കന്യാസ്ത്രീ ആകാന്‍ ആഗ്രഹിച്ചിരുന്നു, യോഗം അതായിരുന്നില്ല; പിന്നീട് അത് നടക്കാതെ പോയതിന്റെ കാരണം വെളിപ്പെടുത്തി റിമി ടോമി
ഇപ്പോള്‍ മലയാള സംഗീത ലോകത്ത് ഏറ്റവും അധികം ഫാഷനും സ്റ്റൈലും ഫോളോ ചെയ്യുന്നവരില്‍ ഒരാളാണ് റിമി ടോമി. മാത്രമല്ല, ഭയങ്കര ഫിറ്റ്‌നസ്സ് ഫ്രീക്കുമാണ്. ആ റിമി ടോമിയെ ഇപ്പോള്‍ കര്‍ത്താവിന്റെ മണവാട്ടിയുടെ വേഷത്തില്‍ ചിന്തിക്കാന്‍ പോലും സാധിക്കില്ല. എന്നാല്‍ ഒരു കാലത്ത് റിമി ഏറ്റവും അധികം ആഗ്രഹിച്ച ഒന്നായിരുന്നുവത്രെ അത്.
ചെറുപ്പത്തില്‍ പള്ളിയില്‍ പാട്ടുപാടിക്കൊണ്ടാണ് റിമിയുടെ തുടക്കം. പള്ളിയില്‍ എന്ത് പരിപാടി വന്നാലും, വിശേഷ ദിവസങ്ങളിലു റിമി പാടും. പ്രത്യേകിച്ച് കന്യാസ്ത്രീകളുടെ ഉടുപ്പിടല്‍ ചടങ്ങില്‍ ഒക്കെ. അതുകൊണ്ട് പള്ളിയിലെ സിസ്റ്റേഴ്‌സുമായൊക്കെ നല്ല ബന്ധമായിരുന്നു. അങ്ങനെയാണ് അവരിലൊരാള്‍ ആകാന്‍ റിമിയും ആഗ്രഹിച്ചത്. കന്യാസ്ത്രീ ആകണം എന്ന് പറഞ്ഞപ്പോള്‍ വീട്ടില്‍ നിന്നും എതിര്‍ത്തുവത്രെ. പക്വതയില്ലാത്ത പ്രായത്തില്‍ തോന്നിയ മോഹമായിട്ടേ റിമി അതിനെ കാണുന്നുള്ളൂ.
കര്‍ത്താവിന്റെ മണവാട്ടി ആകാനൊക്കെ ദൈവ വിളി ഉണ്ടാവണം. എനിക്കത് ഉണ്ടായിട്ടില്ല. പിന്നീട് അതോര്‍ത്ത് കുറ്റബോധം തോന്നിയിട്ടുമില്ല. കര്‍ത്താവ് എനിക്ക് വിധിച്ചത് ഈ ജന്മത്തില്‍ ഇതായിരുന്നു. ഇപ്പോഴും അത് മുന്നോട്ട് കൊണ്ടുപോകാന്‍ അവന്റെ കൃപയുണ്ട് എന്നാണ് റിമി വിശ്വസിക്കുന്നത്. വിശ്വാസങ്ങളെ മുറുകെ പിടിയ്ക്കുന്ന റിമി ഒരിക്കലും പ്രാര്‍ത്ഥന മുടക്കാറില്ല.
ഫ്‌ളവേഴ്‌സ് ഒരു കോടി കോമഡി എന്ന ഷോയില്‍ പങ്കെടുക്കവെയാണ് ഇക്കാര്യങ്ങള്‍ റിമി തുറന്ന് സംസാരിച്ചത്. അങ്ങനെയെങ്കില്‍ മലയാള സിനിമാ ലോകത്തിന് ഇങ്ങനെ ഒരു ഗായികയെ നഷ്ടപ്പെടുമായിരുന്നു എന്ന് ശ്രീകണ്ഠന്‍ നായര്‍ പറഞ്ഞപ്പോള്‍, അങ്ങനെയൊന്നില്ല എന്നായിരുന്നു റിമിയുടെ പ്രതികരണം.
ടെലിവിഷന്‍ അങ്കറായി കരിയര്‍ ആരംഭിച്ചതാണ് റിമി ടോമി. അക്കാലത്തൊക്കെ നിരവധി ഗാനമേളകള്‍ക്കൊക്കെ പോകുമായിരുന്നു. ലാല്‍ ജോസ് സംവിധാനം ചെയ്ത മീശമാധവന്‍ എന്ന ചിത്രത്തിലെ, ‘ചിങ്ങമാസം വന്നുചേര്‍ന്നാല്‍’ എന്ന പാട്ട് പാടിക്കൊണ്ടാണ് മലയാള പിന്നണി ഗാന ലോകത്തേക്ക് റിമി തുടക്കം കുറിക്കുന്നത്. പിന്നീട് തിരിഞ്ഞു നോക്കേണ്ടി വന്നിട്ടില്ല. ഫാസ്റ്റ് ട്രാക്ക് ആണെങ്കിലും, സ്വീറ്റ് മെലഡി ആണെങ്കിലും മുഖത്തെ നിറഞ്ഞ പ്രസന്നതയോടെ ആളുകളെ ഇംപ്രസ് ചെയ്ത് റിമി പാടും.
2008 ല്‍ ആയിരുന്നു റോയിസ് എന്ന ബിസിനസ്സുകാരനുമായുള്ള റിമി ടോമിയുടെ വിവാഹം. പതിനൊന്ന് വര്‍ഷത്തെ ദാമ്പത്യ ജീവിതത്തിന് ശേഷം 2019 ല്‍ ആണ് ഇറുവരും വേര്‍പിരിഞ്ഞത്. വേര്‍പിരിഞ്ഞതിന് ശേഷം റോയിസ് വേറെ വിവാഹം ചെയ്തുവെങ്കിലും, റിമി ഇപ്പോഴും തന്റെ പാട്ടുമായി മുന്നോട്ട് പോകുകയാമ്. വിദേശത്തൊക്കെ നിരവധി സ്‌റ്റേജ് ഷോകള്‍ ചെയ്യുന്ന തിരക്കിലാണ് ഇപ്പോള്‍ ഗായിക. അതിനിടയില്‍ ടിവി ഷോകളിലും സജീവമാണ്.
@All rights reserved Typical Malayali.
Leave a Comment