മരിച്ചുപോയ നടി കനകലതയെ പറ്റിപ്പിടിച്ചു നില്‍ക്കുന്ന ആ കുഞ്ഞിപ്പെണ്ണ് ആരാണെന്ന് മനസ്സിലായോ? പഴയ ഓര്‍മകള്‍ പങ്കുവച്ച് നടി
നടി കനകലതയുടെ മരണം അങ്ങേയറ്റം ദയനീയമായിരുന്നു. ഓര്‍മകള്‍ നഷ്ടപ്പെട്ടുപോയ അവസാനകാലത്തെ കുറിച്ച് വന്ന വാര്‍ത്തകള്‍ എല്ലാം പലരെയും വികാരഭരിതരാക്കിയിട്ടുണ്ട്. സിനിമകളില്‍ മാത്രമല്ല, ഒട്ടുനവധി സീരിയലുകലിലും അക്കാലത്ത് കനകലത അഭിനയിച്ചിരുന്നു. അങ്ങനെ ഒരു സീരിയല്‍ ലൊക്കേഷനില്‍ നിന്നെടുത്ത ഫോട്ടോ പങ്കുവച്ചെത്തിയിരിക്കുകയാണ് നടി. മറ്റാരുമല്ല, ഈ ഫോട്ടോയില്‍ കനകലതയെ പറ്റിപ്പിടിച്ചു നില്‍ക്കുന്ന പെണ്‍കുട്ടി!
ആരാണ് ആ പെണ്‍കുട്ടി എന്ന് അത്രയധികം കണ്‍ഫ്യൂഷനൊന്നും ഉണ്ടാക്കുന്നില്ല, ഈ ഇറുക്കിപ്പിടിച്ച ചിരിയിലുണ്ട് ആരാണെന്ന്. മറ്റാരുമല്ല, ശ്രുതി രജിനികാന്ത്. ചക്കപ്പഴം എന്ന മിനിസ്‌ക്രീന്‍ പരമ്പരകളിലൂടെ പ്രേക്ഷക ശ്രദ്ധ നേടിയ ശ്രുതി ഇപ്പോള്‍ സിനിമകളിലും സജീവമാണ്. ഒരു സുഹൃത്ത് അയച്ചു തന്ന ഈ ഫോട്ടോയിലൂടെ പഴയകാലം പലതും ഓര്‍മയില്‍ വന്നു എന്ന് ശ്രുതി പറയുന്നു.
2004 ല്‍ സംപ്രേക്ഷണം ചെയ്തിരുന്ന എട്ടു സുന്ദരികളും ഞാനും എന്ന സീരിയല്‍ ലൊക്കേഷനില്‍ നിന്നും എടുത്ത ഫോട്ടോയാണിത്. ആ ഷൂട്ടിങ് ദിവസങ്ങളിലെ പല ഓര്‍മകളും ഈ ഫോട്ടോ എനിക്ക് നല്‍കി. ഇപ്പോഴും, എന്നന്നേക്കും ആ ഓര്‍മകള്‍ ഞങ്ങളില്‍ നിലനില്‍ക്കുന്നു എന്നത് അതിശകരം തന്നെയാണ്. ഈ സീരിയല്‍ കണ്ടത് നിങ്ങളോര്‍ക്കുന്നുണ്ടോ. പഴയത് പലതും ഞാന്‍ ഇനിയും ഇവിടെ പങ്കുവയ്ക്കട്ടെ, എനിക്കറിയാന്‍ താത്പര്യമുണ്ട് എന്ന് പറഞ്ഞാണ് ശ്രുതി രജിനികാന്ത് ചിത്രം പങ്കുവച്ചിരിയ്ക്കുന്നത്.
ആ കാലത്തെ ഓര്‍മകള്‍ പങ്കുവച്ചുകൊണ്ടുള്ള നൊസ്റ്റാള്‍ജിയ ഫീലിലാണ് ചിലര്‍ കമന്റ് ബോക്‌സില്‍. ഇനിയും ഇതുപോലെ ധാരാളം ഫോട്ടോകളും ഓര്‍മകളും പങ്കുവയ്ക്കൂ എന്ന് വേറെ ചിലര്‍ പറയുന്നു. കനകലതയെ ഓര്‍ക്കുന്ന കമന്റുകളും വരുന്നുണ്ട്.
Lohithadas Movies: ലോഹിയുടെ തൂലികയിൽ പിറന്ന സേതുമാധവന്മാർ
എട്ടു സുന്ദരികളും ഞാനും എന്ന സീരിയലില്‍ ചിന്നുമോള്‍ എന്ന കഥാപാത്രമായിട്ടായിരുന്നു ശ്രുതി രജിനികാന്ത് അഭിനയിച്ചത്. ഉണ്ണിക്കുട്ടന്‍, മാനസപുത്രി, കല്‍ക്കട്ട ഹോസ്പിറ്റല്‍, സ്ത്രീ ഹൃദയം, സുന്ദരി സുന്ദരി തുടങ്ങി നിരവധി പരമ്പരകളില്‍ അക്കാലത്ത് ശ്രുതി രജിനികാന്ത് ബാലതാരമായി അഭിനയിച്ചിട്ടുണ്ട്. അഞ്ച് വര്‍ഷത്തെ ഇടവേളയ്ക്ക് ശേഷം ചക്കപ്പഴം എന്ന ആക്ഷേപഹാസ്യ പരമ്പരയിലൂടെയുള്ള ശ്രുതിയുടെ തിരിച്ചുവരവ്.
റേഡിയോ ജോക്കി കൂടെയായ ശ്രുതി ഇപ്പോള്‍ സിനിമകളിലും സജീവമാണ്. ചിലപ്പോള്‍ പെണ്‍കുട്ടി, കുഞ്ഞെല്‍ദോ, വൈഗ, പദ്മ, നീരജ, ക്വീന്‍ എലിസബത്ത് തുടങ്ങിയ സിനിമകളില്‍ അഭിനയിച്ചിട്ടുണ്ട. നിലവില്‍ ഓജോ കണ്‍മണി എന്ന വെബ്‌സീരീസാണ് ശ്രുതി ചെയ്തുകൊണ്ടിരിയ്ക്കുന്നത്.
@All rights reserved Typical Malayali.
Leave a Comment