പതിനാറാം വിവാഹ വാര്‍ഷികത്തില്‍ ഒരു സന്തോഷ വാര്‍ത്ത കൂടെ; പോസ്റ്റ് പങ്കുവച്ച് ഹരീഷ് കണാരന്‍!
പതിനാറാം വിവാഹ വാര്‍ഷികത്തില്‍ ഒരു സന്തോഷ വാര്‍ത്ത കൂടെ; പോസ്റ്റ് പങ്കുവച്ച് ഹരീഷ് കണാരന്‍!
പത്ത് വര്‍ഷം പ്രണയിച്ച ശേഷമാണ് ഹരീഷ് കണാരന്‍ സന്ധ്യയെ സ്വന്തമാക്കിയത്. പത്തില്‍ തോറ്റ ഹരീഷ്, രണ്ടാം വട്ടം പരീക്ഷ എഴുതാന്‍ പോയപ്പോഴാണത്രെ പഠിക്കാന്‍ മിടുക്കിയും, പാട്ടുകാരിയുമൊക്കെയായ സന്ധ്യയെ ആദ്യമായി കണ്ടത്.hareesh kanaran
പതിനാറാം വിവാഹ വാര്‍ഷികത്തില്‍ ഒരു സന്തോഷ വാര്‍ത്ത കൂടെ; പോസ്റ്റ് പങ്കുവച്ച് ഹരീഷ് കണാരന്‍!
ജാലിയന്‍ കണാരന്‍ എന്ന കഥാപാത്രമായി എത്തി ടെലിവിഷന്‍ ലോകത്ത് ശ്രദ്ധ നേടിയ നടനാണ് ഹരീഷ് കണാരന്‍. അവിടെ നിന്ന് ബിഗ് സ്‌ക്രീനിലേക്ക് എത്തിയ ഹരീഷ്, നിരവധി സിനിമകള്‍ ചെയ്തു. മമ്മൂട്ടി, മോഹന്‍ലാല്‍, ദിലീപ്, കുഞ്ചാക്കോ ബോബന്‍ തുടങ്ങി ഓരോ മുന്‍നിര താരങ്ങള്‍ക്കുമൊപ്പമുള്ള ഹരീഷിന്റെ സ്‌ക്രീന്‍ കെമിസ്ട്രിയൊക്കെ കൈയ്യടി നേടിയിരുന്നു.
ഇപ്പോഴിതാ പതിനാറാം വിവാഹ വാര്‍ഷികം ആഘോഷിക്കുന്ന സന്തോഷം പങ്കുവച്ച് ഇന്‍സ്റ്റഗ്രാമില്‍ എത്തിയിരിക്കുകയാണ് നടന്‍. വിവാഹ വാര്‍ഷികത്തില്‍ മറ്റൊരു സന്തോഷ വാര്‍ത്ത കൂടെ നടന്‍ പങ്കുവയ്ക്കുന്നുണ്ട്. ‘ഇന്ന് ഞങ്ങളുടെ പതിനാറാം വിവാഹ വാര്‍ഷികമാണ്’ എന്ന് പറഞ്ഞ് ആദ്യം ഭാര്യ സന്ധ്യയ്‌ക്കൊപ്പമുള്ള ചിത്രം ഹരീഷ് പങ്കുവച്ചു.
അതിന് ശേഷം പങ്കുവച്ച പോസ്റ്റിലാണ് ആ സന്തോഷ വാര്‍ത്ത പറയുന്നത്. ‘വിവാഹ വാര്‍ഷിക ദിനത്തില്‍, ദൈവാനുഗ്രഹത്താല്‍ ഒരു കാര്‍ സ്വന്തമാക്കി’ എന്ന് പറഞ്ഞ് കാറിനൊപ്പമുള്ള ചിത്രവും പങ്കുവയ്ക്കുയായിരുന്നു. സ്വപ്രയത്‌നം കൊണ്ട് ജീവിതത്തില്‍ ഓരോന്ന് നേടിയെടുക്കുന്ന ഹരീഷ് കണാരനെ പ്രശംസിച്ചുകൊണ്ടുള്ള കമന്റുകളാണ് ചിത്രത്തിന് താഴെ വരുന്നത്. നേരത്തെ ഹരീഷ് കണാരന്റെ ഹോം ടൂര്‍ വീഡിയോകള്‍ എല്ലാം വൈറലായിരുന്നു. പഴയവീട്, ഒരു വലിയ തറവാടായി പുതുക്കിപ്പണിത ചിത്രങ്ങളും വീഡിയോകളും അന്ന് ആരാധകര്‍ ഏറ്റെടുത്തു. കുഞ്ഞു കുഞ്ഞ് വേഷങ്ങളിലൂടെ ആഗ്രഹിച്ചത് നേടിയെടുക്കുന്ന നടനെ അന്നും ആരാധകര്‍ പ്രശംസിച്ചു.
അത്തരം ഒരു ഹോം ടൂര്‍ വീഡിയോയിലാണ് തങ്ങളുടെ പ്രണയ വിവാഹത്തെ കുറിച്ചും ഹരീഷ് തുറന്ന് പറഞ്ഞത്. പത്ത് വര്‍ഷത്തെ പ്രണയത്തിന് ശേഷമായിരുന്നു വിവാഹം. പത്താം ക്ലാസില്‍ തോറ്റ ഹാരിഷ്, രണ്ടാം വട്ടം പരീക്ഷ എഴുതാന്‍ പോയപ്പോഴാണ് സന്ധ്യയെ ആദ്യമായി കണ്ടുമുട്ടിയത്. ഗായികയായ സന്ധ്യ പാട്ടിലും പഠനത്തിലും എല്ലാം മിടുക്കിയായിരുന്നുവത്രെ. രണ്ട് മക്കളാണ് ദമ്പതികള്‍ക്ക്‌.
@All rights reserved Typical Malayali.
Leave a Comment