിക്കാണുന്നുണ്ട്. ആത്മവിശ്വാസത്തോടെ മുന്നേറുക. നിന്റെ മമ്മയാവാന്‍ കഴിഞ്ഞതില്‍ എനിക്കൊരുപാട് സന്തോഷമുണ്ടെന്നുമായിരുന്നു സുപ്രിയ കുറിച്ചത്. നിരവധി പേരാണ് പോസ്റ്റിന് താഴെയായി അലംകൃതയ്ക്ക് ആശംസ അറിയിച്ചിട്ടുള്ളത്.
‘ഗോട്ട്’ ഓപണിങ് ഡേ കളക്ഷൻ അറിയാം
അലംകൃത എന്ന ആലിയുടെ കുട്ടിക്കാല ചിത്രങ്ങളും ഇപ്പോഴത്തെ ഫോട്ടോയും സുപ്രിയ പോസ്റ്റിനൊപ്പമായി ചേര്‍ത്തിരുന്നു. അപൂര്‍വ്വമായി മാത്രമാണ് പൃഥ്വിയും സുപ്രിയയും മകളുടെ മുഖം കാണിക്കാറുള്ളത്. അവളുടെ സ്വാകാര്യതയെ മാനിക്കുന്നതിനാലാണ് അങ്ങനെ ചെയ്യുന്നതെന്ന് ഇരുവരും പറഞ്ഞിരുന്നു. എന്നാല്‍ പിറന്നാള്‍ ദിനത്തില്‍ ആ പതിവ് ഇരുവരും തെറ്റിക്കും. മകളുടെ മുഖം കാണിച്ചുള്ള ചിത്രങ്ങള്‍ പങ്കിടും. ഇതിനകം തന്നെ പുതിയ ചിത്രങ്ങള്‍ വൈറലായിക്കഴിഞ്ഞിട്ടുണ്ട്.
മകള്‍ വന്ന ശേഷം ജീവിതത്തില്‍ ഒരുപാട് മാറ്റങ്ങളുണ്ടായെന്ന് പൃഥ്വിരാജ് പറഞ്ഞിരുന്നു. കൂടുതല്‍ ക്ഷമാശീലനായി മാറിയത് ആലിയുടെ വരവോടെയാണ്. ജീവിതത്തില്‍ ഏറ്റവും ടെന്‍ഷനടിച്ചതും അവളുടെ വരവിന്റെ സമയത്തായിരുന്നുവെന്നും അദ്ദേഹം പറഞ്ഞിരുന്നു. ഡാഡ എപ്പോഴാണ് വരുന്നതെന്ന് ചോദിച്ച് എപ്പോഴും ഫോണ്‍ ചെയ്യാറുള്ള ആളാണ്. എനിക്ക് വെക്കേഷനായല്ലോ, ഡാഡയ്‌ക്കെന്താണ് ഫ്രീ ടൈം ഇല്ലാത്തത് എന്നൊക്കെ ചോദിക്കാറുണ്ട് അവള്‍ എന്നും മുന്‍പ് പൃഥ്വി വ്യക്തമാക്കിയിരുന്നു. തന്റെ സിനിമകളൊന്നും ഇതുവരെ മകളെ കാണിച്ചിട്ടില്ല, അവള്‍ക്ക് കണ്ട് ആസ്വദിക്കാന്‍ പറ്റുന്ന തരത്തിലൊരു സിനിമ ഇതുവരെ ചെയ്തിട്ടില്ലെന്നും പൃഥ്വി പറഞ്ഞിരുന്നു.
@All rights reserved Typical Malayali.
Leave a Comment