ആ അമ്മയ്ക്ക് നല്ലൊരു മകളെ കിട്ടി! അമ്മായിഅമ്മയ്ക്കും ചേട്ടനുമൊപ്പം രസകരമായൊരു വീഡിയോയുമായി സ്വാസിക! പ്രേമിനെ ചോദിച്ച് ആരാധകര്‍

അമ്മയ്ക്കും ചേട്ടനും ഒപ്പമായൊരു വീഡിയോ പങ്കുവെച്ചിരിക്കുകയാണ് സ്വാസിക. ഷൂട്ടുള്ളതിനാല്‍ കുഞ്ചു സ്ഥലത്തില്ലെന്നും സ്വാസിക പറഞ്ഞിരുന്നു. ഇത് വളരെ പെട്ടെന്ന് എടുക്കുന്ന വീഡിയോയാണ്. വെറുതെ ഇരുന്നപ്പോള്‍ ഒന്ന് പിരി ഇളകി. നല്ല മഴയൊക്കെയായിരുന്നു. അമ്മയെ ഒരുവിധത്തിലാണ് കുത്തിപ്പൊക്കി കൊണ്ടുവന്നത്. മഴയും ചാട്ടും നല്ല കോമ്പിനേഷണാല്ലോ. ഏതോ ഒരു യൂട്യൂബ് വീഡിയോ കാണുന്നതിനിടയിലാണ് ഇങ്ങനെയൊരു ആഗ്രഹം വന്നത്.

അമ്മയ്ക്കായിരുന്നോ ഈ ആഗ്രഹം തോന്നിയതെന്ന് ചോദിച്ചപ്പോള്‍ അയ്യോ, അമ്മയില്ല, അമ്മയെ ഇവര് കുത്തിപ്പൊക്കിയതാണ്. എനിക്കാണ് മോഹം തോന്നിയത്. പെട്ടെന്ന് ചേട്ടനും എന്തോ ആഗ്രഹം പറഞ്ഞു. അങ്ങനെ ചേട്ടനും ചാടിയിറങ്ങിയെന്നായിരുന്നു സ്വാസിക പറഞ്ഞത്. സ്വാസു നിര്‍ബന്ധിച്ചപ്പോള്‍ ഞാനും ചാടിയിറങ്ങിയെന്നായിരുന്നു അമ്മയുടെ കമന്റ്.

ഈ കോലത്തില്‍ ആളുകള്‍ കണ്ടാല്‍ ഞെട്ടും. എന്തോ ഭാഗ്യത്തിന് ലിപസ്റ്റിക്ക് ഇട്ടിരുന്നു. ഇപ്പോള്‍ ഇട്ടതല്ല, രാവിലെ എഴുന്നേറ്റപ്പോള്‍ തന്നെ ഇട്ടതാണ്.പാപ്പടി ചാട്ടും പാനിപൂരിയും വേല്‍പൂരിയുമായിരുന്നു വാങ്ങിയത്. ഞാന്‍ നനഞ്ഞാലും ഭക്ഷണം നനയല്ലേയെന്നായിരുന്നു ചേട്ടന്റെ കമന്റ്. ഇത്രേമൊക്കെ എങ്ങനെ കഴിച്ച് തീര്‍ക്കുമെന്നായിരുന്നു തുടക്കത്തില്‍ എല്ലാവരും ചോദിച്ചത്.

അസര്‍ബൈജാനില്‍ അമ്മയേയും കൊണ്ടുപോവും, എന്നിട്ട് ഞങ്ങള്‍ വീഡിയോ എടുക്കും. ഇനി ഉടനെ തന്നെ അതേക്കുറിച്ച് ചോദിച്ച് വരരുത്. പെട്ടെന്നൊന്നും പോവാന്‍ പറ്റിയില്ല സ്ഥലമല്ലല്ലോ അത്. ഷൂട്ടിന്റെ തിരക്കിലാണ് എല്ലാവരും. അതൊക്കെ കഴിയണ്ടേ. എന്നിട്ടൊക്കെ പോവാം. ഇനി വീഡിയോയുടെ താഴെയൊക്കെ ഇതേക്കുറിച്ച് ചോദിച്ച് കമന്റുകള്‍ വരുമെന്നും സ്വാസിക പറയുന്നുണ്ടായിരുന്നു.
Onam Bumper Winner: ജീവിതത്തിലേത് മാത്രമല്ല, സിനിമയിലെയും ലോട്ടറിക്കഥകൾ ഇവിടുണ്ട്…

വെറൈറ്റി ഫുഡ് കഴിക്കാന്‍ അമ്മയ്ക്ക് ഇഷ്ടമാണ്. പുതിയ ടേസ്റ്റൊക്കെ ട്രൈ ചെയ്യും. എന്നാല്‍ നമുക്കിനി ഇടയ്ക്ക് ഇതുപോലെ വന്ന് കഴിക്കാമെന്നായിരുന്നു അമ്മയോട് സ്വാസിക പറഞ്ഞത്. ഇതെത്രയാണെന്നൊക്കെ പറഞ്ഞെങ്കിലും പെട്ടെന്ന് തന്നെ മൂന്നുപേരും ഭക്ഷണം കഴിച്ച് തീര്‍ക്കുകയായിരുന്നു. ഇതാദ്യമായാണ് ഇങ്ങനെ പിരി ഇളകി വരുന്നത്. അതിലാണേല്‍ കുഞ്ചുവും ഇല്ല, അവനാണ് ഇതിന്റെയൊക്കെ ആള്‍. നിങ്ങള്‍ രണ്ടാളും എന്തായാലും കട്ടയ്ക്ക് നില്‍ക്കുമെന്നും അമ്മ സ്വാസികയോട് പറയുന്നുണ്ടായിരുന്നു.

അമ്മയും വന്നപ്പോള്‍ നല്ല വൈബായി, അമ്മയ്ക്ക് ആദ്യം ഈ വിവാഹം ഇഷ്ടമല്ലായിരുന്നു. ഇപ്പോള്‍ അമ്മയുടെ ഫേവറൈറ്റ് മരുമകളായി, ഈ സന്തോഷം എന്നും നിലനില്‍ക്കട്ടെ, സ്വാസുവും അമ്മായിഅമ്മയും ജോളിയാണ്, സ്വാസുവിന് പറ്റിയ കൂട്ടാണ് അമ്മയും ചേട്ടനും, അമ്മയാണ് ഇപ്പോള്‍ താരം, അടുത്ത വീഡിയോ നാലുപേരും ചേര്‍ന്നാവട്ടെ, ജാനിസമ്മയ്ക്ക് നല്ലൊരു മകളെ കിട്ടി തുടങ്ങി നിരവധി കമന്റുകളാണ് വീഡിയോയുടെ താഴെയുള്ളത്.

@All rights reserved Typical Malayali.