23 വയസ്സുകാരന്റെ അമ്മ, വനിത വിജയകുമാറിന് വീണ്ടും വിവാഹം, വരന്‍ മോഹന്‍ലാലിന്റെ വില്ലന്‍! ആരാണ് റോബര്‍ട്ട് മാസ്റ്റര്‍, 10 വര്‍ഷത്തെ പ്രണയത്തിനിടയില്‍ സംഭവിച്ചത്?

കഴിഞ്ഞ ദിവസം ആരാധകരെ എല്ലാം അമ്പരപ്പിച്ചുകൊണ്ടാണ് വനിത വിജയകുമാറിന്റെയും റോബര്‍ട്ട് മാസ്റ്ററുടെയും സേവ് ദ ഡേറ്റ് ഫോട്ടോഷൂട്ട് ചിത്രങ്ങള്‍ പുറത്തുവന്നത്. ഒക്ടോബര്‍ 5 ന് ഇരുവരും വിവാഹിതരാവുന്നു എന്നാണ് പറയപ്പെടുന്നത്. രണ്ടു പേരും ഇന്‍സ്റ്റഗ്രാം സ്റ്റോറിയായി പങ്കുവച്ച ഫോട്ടോഷൂട്ട് ചിത്രങ്ങള്‍ സോഷ്യല്‍ മീഡിയയില്‍ വന്‍ വൈറലാണ്.

ബാലതാരമായി അഭിനയ ലോകത്തേക്ക് എത്തിയ റോബര്‍ട്ട് മാസ്റ്റര്‍ ഇന്റസ്ട്രിയിലെ അറിയപ്പെടുന്ന ഡാന്‍സ് കൊറിയോഗ്രാഫറമാണ്. മോഹന്‍ലാലിന്റെ നരസിംഹം, ബാബ കല്യാണി ഉള്‍പ്പടെ നിരവധി സിനിമകളില്‍ വില്ലനായും വേഷമിട്ടിട്ടുണ്ട്. വനിതയുമായി പത്ത് വര്‍ഷം നീണ്ട പ്രണയ ബന്ധത്തിന് ശേഷമാണ് ഈ വിവാഹത്തിലേക്ക് കടക്കുന്നത് എന്നാണ് റിപ്പോര്‍ട്ടുകള്‍. ഇടയില്‍ ഇരുവരും വിവാഹിതരായി എന്ന വാര്‍ത്തകള്‍ പോലും പുറത്തുവന്നിരുന്നു.

നടന്‍ വിജയകുമാറിന്റെ മകളായ വനിതയുടെ ജീവിതം സംഭവ ബഹുലമാണ്. പ്രീത, അരുണ്‍ വിജയ്, ശ്രീദേവി തുടങ്ങിയവരുടെ മൂത്ത സഹോദരിയാണ് വനിത. അച്ഛന്റെയും അമ്മയുടെയും പാരമ്പര്യം പിന്‍തുടര്‍ന്ന് സഹോദരന്മാര്‍ക്കൊപ്പം ഇന്റസ്ട്രിയിലെത്തിയതാണ് വനിതയും. നിരവധി സിനിമകളിലും ബിഗ് ബോസ് പോലുള്ള ഷോകളിലൂടെയും വനിത പ്രശസ്തിയ്‌ക്കൊപ്പം വിവാദങ്ങളും സമ്പാദിച്ചിരുന്നു.

2000 ല്‍ ആണ് വനിതയുടെയും ബിസിനസ്സുകാരനായ ആകാശിന്റെയും വിവാഹം നടന്നത്. ആ ബന്ധത്തില്‍ ഒരു മകനും മകളും പിറന്നു. 2007 ല്‍ ഇരുവരും വിവാഹ മോചിതരായി. നീണ്ട നിയമ പോരാട്ടങ്ങള്‍ക്കൊടുവില്‍ മക്കളുടെ ഉത്തരവാദിത്വം വനിതയ്ക്ക് കിട്ടിയെങ്കിലും, പിന്നീട് മകന്‍ അച്ഛനൊപ്പം പോയി. അതിന് ശേഷം 2007 ല്‍ വനിത ആനന്ദ് ജയരാജന്‍ എന്നയാളെ വിവാഹം ചെയ്തു. ആ ബന്ധത്തിലും ഒരു മകള്‍ ജനിച്ചു. 2012 ല്‍ ആ ദാമ്പത്യവും വിവാഹ മോചനത്തില്‍ അവസാനിച്ചപ്പോള്‍, മകള്‍ അച്ഛനൊപ്പം പോയി.

പിന്നീട് മകള്‍ ജോവികയ്‌ക്കൊപ്പമായിരുന്നു വനിതയുടെ ജീവിതം. 2014 ല്‍ ആണ് വനിതയും റോബര്‍ട്ട് മാസ്റ്ററും പരിചയപ്പെടുന്നത്. എംജിആര്‍ ശിവാജി രജിനി കമല്‍ എന്ന സിനിമയില്‍ ഒരുമിച്ചഭിനയിച്ചതിലൂടെ ഇരുവരും പ്രണയത്തിലായി. ഒറ്റയ്ക്കുള്ള എന്റെ ജീവിതത്തിന് ഇനി റോബര്‍ട്ട് കൂട്ടാണെന്ന് വനിതയും പറഞ്ഞു. എന്നാല്‍ 2017 ല്‍ ഇരുവരുടെയും പ്രണയത്തില്‍ വിള്ളല്‍ സംഭവിച്ചു. തുടര്‍ന്ന് 2020 ല്‍ ആണ് പീറ്റര്‍ പോള്‍ എന്നയാളെ വനിത വിവാഹം ചെയ്തത്. മാസങ്ങള്‍ക്കകം ആ വിവാഹ ബന്ധം അവസാനിക്കുകയും ചെയ്തു.

2022 ല്‍ റോബര്‍ച്ച് ബിഗ് ബോസ് ഷോയില്‍ മത്സരിക്കുന്ന സമയത്താണ് വീണ്ടും വനിതയുമായുള്ള ബന്ധം ചര്‍ച്ചയായത്. ഇരുവരും ഒന്നിച്ച് പിന്നീട് ചില അഭിമുഖങ്ങള്‍ ചെയ്യുകയും ബന്ധം ചര്‍ച്ചയാകുകയും ചെയ്തു. ഈ ഗോസിപ്പുകള്‍ക്കിടയിലാണ് കഴിഞ്ഞ ദിവസം സേവ് ദ ഡേറ്റ് ഫോട്ടോ പുറത്തുവന്നത്. അതേ സമയം ഇത് റിയല്‍ ലൈഫ് കല്യാണം ആണെന്ന് ഉറപ്പിച്ചു പറയാന്‍ സാധിക്കില്ല. റോബര്‍ട്ടും വനിതയും ഏറ്റവുമൊടുവില്‍ ഒന്നിച്ചഭിനയിച്ച മിസ്റ്റര്‍ ആന്റ് മിസിസ് എന്ന സിനിമ റിലീസിന് തയ്യാറെടുക്കുകയാണ്. വനിതയുടെ സുഹൃത്ത് നിര്‍മിയ്ക്കുന്ന ഈ സിനിമയുടെ പ്രമോഷന് വേണ്ടിയാവാം ഇങ്ങനെ ഒരു ഫോട്ടോ പുറത്തുവിട്ടത് എന്ന റിപ്പോര്‍ട്ടുകളുമുണ്ട്.

@All rights reserved Typical Malayali.