രണ്ടുമാസം ആയിരുന്നു എന്റെ വിവാഹത്തിന്റെ ആയുസ്സ്”! എനിക്ക് പറ്റിയൊരു അബദ്ധമായിരുന്നു; തെസ്നി ഖാൻ പറയുന്നു
ബിഗ് സ്‌ക്രീനിലും മിനി സ്‌ക്രീനിലും പ്രേക്ഷകര്‍ക്ക് നിരവധി നര്‍മ്മ മുഹൂര്‍ത്തങ്ങള്‍ സമ്മാനിച്ചിട്ടുള്ള താരമാണ് തെസ്നി ഖാൻ. കൊച്ചിന്‍ കലാഭവനിലൂടെയാണ് തെസ്‌നിയുടെ കലാജീവിതത്തിന്റെ തുടക്കം. 1988 ല്‍ പുറത്തിറങ്ങിയ ഡെയ്‌സി എന്ന ചിത്രത്തിലൂടെയാണ് തെസ്നി ഖാന്‍ അഭിനയ രംഗത്തേക്ക് എത്തുന്നത്. 125 ല്‍ അധികം മലയാള സിനിമയില്‍ വലുതും ചെറുതുമായ കഥാപാത്രങ്ങള്‍ തെസ്നി ചെയ്തിട്ടുണ്ട്. കോമഡി കഥാപാത്രങ്ങളാണ് കൂടുതലും കൈകാര്യം ചെയ്തിട്ടുള്ളത്. ടെലിവിഷന്‍ ചരിത്രത്തില്‍ ഹാസ്യ പരിപാടികള്‍ക്ക് തുടക്കം കുറിച്ച സിനിമാലയിലെ പ്രധാന കഥാപാത്രങ്ങളിലൊരാളായിരുന്നു തെസ്നി. മുൻപൊരിക്കൽ തെസ്നി ഖാൻ തന്റെ ജീവിതത്തിൽ താൻ എടുത്തിട്ടുള്ള ഏറ്റവും തെറ്റായ ഒരു തീരുമാനം ആയിരുന്നു വിവാഹം എന്ന് വെളിപ്പെടുത്തുകയാണ്.
“ജീവിതത്തില്‍ എല്ലാവര്‍ക്കും അബദ്ധങ്ങള്‍ പറ്റാറുണ്ടല്ലോ. അങ്ങനെ എനിക്കു പറ്റിയൊരു അബദ്ധമാണത്. ഞാന്‍ വളരെയധികം കരുതലോടെ ജീവിക്കുന്നൊരു പെണ്ണാണ്. സിനിമയില്‍ വന്ന കാലം തൊട്ട് ഇന്നു വരെ. അങ്ങനെ അബദ്ധങ്ങളൊന്നും എനിക്ക് പറ്റിയിട്ടില്ല. സിനിമയില്‍ ഞാന്‍ തിരികെ നോക്കുമ്പോള്‍ എനിക്കങ്ങനെ അബദ്ധങ്ങളൊന്നും പറ്റിയിട്ടില്ല. ഞാന്‍ ഹാപ്പിയാണ്. പക്ഷെ ജീവിതത്തില്‍ എനിക്ക് പറ്റിയൊരു അബദ്ധമാണിത്. രണ്ടുമാസം ആയിരുന്നു എന്റെ വിവാഹത്തിന്റെ ആയുസ്സ്.
കല്യാണം കഴിഞ്ഞാല്‍ ഒരു പെണ്ണ് ആഗ്രഹിക്കുന്നതാണ് സംരക്ഷണം. അതല്ലാതെ അവളെന്തെങ്കിലും ചെയ്യട്ടെ എന്ന് കരുതി നോക്കാതെ ഇരിക്കുന്നതിനെ എങ്ങനെയാണ് ഒരു കല്യാണം എന്നു പറയുന്നത്. പത്ത് പതിനഞ്ച് വര്‍ഷം മുമ്പായിരുന്നു വിവാഹം. വളരെ സിംപിളായിട്ടായിരുന്നു നിക്കാഹ് നടന്നത്. അത് കഴിഞ്ഞ് മനസിലായി ആള് കെയര്‍ ചെയ്യില്ല നോക്കില്ല എന്നൊക്കെ. ഒരു പ്രയോജനവുമില്ല. വെറുതെ ഒരു കെട്ട് എന്ന് പറയുന്നതിന് നമ്മള്‍ നിന്നു കൊടുത്തിട്ട് കാര്യമില്ല. കലാപരമായിട്ടും ഒരു പുരോഗതിയും തരുന്നില്ല.
കുടുംബമായിക്കഴിഞ്ഞാല്‍ സിനിമയൊന്നും വേണ്ട എന്നായിരുന്നു എന്റെ തീരുമാനം. പക്ഷെ ഒന്നും നോക്കാതായിക്കഴിഞ്ഞാല്‍ എന്റെ അച്ഛനേയും അമ്മയേയും ഞാനെങ്ങനെ നോക്കും. പുള്ളിയുടെ സുഹൃത്തുക്കള്‍ തന്നെ എന്നെ വിളിച്ചു പറഞ്ഞു, ഇത്തയ്ക്ക് ഇപ്പോഴും കലാ ജീവിതത്തില്‍ സ്‌പേസുണ്ട്. ഇപ്പോള്‍ തന്നെ നമ്മള്‍ അതിനൊരു ഉത്തരം കണ്ടെത്തിയാല്‍ മുന്നോട്ട് പോകാം എന്ന്. അങ്ങനെ അത് അവിടെ വച്ച് അവസാനിപ്പിക്കുകയായിരുന്നു. പുള്ളിയുടെ പിന്നെയുള്ള കാര്യങ്ങളൊന്നും അറിയില്ല. എന്തായാലും ഞാനിപ്പോള്‍ ഹാപ്പിയാണ്” തെസ്നി ഖാൻ പറയുന്നു.
@All rights reserved Typical Malayali.
Leave a Comment