ചെറിയ മീനല്ല സാബുമോൻ! എന്നോട് എന്തായാലും പറയുമല്ലോ, പക്ഷേ ഞാൻ പറയില്ല; വക്കീൽ വേഷം അണിഞ്ഞുകൊണ്ട് സാബുമോൻ

തരികിട സാബു എന്ന പേരിൽ ആകും കൂടുതൽ മലയാളികൾ സാബുമോൻ എന്ന വ്യക്തിയെ അറിയുന്നത്. അല്ലെങ്കലിൽ ബിഗ് ബോസ് താരം, നടൻ അവതാരകൻ എന്നിങ്ങനെ ഉള്ള വിശേഷണങ്ങളും കൊടുക്കാം താരത്തിന് . റിയാലിറ്റി ഷോ ജഡ്ജായും ഒക്കെ മാധ്യമങ്ങളിൽ നിറഞ്ഞു നിൽക്കുന്ന സാബുമോന്റെ മറ്റൊരു റോൾ ആണ് കഴിഞ്ഞദിവസം പ്രേക്ഷകർ കണ്ടത്.

നടി പ്രയാഗമാർട്ടിൻ ആരോപണ വിധേയ ആയി കഴിഞ്ഞദിവസം പൊലീസിന് മുൻപിൽ ഹാജരായിരുന്നു. ഒപ്പം വന്ന അഡ്വക്കേറ്റിനെ കണ്ടാണ് മാധ്യമങ്ങൾ പോലും തെല്ലൊന്ന് ഞെട്ടിയത്. പ്രയാഗയെ ചോദ്യം ചെയ്യാൻ വിളിപ്പിച്ചത് പോലെ സാബുമോനേയും വിളിപ്പിച്ചതാണോ എന്നുള്ള ചോദ്യങ്ങൾ ആയിരുന്നു മാധ്യമങ്ങൾ പോലും ആദ്യസമയം ചോദിച്ചത് എന്നാൽ. താൻ പ്രയാഗയുടെ ലീഗൽ അഡ്വൈസർ ആയിട്ടാണ് എത്തിയതെന്ന് സാബുമോൻ ഉറച്ച സ്വരത്തിൽ പറയുകയുണ്ടായി.
അന്ന് ഹോട്ടലിൽ സംഭവിച്ചത് എന്താണ് എന്തിനാണ് അവിടെ പോയത് എന്ന് അങ്ങയോട് പറഞ്ഞോ എന്ന് മാധ്യമങ്ങൾ ചോദിക്കുമ്പോൾ അത് എന്തായാലും പറയുമല്ലോ, അത് ഞാൻ പറയില്ല എന്നാണ് താരം പറഞ്ഞത്.

ലീഗൽ പ്രാക്ടീസ് അദ്ദേഹം ചെയ്യുന്നുണ്ട് എന്ന് അപ്പോഴാണ് മിക്കവരും അറിയുന്നത് പോലും. എന്നാൽ അദ്ദേഹത്തിന്റെ വീഡിയോയിൽ വന്ന കമന്റുകൾ പരിശോധിച്ചാൽ മനസിലാകും ആള് നിസ്സാരക്കാരൻ അല്ല എന്ന്. നടൻ എന്നതിലുപരി പല മേഖലയിൽ ഉള്ളവരുമായും വലിയ ബന്ധമാണ് അദ്ദേഹത്തിന് ഉള്ളതെന്ന്. “ചെറിയ മീനല്ല സാബുമോൻ അത് ആരും ശ്രദ്ധിച്ച് കാണില്ല; സുപ്രീം കോടതിവരെയൊക്കെ ബന്ധമുണ്ടാകും സാബുവിന്. അത്രയും ഹോൾഡ് ഒക്കെ ഉണ്ട്. പല ഉന്നത വ്യക്തികളുമായി അടുത്ത ബന്ധമുണ്ട് അദ്ദേഹത്തിന്. ഭാര്യയും അത്രയും അറിയപ്പെടുന്ന ഒരു വക്കീൽ ആണ്” ആരാധകരിൽ ചിലർ കമന്റുകൾ പങ്കിടുന്നു.

ആലപ്പുഴ കായംകുളം സ്വദേശിയാണ് സാബു തിരുവനന്തപുരത്തെ യൂണിവേഴ്സിറ്റി കോളേജിൽ നിന്ന് മലയാളം , ജേർണലിസം, നിയമം എന്നിവയിൽ മൂന്ന് ബിരുദാനന്തര ബിരുദങ്ങൾ നേടിയിട്ടുണ്ട് . സൗദി അറേബ്യയിലെ ലുഫ്താൻസ എയർലൈൻസിൻ്റെ സെയിൽസ് ആൻഡ് ഓപ്പറേഷൻസ് വിഭാഗത്തിലാണ് അദ്ദേഹം ആദ്യം ജോലി ചെയ്തിരുന്നത് . ന്നീട്, അദ്ദേഹം ജോലി ഉപേക്ഷിച്ച് അഭിനയത്തോടുള്ള അഭിനിവേശം പിന്തുടരാൻ തീരുമാനിച്ചു. അങ്ങനെയാണു മലയാളത്തിലും അന്യ ഭാഷയിലും അടക്കം താരം തിളങ്ങുന്നത്. ഒരിക്കൽ നടി മഞ്ജു പിള്ള തന്നെ സാബുമോന്റെ ജോലിയെ കുറിച്ച് പറഞ്ഞിരുന്നു.

“അഡ്വക്കേറ്റാണ്. നല്ല വിവരമുണ്ട്. ഞാന്‍ പറയും കാണാന്‍ ലുക്കില്ലെന്നേയുള്ള ഭയങ്കര വിവരമാണെന്ന്. ഒരുപാട് പുസ്തകം വായിച്ചൊക്കെ നല്ല അറിവാണ് അവന്. എന്തുകാര്യത്തെക്കുറിച്ചു ചോദിച്ചാലും അറിയാം. മാസം അഞ്ചുലക്ഷം രൂപ ശമ്പളം വാങ്ങികൊണ്ടിരുന്നവനാണ്. അതുകളഞ്ഞിട്ട് ഇവിടെ വന്നത്. അതുപോലെതന്നെ വളരെ ഹ്യൂമർ സെന്സുള്ള ആളാണ്”, എന്നായിരുന്നു മഞ്ജു പിള്ള പറഞ്ഞത്.

സ്നേഹ ഭാസ്കർ ആണ് സാബുവിന്റെ ഭാര്യ രണ്ട് പെൺമക്കളുണ്ട്.

@All rights reserved Typical Malayali.