നീ എന്റെ ആത്മാവിൽ സ്പർശിച്ചവൾ ..എന്റെ ജീവിതം സന്തോഷം ആക്കിയവൾ …നീ എനിക്ക് സമ്മാനിച്ചത് മനോഹര ഓർമ്മകൾ …ഷഫ്‌നയെ കുറിച്ച് അവന്തിക

അപൂർവ്വ സൗഹൃ ദത്തിന്റെ കഥയുമായി നടി അവന്തിക മോഹൻ. സ്‌ക്രീനിൽ പരസ്പരം യോജിച്ചു പോകാൻ കഴിയാത്തവരായി എത്തുന്ന ആളുകളാണ് അവന്തികയും ഷഫ്‌ന നസീമും. എന്നാൽ റിയൽ ലൈഫിൽ വലിയ സുഹൃത്തുക്കൾ ആണ് തങ്ങൾ എന്ന് പറയുകയാണ് അവന്തിക. സോഷ്യൽ മീഡിയയിൽ പങ്കുവച്ച കുറിപ്പിലൂടെയാണ് അവന്തിക മനസ്സ് തുറന്നത്. തന്റെ പ്രിയ സുഹൃത്തിനു മറുപടി ആയി ഷഫ്‌നയും എത്തി. അവന്തികയുടെ വാക്കുകൾ തന്റെ കണ്ണ് നിറച്ചു എന്നാണ് ഷഫ്‌ന കുറിച്ചത്.

ഞങ്ങൾ ഒരേ നക്ഷത്രക്കാർ ആണ് പക്ഷേ ഞങ്ങൾ സ്വഭാവങ്ങളിൽ വളരെ വ്യത്യസ്തരും. എങ്കിലും നീ എനിക്ക് ആത്മാവിൽ സ്പർശിച്ച എന്റെ സ്വന്തം സുഹൃത്തായവൾ. നീ എന്റെ ആത്മാവിനെ സ്പർശിച്ചവൾ , എൻ്റെ ജീവിതം സന്തോഷകരമാക്കിയവൾ. നീ എനിക്ക് സമ്മാനിച്ചത് നിറഞ്ഞ ചിരിയും മനോഹര ഓർമ്മകളും ആണ്. നീ എന്ന സുഹൃത്ത് ഇല്ലാതെ ഒരു ജീവിതം എനിക്ക് സങ്കൽപ്പിക്കാൻ പോലും കഴിയില്ല, എൻ്റെ പ്രിയപ്പെട്ടവളെ .

നിർഭാഗ്യവശാൽ, നമ്മൾ പലപ്പോഴും കണ്ടുമുട്ടാറില്ല, പക്ഷേ എൻ്റെ ജീവിതത്തിലെ എല്ലാ ഉയർച്ച താഴ്ചകൾ വരുമ്പോഴും ഞാൻ ചിന്തിക്കുന്നത് നിന്നെ കുറിച്ചാണ്. ഈയിടെയായി ഞാൻ നിന്നെ വല്ലാതെ മിസ് ചെയ്യുന്നു, വളരെ വികാരാധീനന ആകുന്നു. ദയവായി പാട്ടി കുട്ടി എൻ്റെ അടുത്തേക്ക് വരൂ, ഞാൻ നിന്നെ വല്ലാതെ മിസ് ചെയ്യുന്നു. എനിക്ക് സന്തോഷം വരുമ്പോളും സങ്കടം വരുമ്പോളും ചാരാൻ ഞാൻ തേടുന്ന തോളുകൾ നിന്റേതാണ്.

ഞാൻ ഈ ലോകത്തിന്റെ പല കോണുകൾ പലവട്ടം കറങ്ങിയിട്ടും നിന്നെ പോലെ ഒരു സുഹൃത്തിനെ കണ്ടെത്താനായില്ല. നിനക്കെന്നെ മറ്റാരേക്കാളും നന്നായി അറിയാം. നീ എനിക്കായി എനിക്കുവേണ്ടി പലപ്പോഴും നിന്നിട്ടുണ്ട്. എല്ലാവർക്കും നിന്നെ പോലെ ഒരു സുഹൃത്ത് ഉണ്ടായിരിക്കണമെന്ന് ഞാൻ ആഗ്രഹിക്കുന്നു. എന്നാൽ അതിനർത്ഥം നിന്നെ ഒരിക്കലും മറ്റുള്ള ആരുമായി പങ്കിടാൻ ഞാൻ ആഗ്രഹിക്കുന്നില്ല സത്യസന്ധമായി പറഞ്ഞാൽ ഞാൻ അത്രയൊന്നും ഉദാരമനസ്‌കയല്ല.

സത്യം പറഞ്ഞാൽ, എനിക്ക് ഇങ്ങനെ രാവും പകലും നിന്നെ കുറിച്ച് സംസാരിച്ചുകൊണ്ടേയിരിക്കാനാകും, ഇനിയും ഒരു ദശലക്ഷം കാര്യങ്ങൾ പറയാനുണ്ട്. എന്റെ പാർട്ണർ ഇൻ ക്രൈം നിനക്ക് ഒരായിരം ആശംസകൾ! നമുക്ക് നമ്മുടെ പ്രിയപ്പെട്ട ഭക്ഷണം കഴിക്കുന്നത് തുടരാം, ഒരു കാര്യവും ഇല്ലാതെ പല കാര്യങ്ങൾ പറഞ്ഞു നമുക്ക് പൊട്ടിച്ചിരിക്കുന്നത് തുടരാം- അവന്തിക കുറിച്ചപ്പോൾ എന്നെ വീണ്ടും കരയിക്കരുത്, എന്റെ കണ്ണു നിറഞ്ഞൊഴുകിപോയി എന്നാണ് ഷഫ്‌ന കുറിച്ചത്.

@All rights reserved Typical Malayali.