6 വര്‍ഷമായി അമ്മ പോയിട്ട്! ആ സ്‌നേഹം ഇപ്പോഴും മിസ് ചെയ്യുന്നു! …അമ്മയായിരുന്നു എന്‍റെ ശക്തി….ഇമോഷണല്‍ പോസ്റ്റുമായി റോഷന്‍ ആന്‍ഡ്രൂസ്

ജീവിതത്തില്‍ എല്ലാമെല്ലാമായിരുന്ന അമ്മയെക്കുറിച്ചുള്ള ഓര്‍മ്മകള്‍ പങ്കിട്ടെത്തിയിരിക്കുകയാണ് റോഷന്‍ ആന്‍ഡ്രൂസ്്. 6 വര്‍ഷമായി അമ്മ എനിക്കൊപ്പം ഇല്ലാതായിട്ട്. മാതാപിതാക്കളുടെയും സഹോദരന്റെയും സ്‌നേഹവും കെയറിംഗും ശരിക്കും മിസ്സ് ചെയ്യുന്നുണ്ട്. അവരെല്ലാം പെട്ടെന്ന് എങ്ങോട്ടോ മറഞ്ഞ് പോയത് പോലെ. ഞാന്‍ ഇന്നത്തെ അവസ്ഥയിലെത്തിയത് അമ്മയുടെ പ്രാര്‍ത്ഥന കാരണമാണ്. ഇന്ന് അമ്മയുടെ ആറാം ചരമ വാര്‍ഷിക ദിനമാണ്. മാതാപിതാക്കളെ നന്നായി സ്‌നേഹിക്കുക എന്നേ എനിക്ക് എല്ലാവരോടും പറയാനുള്ളൂ. അവരെ നഷ്ടമായതിന് ശേഷമുള്ള വേദന എന്താണെന്ന് എനിക്കറിയാം എന്നുമായിരുന്നു റോഷന്‍ കുറിച്ചത്. കിഡ്‌നി രോഗത്തെ തുടര്‍ന്നായിരുന്നു റോഷന്റെ ചേട്ടന്റെ മരണം. ജീവിതത്തിലെ ഏറ്റവും വേണ്ടപ്പെട്ട മൂന്ന് പേരുടെ വിയോഗം ഇന്നും വലിയ വേദനയാണെന്ന് നേരത്തെ റോഷന്‍ പറഞ്ഞിരുന്നു.

ഇവിടം സ്വര്‍ഗമാണ് എന്ന ചിത്രത്തില്‍ അമ്മയുടെ ജീവിതമാണ് പറഞ്ഞത്. ഞാനും അപ്പച്ചനും ചേട്ടനും നന്നായി ഭക്ഷണം കഴിച്ചാല്‍ മതി അമ്മയ്ക്ക് സന്തോഷം തോന്നാന്‍. കഴിച്ചോ, ഇന്നെന്താണ് വേണ്ടതെന്ന് എപ്പോഴും ചോദിക്കുമായിരുന്നു. സ്‌നേഹം കൊണ്ടുള്ള വലിയൊരു കരുതലുണ്ടായിരുന്നു അമ്മയ്ക്ക്. പ്രണയിച്ച് വിവാഹിതരായവരാണ് അമ്മയും അപ്പച്ചനും. വിവാഹ ശേഷം പല തരത്തിലുള്ള പ്രതിസന്ധികളിലൂടെ കടന്നുപോയിട്ടുണ്ട് അവര്‍.

സാമ്പത്തികമായി ഉയര്‍ന്ന നിലയിലുള്ള കുടുംബമായിരുന്നു രണ്ടുപേരുടേതും. ബിസിനസും വര്‍ക്ക്‌ഷോപ്പും നഷ്ടത്തിലായതോടെയായിരുന്നു കഷ്ടപ്പാട് തുടങ്ങിയത്. തേങ്ങയൊക്കെ വിറ്റായിരുന്നു അന്ന് സാധനങ്ങള്‍ വാങ്ങിയിരുന്നത്. അവസാനത്തെ വറ്റും ഞങ്ങള്‍ക്ക് വിളമ്പി വിശന്നിരിട്ടുണ്ട് അമ്മ. അന്നത്തെ പ്രതിസന്ധികളെല്ലാം ഇന്നും ഓര്‍ക്കാറുണ്ടെന്നും റോഷന്‍ മുന്‍പ് വ്യക്തമാക്കിയിരുന്നു.
GOAT second part: വിജയ്‌ അഭിനയിക്കില്ല; ഗോട്ട് 2ൽ നായകനാര്?

പറ്റുന്ന പോലെ അപ്പച്ചനെയും അമ്മയേയും നോക്കാനുള്ള അവസരം ദൈവം തന്നിരുന്നു. അവരെന്താണ് നിങ്ങള്‍ക്ക് നേടിത്തന്നത് എന്നൊക്കെ ചിലര്‍ ചോദിക്കാറുണ്ട്. ഞങ്ങളെ സ്വതന്ത്രരാക്കി വളര്‍ത്തി. എന്തും ചെയ്യാനുള്ള ഫ്രീഡം തന്നു. അതുപോലെ വിദ്യാഭ്യാസവും. ഞങ്ങളെ നല്ലതുപോലെ സ്‌നേഹിച്ച് വളര്‍ത്തി. ഇതില്‍ക്കൂടുതലെന്താണ് അവര്‍ ചെയ്യേണ്ടത്. കുടുംബത്തെക്കുറിച്ച് എപ്പോഴും വാചാലനാവാറുണ്ട് റോഷന്‍ ആന്‍ഡ്രൂസ്. മാതൃദിനത്തില്‍ പങ്കിട്ട കുറിപ്പ് വൈറലായിരുന്നു.

കായംകുളം കൊച്ചുണ്ണി റിലീസാവുന്നതിന് ഒരു മാസം മുന്‍പായിരുന്നു അമ്മയുടെ വിയോഗം. തികച്ചും അപ്രതീക്ഷിതമായിരുന്നു ആ വിയോഗം. ജീവിതത്തിലെ ഏറ്റവും സങ്കടകരമായ കാര്യമാണ് അത്. അപ്പച്ചനും ചേട്ടനും അസുഖബാധിതരായിരുന്നു. അമ്മയ്ക്ക് യാതൊരുവിധ അസുഖങ്ങളും ഉണ്ടായിരുന്നില്ല. അപ്പനമ്മമാരാണ് ഈ ലോകത്തെ ഏറ്റവും വലിയ നിധിയെന്ന് വിശ്വസിക്കുന്ന ആളാണ് ഞാനെന്നും അന്ന് റോഷന്‍ കുറിച്ചിരുന്നു.

@All rights reserved Typical Malayali.