ഇത് ഞങ്ങളുടെ ജയറാമേട്ടനല്ല, ഞങ്ങളുടെ ജയറാമേട്ടന്‍ ഇങ്ങനെയല്ല; വൈറലായി നടന്റെ പുതിയ ഫോട്ടോ, ഇതെന്തുപറ്റി?
ജയറാം തന്റെ ഇന്‍സ്റ്റഗ്രാം പേജില്‍ പങ്കുവച്ച പുതിയ ഫോട്ടോ കണ്ട്, താരത്തിന്റെ തന്നെ ഒരു സിനിമയില്‍ ജഗതി ശ്രീകുമാര്‍ പറയുന്നത് പോലെ ‘ഇത് എന്റെ ഗര്‍ഭമല്ല, എന്റെ ഗര്‍ഭം ഇങ്ങനെയല്ല’ എന്ന ഡയലോഗ് ചെറുതായി ഒന്ന് മോഡിഫൈ ചെയ്ത് പറയുകയാണ് ആരാധകര്‍. ‘ഇത് ഞങ്ങളുടെ ജയറാമേട്ടനല്ല, ഞങ്ങളുടെ ജയറാമേട്ടന്‍ ഇങ്ങനെയല്ല’ എന്ന്
കൈ കെട്ടിയിരുന്ന് ചിരിക്കുന്ന ഒരു ഫോട്ടോ ആണ് ജയറാം പങ്കുവച്ചിരിയ്ക്കുന്നത്. ഫോട്ടോയ്ക്ക് വല്ലാത്തൊരു മാറ്റം ഫീല്‍ ചെയ്യുന്നു എന്ന് ആരാധകര്‍ പറയുന്നു. അതിന്റെ കാരണവും മറ്റു ചില ആരാധകര്‍ കണ്ടെത്തിയിട്ടുണ്ട്. ഇതൊരു മിറര്‍ സെല്‍ഫി ആവാനാണ് സാധ്യത, അതുകൊണ്ടാണ് മുഖത്ത് ഇങ്ങനെ ഒരു മാറ്റം എന്നാണ് കണ്ടെത്തലുകള്‍. എന്ത് തന്നെയായാലും ജയറാമിന്റെ മാറ്റം ആളുകള്‍ക്ക് വലിയൊരു കൗതുകമായിരിക്കുകയാണ്. എന്തുപറ്റി എന്ന് തിരക്കിയെത്തുന്നവരുമുണ്ട്.
തെലുങ്ക് പടത്തിന് വേണ്ടിയാണ് ഈ ഗെറ്റപ് ചെയ്ഞ്ച് എന്ന സംശയം പ്രകടിപ്പിക്കുകയാണ് ചിലര്‍. ഇപ്പോള്‍ മലയാള സിനിമകളെക്കാള്‍ ജയറാം തെലുങ്കിലും തമിഴിലുമൊക്കെയാണ് കൂടുതലും ശ്രദ്ധ കേന്ദ്രീകരിച്ചിയ്ക്കുന്നത്. തമിഴകത്തിന്റെ ജയറാമണ്ണനും, തെലുങ്ക് സിനിമയുടെ ജയറാം ഗാരുവുമായിരിക്കുന്നു ഇപ്പോള്‍ മലയാളികളുടെ പ്രിയപ്പെട്ട ജയറാമേട്ടന്‍. അതാണോ ഈ മാറ്റത്തിന് കാരണം
മിഥുന്‍ മാനുവല്‍ തോമസ് സംവിധാനം ചെയ്ത എബ്രഹാം ഓസ്ലര്‍ എന്ന ചിത്രമാണ് ഏറ്റവുമൊടുവില്‍ ജയറാമിന്റേതായി മലയാളത്തില്‍ പുറത്തിറങ്ങിയത്. ചിത്രം മികച്ച വിജയം നേടിയിരുന്നു. വിജയ് നായകനായ ഗോട്ട് എന്ന ചിത്രമാണ് തമിഴകത്ത് ഏറ്റവുമൊടുവില്‍ റിലീസായത്. തെലുങ്കിലേക്കെത്തിയാല്‍ മഹേഷ് ബാബു നായകനായ ഗൗണ്ടര്‍ കാരം എന്ന സിനിമ റിലീസായി. ഗെയിം ചെയ്ഞ്ചര്‍ എന്ന തെലുങ്ക് സിനിമ റിലീസിന് തയ്യാറെടുക്കുകയാണ്. ഇതിനിടയില്‍ കന്നടയിലും ഹിന്ദിയിലും ഓരോ സിനിമയും ജയറാം ചെയ്തിട്ടുണ്ട്.
ജയറാമിന്റെ ലുക്കിലെ ഈ മാറ്റം വൈറലാവുന്നത് ഇതാദ്യത്തെ സംഭവമല്ല. മകന്‍ കാളിദാസ് ജയറാമിനൊപ്പമുള്ള വര്‍ക്കൗട്ട് ഫോട്ടോകളും, സ്‌റ്റൈലന്‍ ലുക്കിലുള്ള മറ്റ് ഫോട്ടോകളും എല്ലാം ആരാധകര്‍ക്കിടയില്‍ ചര്‍ച്ചയായിരുന്നു.
@All rights reserved Typical Malayali.
Leave a Comment