രണ്ട് വീട്ടുകാരും ചേര്‍ന്നായിരുന്നു വിവാഹം നടത്തിയത്! നാത്തൂന്റെ പ്രണയവിവാഹത്തെക്കുറിച്ച് അസ്ല മാര്‍ലി
വ്‌ളോഗിലും ചാനല്‍ പരിപാടികളിലൂടെയുമായി സജീവമാണ് അസ്ല മാര്‍ലി. പുതിയൊരു വീഡിയോയുമായെത്തിയിരിക്കുകയാണ് അസ്ല. കുറേക്കാലമായി ഒരു ക്യുആന്‍ഡ്എ വീഡിയോ ചെയ്തിട്ട്. ഈയൊരു രണ്ട് മാസമായിട്ട് കുറ്റപ്പെടുത്തലുകളും കളിയാക്കലുമൊക്കെയാണ് എനിക്ക് വന്നുകൊണ്ടിരിക്കുന്നത്. വീഡിയോകളുടെ താഴെയെല്ലാം നെഗറ്റീവ് കമന്റുകളാണ് വന്നുകൊണ്ടിരിക്കുന്നത്. എന്താണ് അതിന് പിന്നിലെ കാരണം എന്നെനിക്ക് അറിയില്ല. ഇത് ആദ്യത്തെ അനുഭവമല്ലാത്തതിനാല്‍ പ്രത്യേകിച്ചൊന്നും തോന്നുന്നില്ല. എനിക്കും എന്റെ വീട്ടുകാര്‍ക്കും എന്നെ അറിയാമല്ലോയെന്നും പറഞ്ഞായിരുന്നു അസ്ലയുടെ വീഡിയോ തുടങ്ങിയത്.
അംജുക്കയുടെ സഹോദരി മറ്റൊരു മതത്തിലുള്ള ആളെ ജീവിതപങ്കാളിയാക്കിയതിനെക്കുറിച്ചുള്ള ചോദ്യങ്ങളുമുണ്ടായിരുന്നു. ഒരുപാട് കാലം പ്രേമിച്ച നടന്നവരല്ല അവര്‍. ഒരു കമ്പനിയിലാണ് അവര്‍ ജോലി ചെയ്യുന്നത്. പരിചയപ്പെട്ട് രണ്ട് മാസമായപ്പോഴേക്കും അവരുടെ കല്യാണം കഴിഞ്ഞു. രണ്ട് വീട്ടുകാരും ചേര്‍ന്നാണ് കല്യാണം നടത്തിയത്. ഇഷ്ടം തോന്നിയപ്പോള്‍ തന്നെ രണ്ടുപേരും വീട്ടുകാരോട് പറഞ്ഞിരുന്നു. പേരന്‍സിന് പ്രശ്‌നങ്ങളൊന്നുമില്ലായിരുന്നു. സഹോദരി സന്തോഷത്തോടെ ഇരിക്കണമെന്നാണ് അംജുക്കയും അഫ്‌സലും ആഗ്രഹിക്കുന്നത്. അവളുടെ സന്തോഷത്തിന് വേണ്ടി എന്തും ചെയ്യുന്ന സഹോദരന്‍മാരാണ് അവര്‍.
കല്യാണസമയത്ത് ദാവണി ഇട്ടതിനെക്കുറിച്ചുള്ള ചോദ്യത്തിനും അസ്ല മറുപടിയേകിയിരുന്നു. നെഗറ്റീവ് കമന്റുകളുടെ പൂരമായിരുന്നു. ബാംഗ്ലൂരില്‍ വെച്ചായിരുന്നു അവരുടെ കല്യാണം. ചെക്കന്‍ മറാഠിയാണ്. ഹിന്ദു-മുസ്ലീം ഇന്റര്‍ റിലീജിയന്‍ കല്യാണമാണ്. അവിടെ വന്നവരെല്ലാം ഹിന്ദു സ്റ്റൈലിലായിരുന്നു ഡ്രെസിംഗ്. അങ്ങനെയാണ് ഞാനും ദാവണി ഇട്ടത്. എനിക്കത് വെറുമൊരു ഡ്രസാണ്. ഞാന്‍ സിന്ദൂരമോ, പൊട്ടോ ഒന്നും വെച്ചിട്ടില്ല. അംജുക്ക ഡ്രസിംഗിന്റെ കാര്യത്തില്‍ ഇടപെടാറില്ല. ഇത് മോള്‍ക്കത്ര ചേരുന്നില്ല എന്നൊക്കെ പറയാറുണ്ട്. ഇതെന്തിനാണ് ഇട്ടതെന്നൊന്നും അംജുക്ക ചോദിക്കാറില്ലെന്നുമായിരുന്നു അസ്ല പറഞ്ഞത്.
ബേബി പ്ലാനിംഗിനെക്കുറിച്ചും ഹില സംസാരിച്ചിരുന്നു. ഞാനൊരു അമ്മയാവാന്‍ പോവുമ്പോള്‍ എന്തായാലും നിങ്ങളെയും അറിയിക്കും. ഉടനെ അറിയിച്ചില്ലെങ്കിലും നിങ്ങളെയും അക്കാര്യം അറിയിക്കും. ഇപ്പോള്‍ എനിക്കൊരു ബേബിയേയുള്ളൂ. അതെന്റെ ലൈല ബേബിയാണ്. ഇപ്പോള്‍ ഞാന്‍ ഇത് ഷൂട്ട് ചെയ്യുമ്പോള്‍ എന്റെ കാല്‍ ചുവട്ടില്‍ വന്ന് കിടക്കുകയാണ്. നായക്കുട്ടിയെ വാങ്ങിയപ്പോള്‍ കുറേപേര്‍ നെഗറ്റീവ് കമന്റുകള്‍ പറഞ്ഞിരുന്നു.
എനിക്കും അംജുക്കയ്ക്കും ഒരു ബേബിയായാലും ഞാന്‍ പറയും ഞങ്ങളുടെ ഫസ്റ്റ് ബേബി ലൈല ബേബിയാണെന്ന്. നിങ്ങള്‍ക്കിത് കേള്‍ക്കുമ്പോള്‍ പരിഹാസമൊക്കെ തോന്നിയേക്കും. ഒരു നായക്കുട്ടിയൊക്കെ വീട്ടിലുള്ളവര്‍ക്ക് മനസിലാവും. പെറ്റസിനോട് ഭയങ്കര ഇഷ്ടമുള്ള ആളൊന്നുമായിരുന്നില്ല. എന്റെ ഉമ്മ നായക്കുട്ടികളെയൊന്നും വീട്ടില്‍ കയറ്റാന്‍ സമ്മതിക്കാറില്ലായിരുന്നു. ജോലി റിസൈന്‍ ചെയ്ത് ഞാന്‍ എന്റെ വലിയൊരു സ്വപ്‌നത്തിന് പിന്നാലെയാണ്.
രാവിലെ എട്ട് മുതല്‍ രാത്രി എട്ട് വരെ തനിച്ചിരിക്കണം. അങ്ങനെയാണ് ഞാന്‍ എനിക്ക് കൂട്ടായി ഒരു നായക്കുട്ടിയെ വേണമെന്ന് പറഞ്ഞത്. മോള്‍ക്ക് പറ്റുമോയെന്നായിരുന്നു അംജുക്ക എന്നോട് ചോദിച്ചത്. ഒരു കുട്ടിയെ നോക്കുന്നത് പോലെയാണ് ഞാന്‍ ഇവളെ നോക്കുന്നത്്. സ്‌പെഷല്‍ ഫുഡും പോട്രി ട്രെയിനിംഗും ചെയ്യുന്നുണ്ട്. അലാറം വെച്ചാണ് ഞാന്‍ ഇവളുടെ കാര്യങ്ങളെല്ലാം ചെയ്യുന്നത്. ഞാന്‍ എവിടേക്ക് പോയാലും എന്റെ കൂടെ തന്നെ വരും. അവള്‍ എവിടെയെന്ന് ഞാന്‍ ചോദിക്കേണ്ടി വരാറില്ല, ഇവളെ പിരിഞ്ഞിരിക്കുന്നത് എനിക്ക് ആലോചിക്കാന്‍ പോലും പറ്റില്ല. നിങ്ങള്‍ നെഗറ്റീവ് കമന്റുകള്‍ പറയുമ്പോള്‍ എനിക്ക് എന്റെ കൊച്ചിനെ പറയുന്നത് പോലെയാണ് തോന്നുന്നത്. ആര് എന്തൊക്കെ പറഞ്ഞാലും ഇവളെ ഞാന്‍ എന്നും ചേര്‍ത്തുപിടിക്കുമെന്നുമായിരുന്നു അസ്ല പറഞ്ഞത്.
@All rights reserved Typical Malayali.
Leave a Comment