സീതയെ പോലെ പതിവ്രതയാകണം എന്റെ പെണ്ണ്! സിവിൽ സർവീസായിരുന്നു അദ്ദേഹത്തിന്റെ ആഗ്രഹം; വീണ്ടും വൈറലായി വീഡിയോ

മികച്ച നടൻ എന്ന ലേബൽ പണ്ടേ കിട്ടിയതാണ് സുരേഷ് ഗോപിക്ക്. പിന്നീട് ദി കംപ്ലീറ്റ് ഫാമിലി മാൻ ഇപ്പോൾ പ്രമുഖ രാഷ്ട്രീയ നേതാവ് എന്നീ ലേബലുകളും സുരേഷ് ഗോപിയിലേക്ക് വന്നു ചേർന്നു. ഓടയിൽ നിന്ന് എന്ന ചിത്രത്തിലൂടെ ബാലതാരമായി അഭിനയരംഗത്തേക്ക് എത്തിയ സുരേഷ് ഗോപി തീർത്തും അപ്രതീക്ഷിതം ആയിട്ടാണ് സിനിമയിലേക്ക് എത്തിയത്. ഒരിക്കൽ നടി പാർവതിയുമായി തുറന്നു സംസാരിക്കുന്നതിന്റെ ഇടയിലാണ് വിവാഹ സങ്കലപ്പത്തെക്കുറിച്ചും, സിനിമക്ക് ഉള്ളിലെ പാര വയ്പ്പിനെക്കുറിച്ചുമെല്ലാം സുരേഷ്ഗോപി സംസാരിച്ചത്.

തനിക്ക് എതിരെ പാരവച്ചിട്ടുള്ളത് ആരെന്ന് കൃത്യമായി അറിയാം. ലേഡി സൂപ്പർ സ്റ്റാറുകൾക്കിടയിൽ ഏറ്റവും കൂടുതൽ പാര ഏറ്റിട്ടുള്ളത് പാർവതിക്ക് ആണെന്നും സുരേഷ് ഗോപി ഇപ്പോൾ വീണ്ടും വൈറലാകുന്ന വീഡിയോയിൽ പറയുന്നുണ്ട്.

തിരക്കുള്ള നടൻ എന്നതിലുപരി നല്ലൊരു നടൻ ആകണം എന്ന ആഗ്രഹം ഉണ്ടായിരുന്നു. അത് ആകും എന്ന് അറിയാമായിരുന്നു.പക്ഷെ തീർത്തും അപ്രതീക്ഷിതം ആയിരുന്നു എന്റെ സിനിമ എൻട്രി. അച്ഛന് എന്നെ സിവിൽ സർവീസുകാരൻ ആക്കണം എന്നായിരുന്നു ആഗ്രഹം. അത് സാധിച്ചില്ല. പകരം സിനിമയിലേക്ക് എത്തി- പാർവതിയോട് സംസാരിക്കവെ സുരേഷ് ഗോപി പറയുന്നു.

ഒരു ഭയങ്കര സോപ്പ് ആണെന്ന് സിനിമയിൽ പലരും പറയാറുണ്ട് എന്താണ് അഭിപ്രായം എന്ന് പാർവതി ചോദിക്കുമ്പോൾ ഞാൻ എത്തിയ പൊസിഷൻ ആണ് അതിനുള്ള മറുപടി. ഒരിയ്ക്കലും സോപ്പ് കൊണ്ട് മാത്രം ഈ നിലയിൽ എത്തില്ല. അങ്ങനെ ആണെങ്കിൽ സോപ്പും പതച്ചു വീട്ടിൽ ഇരുന്നാൽ പോരെ. സിനിമയിൽ പാരകൾ ഉണ്ട്. അത് ഏറെയുള്ള ഒരു ഇൻഡസ്ട്രിയാണ് സിനിമ. അവിടെ അത് ഇല്ലെന്നു ആര് പറഞ്ഞാലും സമ്മതിച്ചു തരില്ല. കാരണം ഏറ്റവും കൂടുതൽ അത് അനുഭവിച്ച ആളാണ് ഞാൻ. പാർവതിക്കും മറിച്ച്അഭിപ്രായം ഉണ്ടെന്ന് തോന്നുന്നില്ല.
ഉണ്ണി മുകുന്ദൻ ചിത്രം മാര്‍കോയുടെ ചിത്രീകരണ വീഡിയോ പുറത്ത്

ഒരുപക്ഷെ നായികമാരിൽ ഏറ്റവും കൂടുതൽ അനുഭവിച്ചിട്ടുണ്ടാവുക പാർവതി ആയിരിക്കും. പക്ഷെ എല്ലാകാലവും പാര ഏൽക്കണം എന്നില്ല. കാരണം ഞാൻ ദൈവത്തിൽ വിശ്വസിക്കുന്നു. ആ വിശ്വാസം ഉള്ളതുകൊണ്ട് ആണ് ഞാൻ നിലനിൽക്കുന്നതും.ആരൊക്കെയാണ് എങ്ങിനെ ഒക്കെയാണ് പാരകൾ എനിക്ക് വച്ചിട്ടുള്ളത് എന്ന് കൃത്യമായി അറിയാം. അത് അറിയുന്നതുകൊണ്ടുതന്നെയാണ് ഞാൻ ഇത്ര കൃത്യമായി പറയുന്നതും. ആ പാരകൾ ഒക്കെ ഏതു ലെവലിലേക്ക് പോയെന്നും എനിക്ക് അറിയാം. അതുകൊണ്ട് എനിക്കുള്ള പാരകളെ ഞാൻ ദൈവത്തിൽ വിട്ടുകൊടുത്തിട്ട് കാം ആൻഡ് കൂൾ ആയി ജീവിക്കുന്നു അത് തന്നെയാണ് എന്റെ പ്രതികരണവും. വിവാഹസങ്കല്പത്തെക്കുറിച്ചുള്ള ചോദ്യത്തിനും സുരേഷ് ഗോപി പ്രതികരിച്ചു.

എണ്ണ തേച്ചുകുളിക്കുന്ന, മേക്കപ്പ് ഇടാത്ത ലിപ്സ്റ്റിക്ക് യൂസ് ചെയ്യാത്ത. ലൂസ് ടോപ്പും ജീൻസും ഇടാത്ത വലിയ ഒരു മോഡേൺ ലൈഫും ആഗ്രഹിക്കാത്ത, അതിനോട് ഒരു ക്രെയ്സും ഉണ്ടാകാൻ പാടില്ലാത്ത ഒരു പെൺകുട്ടി ആയിരിക്കണം എന്നാണ് എന്റെ ആഗ്രഹവും. നേരെ മറിച്ച് സാരി ഒക്കെ ഉടുത്ത്, എന്നും എണ്ണ തേച്ചു കുളിച്ച് തുളസിക്കതിർ ഒക്കെ ചൂടി സീതയെ പോലെ പതിവ്രത ആയ ഒരു പെൺകുട്ടി ആയിരിക്കണം എന്റെ ഭാര്യ- എന്നാണ് വിവാഹ സങ്കൽപ്പത്തെ കുറിച്ചുള്ള ചോദ്യത്തിന് സുരേഷ് ഗോപി നൽകിയ മറുപടി.

@All rights reserved Typical Malayali.