കല്ലും മുള്ളും ചവിട്ടി തന്നെയാണ് ഇവിടം വരെ എത്തിയത്; എവിടെച്ചെന്നാലും നാലുകാലിൽ ഞാൻ വീഴും; സൂര്യ ഇഷാൻ

മേക്കപ്പ് ആർട്ടിസ്റ്റ് എന്ന ലേബലിൽ എത്തും മുൻപേ തന്നെ നടി ആയും കോമഡി താരം ആയും ഒക്കെ പ്രേക്ഷകർക്ക് പരിചിതയാണ് സൂര്യ ഇഷാൻ. ആണുടലിൽ നിന്നും പെണ്ണുടലിലേക്ക് ഉള്ള യാത്ര ഒരിക്കലും സിംപിൾ ആയിരുന്നില്ല സൂര്യക്ക്. എന്നാൽ ഇന്ന് താൻ സ്വയം അഭിമാനം കൊള്ളുന്നു എന്നാണ് സൂര്യ പറയുന്നത്. വിശദമായി വായിക്കാം

ഈസിയായി കയറിവന്ന ഒരാൾ ആണ് ഞാൻ. പിന്നെ കഷ്ടപ്പടുകൾ ഉറപ്പായും ഉണ്ട്. അതിപ്പോൾ ഏതൊരു ജോബ് എടുത്താലും നമുക്ക് അത് ഫേസ് ചെയ്യേണ്ടി വരും. എന്നെ സംബന്ധിച്ചിടത്തോളം ഞാൻ മേക്കപ്പിൽ സക്സസ് ആയ ആളാണ്. ഇത് എന്നല്ല ഏതൊരു മേഖലയിൽ ചെന്നാലും നാലുകാലിൽ വീഴാൻ ആഗ്രഹിക്കുന്ന ഒരാൾ ആണ് ഞാൻ. ജീവിതത്തിന്റെ പല ഘട്ടങ്ങളിലൂട കടന്നുപോയ ഒരാൾ കൂടിയാണ് ഞാൻ. അങ്ങേയറ്റം താഴെ പോയിട്ട് കയറിവന്ന ആളാണ്. ഒരു ട്രാൻസ് പേഴ്സൺ ഒരു മനുഷ്യൻ എന്ന നിലയിൽ പലയിടത്തുനിന്നും പലതും നേരിടേണ്ടി വന്നിരുന്നു.

മിമിക്രി ചെയ്യുന്ന സമയത്തു 101 ശതമാനവും മിമിക്രിക്ക് കൊടുക്കാൻ ഞാൻ ശ്രമിച്ചിട്ടുണ്ട്. കേരളത്തിൽ അറിയപ്പെടുന്ന ഒരു മിമികി കലാകാരി ആയിരുന്നു ഞാൻ. പിന്നെ സ്റ്റെജ് പെർഫോമൻസ് കഴിഞ്ഞു ചാനലിൽ കയറിയപ്പോൾ എനിക്ക് തോനുന്നു ഇന്നത്തെ ഒട്ടുമിക്ക ആർട്ടിസ്റ്റുകളുടെയും ഒപ്പം സ്റ്റേജ് പെർഫോം ചെയ്യാനും വിദേശ രാജ്യങ്ങളിലെ പല വേദികൾ എനിക്ക് അവരുമായി ഷെയർ ചെയ്യാനും സാധിച്ചിട്ടുണ്ട്. ആ മേഖലയിൽ ഏറ്റവും ബേസ്ഡ് കോമഡി താരത്തിനുള്ള അവാർഡ് വാങ്ങിയിട്ടാണ് ഞാൻ അത് നിർത്തിയത്. അതുകഴിഞ്ഞിട്ട് വിവാഹജീവിതത്തിലേക്ക് കടന്നപ്പോഴും സ്റ്റേജ് പെര്ഫോമൻസ് ചെയ്തിരുന്നു. അതുകഴിഞ്ഞിട്ട് എറണാകുളത്തു വന്നപ്പോൾ അച്ചാറ് കച്ചവടം ചെയ്തിട്ടുണ്ട്. അത്യാവശ്യം കുക്ക് ചെയ്യുന്നതുകൊണ്ടുതന്നെ എനിക്ക് അത് ചെയ്യാൻ ഈസി ആയിരുന്നു. ഏറ്റവും അറിയപ്പെടുന്ന ഒരാൾ ആയി മാറി. വിദേശരാജ്യങ്ങൾ വരെ ഡെലിവറി ചെയ്തിരുന്നു. എന്നാൽ കോവിഡ് കാലത്തു അത് മുൻപോട്ട് കൊണ്ട് പോകാൻ ആകില്ലായിരുന്നു.

ഇനിയെന്ത് എന്ന ചോദ്യത്തിൽ നിൽക്കുമ്പോഴാണ് രഞ്ജുമ്മ ഒരു അവസരം പോലെ എനിക്ക് മേക്കപ്പ് എന്ന പ്രൊഫെഷൻ തെരെഞ്ഞെടുക്കാൻ വഴി ഒരുക്കുന്നത്. അങ്ങനെ രഞ്ജുമ്മയുടെ ഒപ്പം പോകാൻ തുടങ്ങി. പിന്നെ സ്റ്റേജ് പെർഫോമൻസ് ചെയ്ത്കൊണ്ടിരുന്നപ്പോൾ തന്നെ നമ്മുടെ മേക്കപ്പ് നമ്മൾ തന്നെയാണ് ചെയ്തത്. ആ ഒരു സമയത്തും ഓഫ് സീസൺ വരുമ്പോൾ മേക്കപ്പ് അസിസ്റ്റ് ചെയ്യാൻ പോകുമായിരുന്നു. അന്ന് ക്ലേ മേക്കപ്പ് ചെയ്യാൻ ആണ് പോയത്. ഫാൻസി ഡ്രസ്സ് ഒകെ ഉണ്ടായിരുന്ന കാലം, മുത്തുസാറിന്റെ കൂടെ ആയിരുന്നു ചെയ്തുതുടങ്ങിയത്. അങ്ങനെ സ്‌കൂൾ മേക്കപ്പും ഡാൻസും എല്ലാം ചെയ്യും. അവിടെ നിന്നും വീടിന്റെ അടുത്തുള്ള ഒരു കുട്ടിയുടെ കല്യാണത്തിന് ഒരുക്കിയതാണ് ജീവിതത്തിൽ ആദ്യമായി ചെയ്ത ബ്രൈഡൽ. കാശൊന്നും വാങ്ങിയില്ല. പിന്നെ ചെയ്യുന്നത് കൂട്ടുകാരന്റെ അനുജത്തിയുടെ വിവാഹത്തിനാണ്. അന്നൊന്നും ടെൻഷൻ ഒന്നും ഉണ്ടായിരുന്നില്ല. ഇതായിരുന്നു വെഡിങ് മേക്കപ്പ് എന്നൊക്കെ പറയുന്നത്.
മമ്മൂട്ടിയ്ക്ക് ചെക്ക് വെക്കാൻ മോഹൻലാലോ?; ബറോസും ബസൂക്കയും ഒരുമിച്ചെത്തുമോ?

പ്രൊഫെഷണൽ ആയി ചെയ്തു തുടങ്ങുന്നത് രഞ്ജുമ്മയുടെ ഒപ്പമായിരുന്നു. പ്രൊഫെഷണൽ ആയി ചെയ്യാൻ തുടങ്ങിയപ്പോഴാണ് ടെൻഷൻ വന്നു തുടങ്ങുന്നത്. ശരിക്കും പറഞ്ഞാൽ കോൺഫിഡൻസ് മാത്രമേ ഉണ്ടായിരുന്നുള്ളൂ. ഒരുപാട് കല്ലും മുള്ളും ചവിട്ടി തന്നെയാണ് ഇവിടം വരെ എത്തിയത്. കോൺഫിഡൻസ് ഉണ്ടായിരുന്നു എന്ന് മാത്രമായിരുന്നു. പിന്നെ അമ്മ കൂടെ ഉണ്ടെന്ന ധൈര്യം ഉണ്ടായിരുന്നു. ഒപ്പം ഇക്കയും. അങ്ങനെയാണ് ഇവിടം വരെ എത്തിയത്- സൂര്യ കൈരളിയോട് പറയുന്നു.

@All rights reserved Typical Malayali.