ഒറ്റക്ക് വഴിവെട്ടിവന്നവർ …മോൺസ്റ്റർ …നിവിൻ പോളിയെയും ജയസൂര്യയെയും കുറിച്ച് റിമി ടോമി ..

താരങ്ങളെല്ലാമായി അടുത്ത സൗഹൃദമുണ്ട് റിമി ടോമിക്ക്. അവതാരകയായിരുന്ന റിമിയെ സിനിമയിലേക്കെത്തിച്ചത് നാദിര്‍ഷയായിരുന്നു. മീശമാധവനിലെ ചിങ്ങമാസം വന്നുചേര്‍ന്നാല്‍ എന്ന ഗാനത്തിലൂടെയായിരുന്നു റിമിയുടെ തുടക്കം. അഞ്ച് സുന്ദരികളിലൂടെയായിരുന്നു റിമി അഭിനയത്തില്‍ തുടക്കം കുറിച്ചത്. തിങ്കള്‍ മുതല്‍ വെള്ളിവരെ എന്ന ചിത്രത്തില്‍ ജയറാമിന്റെ നായികയായത് റിമിയായിരുന്നു. കാര്യസ്ഥന്‍, ബല്‍റാം വേഴ്‌സ് താരാദാസ്, 916 തുടങ്ങിയ ചിത്രങ്ങളിലും റിമി മുഖം കാണിച്ചിരുന്നു. സിനിമയ്ക്ക് പുറമെ പരസ്യങ്ങളിലും ഗായിക പ്രത്യക്ഷപ്പെടാറുണ്ട്. പ്രതീക്ഷയോടെയാണ് അഭിനയിച്ച് തുടങ്ങിയതെങ്കിലും അതല്ല തന്റെ മേഖലയെന്ന് തിരിച്ചറിഞ്ഞ റിമി പാട്ടില്‍ തന്നെ ശ്രദ്ധ കേന്ദ്രീകരിക്കുകയായിരുന്നു.

വേദി ഇളക്കിമറിക്കാന്‍ പ്രത്യേകമായൊരു കഴിവുണ്ട് റിമിക്ക്. സെലിബ്രിറ്റികളെല്ലാം റിമിയുടെ ഈ കഴിവിനെ അഭിനന്ദിച്ചിട്ടുമുണ്ട്. എവിടെ നിന്നാണ് ഇത്രയധികം എനര്‍ജി വരുന്നതെന്നായിരുന്നു എല്ലാവരും ഒരുപോലെ ചോദിച്ചത്. അതിനുള്ള ക്രെഡിറ്റ് മമ്മിക്കാണ്. ഈ പ്രായത്തിലും മമ്മി ഡാന്‍സ് പഠിക്കുന്നുണ്ട്. വീട്ടിലെ കാര്യങ്ങളും മക്കളെയും കൊച്ചുമക്കളെയുമെല്ലാം നോക്കുന്നതിനിടയില്‍ പാട്ടും ഡാന്‍സുമൊക്കെയായി റാണി ടോമി സജീവമാണ്. റീല്‍സും വ്‌ളോഗുമൊക്കെയായി യൂട്യബിലും സജീവമാണ് റാണി. മമ്മിയുടെ അതേ എനര്‍ജിയാണ് എനിക്കും കിട്ടിയിട്ടുള്ളതെന്നാണ് റിമി പറയാറുള്ളത്.

ഇപ്പോഴിതാ നിവിന്‍ പോളിക്കും ജയസൂര്യയ്ക്കുമൊപ്പമുള്ള ഫോട്ടോയുമായെത്തിയിരിക്കുകയാണ് റിമി. കറുപ്പ് ഷര്‍ട്ടായിരുന്നു നിവിന്റെയും ജയസൂര്യയുടെയും വേഷം. ഒറ്റയ്ക്ക് വഴി വെട്ടി വന്നവര്‍ എന്ന ക്യാപ്ഷനോടെയായിരുന്നു റിമി ഇവരുടെ ചിത്രം പങ്കിട്ടത്. സെലിബ്രിറ്റികളടക്കം നിരവധി പേരാണ് ചിത്രം ലൈക്ക് ചെയ്തിട്ടുള്ളത്. അടുത്തിടെയായി വാര്‍ത്തകളില്‍ നിറഞ്ഞുനിന്നവരാണ് ജയസൂര്യയും നിവിനും. ഹേമ കമ്മിറ്റി റിപ്പോര്‍ട്ട് പുറത്തുവന്നതിന് പിന്നാലെയായിരുന്നു ഇവര്‍ക്കെതിരെയും ഗുരുതര ആരോപണങ്ങളുന്നയിച്ച് ചിലരെത്തിയത്.

ആരേയും ഉപദ്രവിച്ചിട്ടില്ല, ആരോപണം തെറ്റാണെന്നായിരുന്നു നിവിന്‍ പ്രതികരിച്ചത്. ഈ പറയുന്ന ദിവസം എനിക്കൊപ്പമായിരുന്നു എന്ന് വിനീത് ശ്രീനിവാസനും സാക്ഷ്യപ്പെടുത്തിയിരുന്നു. സത്യം തെളിയുന്നത് വരെ പോരാടും, അങ്ങനെയൊരു കാര്യം ചെയ്തിട്ടില്ലാത്തതിനാല്‍ ആത്മവിശ്വാസമുണ്ട്. അന്വേഷണത്തെ നേരിടും എന്നും നിവിന്‍ വ്യക്തമാക്കിയിരുന്നു. ചെയ്യാത്ത കാര്യത്തിന്റെ പേരിലാണ് പഴി കേള്‍ക്കുന്നതെന്നായിരുന്നു ജയസൂര്യ പറഞ്ഞത്. യാഥാര്‍ത്ഥ്യം തെളിയുന്നത് വരെ പോരാടുമെന്നും അദ്ദേഹം പറഞ്ഞിരുന്നു. ആരോപണങ്ങള്‍ ഉയര്‍ന്നപ്പോഴും ആരാധകര്‍ നിവിനെയും ജയസൂര്യയേയും പിന്തുണച്ചിരുന്നു. ഒറ്റയ്ക്ക് വഴിവെട്ടി വന്നവരാണ് ഇവരെന്നായിരുന്നു ആരാധകര്‍ അഭിപ്രായപ്പെട്ടത്. എടുത്ത് പറയാനും മാത്രമൊരു സിനിമാബന്ധം പോലുമില്ലായിരുന്നു ഇവര്‍ക്ക്. സ്വപ്രയത്‌നത്തിലൂടെ മുന്നേറിയവരാണ് ഇവര്‍ എന്നും ആരാധകര്‍ പറഞ്ഞിരുന്നു.

@All rights reserved Typical Malayali.