കാത്തിരിപ്പിന് അവസാനം.. കല്യാണ ദിവസം കുറിച്ച് റോബിന്
ബിഗ്ഗ് ബോസ് മലയാളം സീസണ്‍ 4 ലൂടെ പ്രേക്ഷകര്‍ക്കിടയില്‍ വന്‍ തരംഗമായ സെലിബ്രിറ്റിയായിരുന്നു റോബിന് രാധാകൃഷ്ണന്‍. ഷോയെ വളരെ വ്യത്യസ്തമായി സമീപിച്ച റോബിന് കൃത്യമായ പ്ലാനിങുകള്‍ ഉണ്ടായിരുന്നു. ബിഗ്ഗ് ബോസിന് ശേഷം കുറച്ച് കാലം കൂടെ തനിക്ക് ലൈംലൈറ്റില്‍ തന്നെ നില്‍ക്കണം എന്ന റോബിന്റെ ആഗ്രഹ പ്രകാരം ചലതൊക്കെ കേരളത്തില്‍ സംഭവിച്ചു. അതിന്റെ ആരവങ്ങള്‍ എല്ലാം ഇപ്പോള്‍ കെട്ടടങ്ങി.
ബിഗ്ഗ് ബോസില്‍ നിന്ന് പുറത്തിറങ്ങിയ റോബിന് നല്‍കിയ ഒരു അഭിമുഖത്തിനിടിയാണ് ആരതി പൊടി എന്ന പെണ്‍കുട്ടി ശ്രദ്ധ നേടിയത്. നടിയും, ഓണ്‍ട്രപ്രൊണറുമായ ആരതി പിന്നീട് റോബിന്റെ കാമുകി എന്ന നിലയില്‍ വാര്‍ത്തകളില്‍ നിറഞ്ഞു. പിന്നാലെ തങ്ങളുടെ പ്രണയം സ്ഥിരീകരിച്ച് റോബിനും ആരതിയും രംഗത്തെത്തി. തുടര്‍ന്ന് നടന്ന ഇരുവരുടെയും വിവാഹ നിശ്ചയവും, പ്രണയ കഥയും എല്ലാം പ്രേക്ഷകര്‍ കണ്ടതാണ്.
2024 ഫെബ്രുവരിയില്‍ വിവാഹം ഉണ്ടാവും എന്നാണ് അന്ന് റോബിനും ആരതിയും പറഞ്ഞത്. എന്നാല്‍ വിവാഹത്തിന് മുന്‍പ് ആരതിയ്ക്ക് ചില സ്വപ്‌നങ്ങുണ്ട്. അതിന് വേണ്ടി കുറച്ച് സമയം വേണം എന്ന് പറഞ്ഞിരുന്നു. അതിന് റോബിനും യോജിച്ചു. അങ്ങനെ ആ സ്വപ്‌നം ഏറെ കുറേ പൂര്‍ത്തിയായി. ഇപ്പോഴിതാ വിവാഹ തിയ്യതിയും പ്രഖ്യാപിച്ചിരിക്കുന്നു.
തന്റെ ബിസിനസ് ബ്രാന്റ് ഡെവല് ചെയ്യണം എന്നതായിരുന്നു ആരതിയുടെ ഒന്നാമത്തെ ലക്ഷ്യം. അങ്ങനെ പൊടീസ് ബ്രാന്റ് നിലവില്‍ വന്നു. ഏറ്റെടുത്ത സിനിമകള്‍ പൂര്‍ത്തിയാക്കണം, ഒരു സിനിമ മലയാളത്തില്‍ ചെയ്യണം എന്നൊക്കെയുള്ള ആഗ്രഹങ്ങളും ആരതിയ്ക്കുണ്ടായിരുന്നു. റോബിന്റെ കാമുകി എന്ന ലേബലില്‍ നിന്ന് മാറി, തനിക്ക് തന്റേതായ ഐഡന്റിറ്റിയില്‍ അറിയപ്പെടാനാണ് ആരതി എന്നും ആഗ്രഹിച്ചത്. അത് പോലെ തന്നെ സംഭവിക്കുകയും ചെയ്തു.
ഇനി വിവാഹമാണ്, നേരത്തെ പറഞ്ഞത് പോലെ ഫെബ്രുവരിയില്‍ നടത്താനായി സാധിച്ചില്ല. അതുകൊണ്ട്, ഫെബ്രുവരിയില്‍ എപ്പോഴാണ് വിവാഹം എന്നതിനെ കുറിച്ച് കൃത്യമായ ഡേറ്റ് റോബിന് ആരാധകരെ അറിയിക്കുകയായിരുന്നു. 2024, ജൂണ്‍ 26, ബുധനാഴ്ചയാണ് വിവാഹം. എല്ലാവരുടെയും അനുഗ്രഹം വേണം എന്ന് റോബിന് ഇന്‍സ്റ്റഗ്രാമില്‍ കുറിച്ചു. എന്‍ഗേജ്‌മെന്‍രിന്റെ ഫോട്ടോയ്‌ക്കൊപ്പമാണ് റോബിന് സന്തോഷ വാര്‍ത്ത അറിയിച്ചത്. ആശംസകളുമായി ആരാധകരും എത്തി.
@All rights reserved Typical Malayali.
Leave a Comment