എന്റെ സമ്പാദ്യം വെച്ചാണ് ഇതെല്ലാം ചെയ്തത്! വരുമാനത്തെക്കുറിച്ച് ചോദിച്ചപ്പോള്‍ നവ്യ നായര്‍ നല്‍കിയ മറുപടി
യുവജനോത്സവ വേദിയില്‍ നിന്നുമായി സിനിമയിലേക്കെത്തിയതാണ് നവ്യ നായര്‍. ഇടയ്ക്ക് അഭിനയത്തില്‍ നിന്നും മാറി നിന്നെങ്കിലും ശക്തമായ തിരിച്ചുവരവായിരുന്നു നവ്യ നടത്തിയത്. സ്വന്തമായി ഡാന്‍സ് സ്‌കൂളുമായും സജീവമാണ് നടി. യൂട്യൂബ് ചാനലിലൂടെയും വിശേഷങ്ങള്‍ പങ്കിടാറുണ്ട്. അടുത്തിടെ ഒരു ക്യുആന്‍ഡ്എ വീഡിയോ പങ്കിട്ടിരുന്നു. സിനിമയെക്കുറിച്ചും ഡാന്‍സിനെക്കുറിച്ചുമൊക്കെയായിരുന്നു ചോദ്യങ്ങള്‍.
ഫിനാന്‍സ് മാനേജ്‌മെന്റിനെക്കുറിച്ചുള്ള ചോദ്യത്തിനും നവ്യ മറുപടിയേകിയിരുന്നു. സ്ത്രീകള്‍ ഫിനാന്‍ഷ്യലി ഇന്‍ഡിപെന്‍ഡന്റായിരിക്കണം. ഫിനാന്‍ഷ്യല്‍ ഫ്രീഡം വേണം. നമ്മള്‍ വര്‍ക്ക് ചെയ്യണം. പൈസ നമ്മളുടെ കൈയ്യില്‍ വെയ്ക്കണം. കൈയ്യില്‍ പൈസയുണ്ടെങ്കില്‍ നമുക്ക് നല്ല ധൈര്യമായിരിക്കും. നമ്മുടെ അവകാശങ്ങള്‍ നേടിയെടുക്കണമെങ്കില്‍ പോലും പണം വേണം. പണം ഇല്ലെങ്കില്‍ പിണം ആണെന്ന് പറയുന്നത് വളരെ ശരിയാണ്.
വിവാഹം കഴിക്കുക എന്ന് പറയുന്നതല്ല ജീവിതത്തിലെ അവസാന വാക്ക്. ജീവിതത്തില്‍ സംഭവിക്കുന്ന ഒരു കാര്യമായിട്ട് മാറണം വിവാഹം. ഒരു പെണ്‍കുട്ടിയാണെങ്കിലും ആണ്‍കുട്ടിയാണെങ്കിലും അയ്യോ, കല്യാണം നടന്നില്ല കേട്ടോ എന്ന് പറയുന്നതാവരുത്. ഒരാള്‍ സകസസ്ഫുളാണോ എന്ന് നോക്കുന്നത് വിവാഹം കഴിച്ചോ എന്ന് നോക്കിയല്ല. നെല്‍സണ്‍ മണ്ടേലയേയും ഗാന്ധിജിയേയുമൊക്കെ നമ്മള്‍ ഓര്‍ക്കുന്നത് പണമുള്ളത് കൊണ്ടല്ലല്ലോ, സ്വന്തം ജീവിതം പോലും ത്യജിച്ച് ലോകത്തിന് വേണ്ടി ചെയ്ത കാര്യങ്ങള്‍ ഓര്‍ത്തല്ലേ. നമ്മുടെ വീട്, നമ്മളുടെ അച്ഛന്‍, അമ്മ, മക്കള്‍, അങ്ങനെ നമ്മുടെ ലോകത്തെ ചെറുതാക്കരുത്.
മാതംഗിക്ക് വേണ്ടി ചെലവഴിച്ച പണത്തെക്കുറിച്ചുള്ള ചോദ്യത്തിനും നവ്യ വ്യക്തമായി മറുപടി നല്‍കിയിരുന്നു. എന്റെ വീടിന്റെ മുകളിലാണ് മാതംഗി ഉണ്ടാക്കിയത്. എന്റെ സേവിംഗ്‌സ് വെച്ചാണ് ഈ വീടും മാതംഗിയും ഉണ്ടാക്കിയത്. എത്ര വലിയൊരു വീട് എനിക്ക് വെക്കാന്‍ പറ്റുമോ ആ വീടിനെ ഞാന്‍ പകുതിയായി കട്ട് ചെയ്തു. എന്റെ വീടിന്റെ ലക്ഷ്വറി ഞാന്‍ കുറച്ചു. ബാക്കി ഞാന്‍ എന്റെ പാഷനിലേക്ക് മാറ്റിവെച്ചു. അങ്ങനെ നോക്കുമ്പോള്‍ എനിക്കൊരു വീട് വെക്കുന്ന കോസ്‌റ്റ്യേ ആയിട്ടുള്ളൂ. അങ്ങനെ നോക്കുമ്പോള്‍ എനിക്ക് താമസിക്കാനുള്ള ഇടവുമായി, ഡാന്‍സ് സ്‌കൂളുമായി. എന്റെ വിയര്‍പ്പിന്റെയും കഷ്ടപ്പാടിന്റെയും ബാക്കിപത്രമാണ് മാതംഗി. ഈ വീടിന് നന്ദവന എന്നാണ് പേരിട്ടത്.
സിനിമയും ഡാന്‍സും ഇല്ലാത്തൊരു ജീവിതത്തെക്കുറിച്ച് ഞാന്‍ ചിന്തിച്ചിട്ടില്ല. കുട്ടിക്കാലത്തെ ഡാന്‍സ് പഠിച്ചതിനാല്‍ നൃത്തം ഇല്ലാത്തൊരു കാര്യത്തെക്കുറിച്ച് എനിക്ക് ചിന്തിക്കാനാവില്ല. നിങ്ങള്‍ എന്നെ അറിയുന്നതും ഇവയിലൂടെയല്ലേ എന്നുമായിരുന്നു നവ്യ ചോദിച്ചത്.
@All rights reserved Typical Malayali.
Leave a Comment