കരയിപ്പിക്കുമോ; പിറന്നാള്‍ ആശംസ അറിയിച്ച ഭാര്യ ഗോപികയോട് ജിപി; ഇത്ര ഇഷ്ടപ്പെട്ടത് എനിക്ക് തന്നെ അത്ഭുതമാണെന്ന് ഗോപിക
ഗോപിക അനിലിന്റെയും ഗോവിന്ദ് പദ്മസൂര്യയുടെയും വിശേഷം ഇപ്പോള്‍ ആരാധകര്‍ക്ക് ഒരു എന്റര്‍ടൈന്‍മെന്റ് ആണ്. ഇരുവരും വിവാഹിതരാകുന്നു എന്ന് പ്രഖ്യാപിച്ചതു മുതല്‍ തുടങ്ങിയതാണ് ഈ ആവേശം. ഒന്നിച്ച് ചേര്‍ന്നതിന് ശേഷം ഒരുമിച്ചുള്ള വളര്‍ച്ചയുടെ വിശേഷങ്ങള്‍ എല്ലാം ഗോപികയും ജിപിയും ഇന്‍സ്റ്റഗ്രാമിലൂടെ പങ്കുവയ്ക്കുന്നു.
ജീവിതത്തിലെ ഓരോ കാര്യങ്ങളും ആഘോഷമാക്കുന്ന ജിപിയുടെ ജന്മദിനമാണ് ഇന്ന. വിവാഹ ശേഷമുള്ള ഭര്‍ത്താവിന്റെ ആദ്യത്തെ ബര്‍ത്ത് ഡേയ്ക്ക് ആശംസകളുമായി ഗോപികയും എത്തി. എങ്ങനെയാണ് ഒരാളെ ഇത്രയധികം ഇഷ്ടപ്പെട്ടു പോകുന്നത് എന്ന് തനിക്ക് തന്നെ അത്ഭുതമായി തോന്നുന്നു എന്ന് ഗോപിക പറയുന്നു.
‘എന്റെ ആള്‍ക്ക് ജന്മദിനാശംസകള്‍. ഈ ഒരാളില്ലാത്ത ജീവിതം നമുക്ക് സങ്കല്‍പിക്കാന്‍ കഴിയാത്ത വിധം എങ്ങനെയാണ് അയാള്‍ പ്രാധാന്യമര്‍ഹിക്കുന്നത് എന്ന് ഞാന്‍ എപ്പോഴും ആശ്ചര്യപ്പെടുന്നു. കണ്ടുമുട്ടിയ അന്നുമുതല്‍ നിന്നില്‍ ഞാന്‍ എത്രമാത്രം വീണുപോയി എന്നത് എന്നെ തന്നെ അത്ഭുതപ്പെടുത്തുന്നു. ജന്മദിനാശംസകള്‍ ചേട്ടാ. ശരിക്കും നിങ്ങളെ ഞാന്‍ സ്‌നേഹിക്കുന്നു’ എന്നാണ് ഗോപിക കുറിച്ചത്
ഒരുമിച്ചെടുത്ത പത്തോളം സെല്‍ഫി ചിത്രങ്ങളും ഗോപിക പോസ്റ്റിനൊപ്പം വച്ചിട്ടുണ്ട്. ‘കരയിപ്പിക്കുമോ’ എന്ന് ചോദിച്ചാണ് ജിപി കമന്റ് ബോക്‌സില്‍ എത്തിയത്. ‘ഇറുക്കി കെട്ടിപ്പിടിച്ച് ഐ ലവ് യു’ എന്നും ജിപി പറഞ്ഞിട്ടുണ്ട്. ചുംബിക്കുന്ന ഇമോജിയുമായി ഗോപികയും എത്തി. അളിയന് പിറന്നാള്‍ ആശംസകള്‍ അറിയിച്ച് ഗോപികയുടെ സഹോദരി കീര്‍ത്തനയും ഇന്‍സ്റ്റഗ്രാമില്‍ എത്തിയിരുന്നു.
മോഡലിങിലൂടെ കരിയര്‍ ആരംഭിച്ചതാണ് ഗോവിന്ദ് പദ്മസൂര്യ എന്ന ജിപി. ഡി ഫോര്‍ ഡാന്‍സ് എന്ന റിയാലിറ്റി ഷോയില്‍ അവതാരകനായി വന്നതിന് ശേഷമാണ് ജിപിയ്ക്ക് ആരാധികമാരുണ്ടായത്. തുടര്‍ന്ന് അഭിനയ ലോകത്ത് സജീവമായ ജിപി ഇന്ന് തെലുങ്ക് സിനിമാ ലോകത്തും ഏറെ പരിചിതനാണ്.
ജിപിയുടെ വിവാഹം മലയാളം ഇന്റസ്ട്രിയില്‍ ഒരു വലിയ അഭ്യന്തര ചര്‍ച്ച തന്നെയായിരുന്നു. മിയ ജോര്‍ജ്ജ്, പേളി മാണി, പ്രിയാമണി, ദിവ്യ പിള്ള, ദില്‍ഷ പ്രസന്നന്‍ എന്നിങ്ങനെ പല താരങ്ങള്‍ക്കുമൊപ്പം എല്ലാ കാലത്തും ജിപിയുടെ പേര് ഗോസിപ്പ് കോളങ്ങളില്‍ സജീവമായിരുന്നു. ആ സാഹചര്യത്തില്‍ ഗോപികയുമായുള്ള വിവാഹം പ്രഖ്യാപിച്ചത് എല്ലാവര്‍ക്കും സര്‍പ്രൈസായി.
@All rights reserved Typical Malayali.
Leave a Comment