ആ മുഹൂര്‍ത്തത്തിന് വേണ്ടി കാത്തിരിക്കുന്നു; മേടം 5, സന്ധ്യയ്ക്ക് 5.59 നും 6.1 നും ഇടയിലുള്ള മുഹൂര്‍ത്തം: മറക്കരുത് എന്ന് പൃഥ്വിയും സുപ്രിയയും

കേട്ടിട്ട് ഏതോ വിവാഹത്തിനുള്ള ശുഭ മുഹൂര്‍ത്തം കുറിച്ച് തന്നതാണെന്ന് ആരും കരുതിയേക്കാം, എന്നാല്‍ പൃഥ്വി അഭിനയിക്കുന്ന, സുപ്രിയ നിര്‍മിയ്ക്കുന്ന പുതിയ സിനിമയെ കുറിച്ചുള്ള ഒരു സര്‍പ്രൈസ് വരാന്‍ പോകുന്നതിന് മുന്നോടിയായുള്ള പോസ്റ്റ് ആണിത്. ഇത്രയും കൃത്യമായി മുഹൂര്‍ത്തം കുറിച്ചപ്പോള്‍ തന്നെ ഊഹിക്കാമല്ലോ, സിനിമ ‘ഗുരുവായൂര്‍ അമ്പലനടയില്‍’ ആയിരിക്കാം.

പ്രത്യേകിച്ച് ഒരു ക്യാപ്ഷനും ഇല്ലാതെയാണ് പൃഥ്വയും സുപ്രിയയും ഈ പോസ്റ്റ് പങ്കുവച്ചത്. ‘ഓം ശ്രീ ഗണപതായേ നമഃ. 1999 മേടം അഞ്ച്, വ്യാഴാഴ്ച (2024 ഏപ്രില്‍ 18) സന്ധ്യയ്ക്ക് 5.59 നും 6.1 നും മദ്ധ്യേ മകം നക്ഷത്രം ചിങ്ങം രാശിയില്‍ മുഹൂര്‍ത്തം’ എന്ന് കുറിച്ച ഓലയുടെ ചിത്രത്തിനൊപ്പമാണ് താരദമ്പതികളുടെ പോസ്റ്റ്. ‘ഈ മുഹൂര്‍ത്തം മറക്കല്ലേ’ എന്നാണ് രണ്ട് പേരുടെയും ക്യാപ്ഷന്‍. സ്റ്റേ ട്യൂണ്‍ഡ് എന്ന് ഹാഷ് ടാഗും കൊടുത്തിട്ടുണ്ട്.

എന്തായാലും വ്യക്തപരമായ ഒരു കാര്യത്തിന്റെ മുഹൂര്‍ത്തം ആയിരിക്കില്ല, ഗുരുവായൂര്‍ അമ്പല നടയില്‍ എന്ന പുതിയ ചിത്രത്തിന്റെ ട്രെയിലര്‍ നാളെ, ഈ മുഹൂര്‍ത്തതില്‍ പുറത്ത് വിട്ടേക്കാം എന്നാണ് പ്രേക്ഷകരുടെ അനുമാനം. അത് തന്നെയാണ് എന്ന് ചിലര്‍ ഉറപ്പിച്ച് പറയുന്നു.

പൃഥ്വിരാജിനൊപ്പം ബേസില്‍ ജോസഫ്, നിഖില വിമല്‍, അനശ്വര രാജന്‍ തുടങ്ങിയവരും കേന്ദ്ര കഥാപാത്രങ്ങളായി എത്തുന്ന ചിത്രം സംവിധാനം ചെയ്യുന്നത് വിപിന്‍ ദാസ് ആണ്. മുകേഷ് ആ മേത്തയ്ക്കും സിവി സാരഥിയ്ക്കും ഒപ്പം പൃഥ്വിരാജ് പ്രൊഡക്ഷന്‍സിന്റെ ബാനറില്‍ സുപ്രിയയും ചേര്‍ന്നാണ് സിനിമ നിര്‍മിയ്ക്കുന്നത്. മെയ് 17 ന് ചിത്രം തിയേറ്ററുകളിലെത്തും എന്നാണ് വിവരം,

@All rights reserved Typical Malayali.