അഞ്ചാം ക്ലാസ് മുതല്‍ ഞാന്‍ ചേട്ടന്റെ ഭയങ്കര ഫാനാ എന്ന് പറഞ്ഞപ്പോള്‍, പെട്ടന്ന് പൃഥ്വിരാജിന്റെ മുഖഭാവം മാറി; നമിത പ്രമോദ് പറയുന്നു

താരങ്ങളുടെ പ്രായം പലരും സ്വകാര്യമായി വയ്ക്കുന്ന ഒന്നാണ്. പ്രായം ചര്‍മ്മത്തിനെ ബാധിയ്ക്കില്ല എന്ന് വിശ്വസിക്കുന്നവര്‍ അഭിമാനത്തോടെ അത് വെളിപ്പെടുത്തും. മമ്മൂട്ടിയ്‌ക്കൊക്കെ പ്രായം ഒരു അലങ്കാരം തന്നെയാണ്. മകളായി അഭിനയിച്ച നടിമാര്‍ പിന്നീട് മമ്മൂട്ടിയുടെ നായികയായും അമ്മയായും വരെ അഭിനയിച്ചിട്ടുണ്ട്. സിനിമയെ സംബന്ധിച്ച് പ്രായം ഒരു വിഷയമേ അല്ല. ഇപ്പോള്‍ ആ നിലയിലേക്ക് വളര്‍ന്നുകൊണ്ടിരിയ്ക്കുകയാണ് പൃഥ്വിരാജും.

വളരെ ചെറിയ പ്രായത്തില്‍ അഭിനയത്തിലേക്ക് വന്നതാണ് പൃഥ്വിരാജ്. നന്ദനം എന്ന സിനിമ ചെയ്യുമ്പോള്‍ താന്‍ പ്ലസ്ടു കഴിഞ്ഞിട്ടേയുണ്ടായിരുന്നുള്ളൂ എന്നും, പതിനെട്ട് വയസ്സായിരുന്നു പ്രായം എന്ന് പൃഥ്വിരാജ് പറഞ്ഞിട്ടുണ്ട്. അത് മാത്രമല്ല, തന്നെക്കാള്‍ പ്രായമുള്ള നായികമാര്‍ക്കൊപ്പം നായകനായി അഭിനയിച്ചിട്ടുണ്ട് എന്നും പൃഥ്വി വെളിപ്പെടുത്തിയതാണ്.

അങ്ങനെയുള്ള പൃഥ്വിരാജിന്റെ സിനിമ കണ്ട് വളര്‍ന്ന നടിയാണ് നമിത പ്രമോദ്. പതിനാല് വയസ്സുള്ളപ്പോള്‍ മുതല്‍ നമിത പ്രമോദും നായികയായി ഇന്റസ്ട്രിയില്‍ വന്നതാണ്. ചെറുപ്പം മുതലേ പൃഥ്വിരാജിന്റെ എല്ലാ സിനിമകളും കണ്ട് വളര്‍ന്ന നമിത, അക്കാരം പൃഥ്വിരാജിനോട് നേരിട്ട് പറഞ്ഞപ്പോഴുള്ള അനുഭവത്തെ കുറിച്ച് പറയുന്നു. ഫ്‌ളവേഴ്‌സ് ഒരു കോടി വിത്ത് കോമഡി എന്ന ഷോയില്‍ പങ്കെടുത്ത് സംസാരിക്കുകയായിരുന്നു നമിത.

അമര്‍ അക്ബര്‍ അന്തോണി എന്ന ചിത്രത്തില്‍ അഭിനയിച്ചുകൊണ്ടിരിയ്ക്കുന്ന സമയം. ‘ഇന്ദേട്ടനും ജയേട്ടനും രാജുവേട്ടനും ഒക്കെ ബൈക്കില്‍ ഇരിക്കുകയാണ്. ഞാന്‍ മെല്ലെ നടന്നു ചെന്ന് രാജുവേട്ടനോട്, ചേട്ടാ ഞാന്‍ ചെറുപ്പം മുതലേ ചേട്ടന്റെ എല്ലാ സിനിമകളും കാണാറുണ്ട്. അഞ്ചാം ക്ലാസില്‍ പഠിക്കുമ്പോള്‍ മുതല്‍ ഞാന്‍ ചേട്ടന്റെ ഭയങ്കര ഫാനാണ് എന്ന് പറഞ്ഞു. അത് കേട്ടതും രാജുവേട്ടന്റെ മുഖഭാവം മാറി. ഉടനെ ഇന്ദ്രേട്ടന്‍ ചോദിച്ചു, എത്രാം ക്ലാസില്‍ പടിക്കുമ്പോള്‍ എന്ന്, അഞ്ച് എന്ന് പറഞ്ഞപ്പോള്‍ അവര്‍ പൊട്ടിച്ചിരിച്ചു’- നമിത പറഞ്ഞു.

@All rights reserved Typical Malayali.