ഞാന്‍ ഇപ്പോഴും എന്റെ എക്‌സിനെ വിളിക്കാറുണ്ട്, ഞങ്ങള്‍ സംസാരിക്കും, ഡൈവോഴ്‌സ് ആയി എന്ന് പറയുന്നതില്‍ എനിക്ക് അഭിമാനമാണെന്ന് ശ്വേത മേനോന്‍
ഒട്ടും ഇമേജ് കോണ്‍ഷ്യസ് അല്ലാത്ത അഭിനേത്രിയാണ് ശ്വേത മേനോന്‍. തനിക്ക് പറയാന്‍ തോന്നുന്ന കാര്യങ്ങളെ കുറിച്ച് തുറന്ന് സംസാരിക്കും. അതുകൊണ്ട് തന്നെ പലപ്പോഴും ശ്വേതയുടെ പേര് വിവാദത്തില്‍ പെട്ടിട്ടുണ്ട്. അതൊന്നും തന്റെ വ്യക്തിത്വത്തെ ബാധിയ്ക്കുന്നില്ല എന്ന് നടി വ്യക്തമാക്കുകയും ചെയ്തു.
ഇപ്പോഴിതാ വിവാഹ മോചനത്തെ കുറിച്ച് ശ്വേത മേനോന്‍ പറഞ്ഞ വീഡിയോ വൈറലാവുന്നു. സൂപ്പര്‍ അമ്മയും മകളും എന്ന ഷോയിലാണ് ശ്വേത താന്‍ ഇപ്പോഴും മുന്‍ ഭര്‍ത്താവുമായി സൗഹൃദത്തിലാണ് എന്ന് പറയുന്നത്. മത്സരാര്‍ത്ഥിയോട് സംസാരിക്കുകയായിരുന്നു താരം.
‘ഞാന്‍ എപ്പോഴും എല്ലാവരോടും ഭയങ്കര പ്രൗഡ് ഓടെ പറയാറുണ്ട്, ഞാനൊരു ഡിവോഴ്‌സിയാണ് എന്ന്. ഞാനിത് പറയുമ്പോള്‍ ആള്‍ക്കാര്‍ കരുതും ശ്രീയുടെ കൂടെയാണ് ഡിവോഴ്‌സ് ആയത് എന്ന്, ശ്രീയുടെ കൂടെയല്ല. ഞങ്ങള്‍ ഇപ്പോഴും സന്തോഷത്തോടെ ജീവിയ്ക്കുന്നു. എനിക്ക് അങ്ങനെ ഒരു സെക്കന്റ് ചാന്‍സ് ദൈവം തന്നത് വലിയൊരു ഭാഗ്യമാണ്’.
‘വിവാഹ മോചിതയായി എന്ന് പറയുന്നതില്‍ ഞാന്‍ വളരെ അഭിമാനിക്കുന്നു. ഇന്നും ഞാന്‍ എന്റെ എക്‌സിനോട് സംസാരിക്കാറുണ്ട്. ഭയങ്കര പോസിറ്റീവ് ആയിട്ടാണ് സംസാരിക്കുന്നത്. രണ്ടു പേര്, നമുക്ക് ഒരുമിച്ച് മുന്നോട്ട് പോകാന്‍ പറ്റുന്നില്ല എന്ന സാഹചര്യത്തില്‍ വേര്‍പിരിയുന്നത് തന്നെയാണ് നല്ലത്’ ശ്വേത മേനോന്‍ പറഞ്ഞു.
ഇതാദ്യമായല്ല ശ്വേത ഡൈവോഴ്‌സിനെ കുറിച്ച് ഇത്തരത്തില്‍ തുറന്ന് സംസാരിക്കുന്നത്. ഇതിനു മുന്‍പും പലപ്പോഴും ശ്വേത വിവാഹ മോചനത്തെ കുറിച്ച് തുറന്ന് സംസാരിച്ചിട്ടുണ്ട്. 2004 ല്‍ ആണ് ബോബി ബോണ്‍സ്ലെയുമായുള്ള ശ്വേതയുടെ ആദ്യ വിവാഹം കഴിഞ്ഞത്. 2007 ല്‍ വേര്‍പിരിയുകയും ചെയ്തു. തുടര്‍ന്ന് 2011 ല്‍ ശ്രീവത്സന്‍ മേനോനുമായുള്ള വിവാഹം നടന്നു. ആ ബന്ധത്തിലാണ് സബൈന എന്ന മകള്‍ പിറന്നത്. ഇപ്പോള്‍ സന്തുഷ്ട കുടുംബ ജീവിതം നയിക്കുന്നു.
@All rights reserved Typical Malayali.
Leave a Comment