അമ്മ വരില്ലെന്നും ദൈവത്തിന്റെ അടുത്തേക്ക് പോയെന്നും ഇന്നവൾക്ക് അറിയാം! രഞ്ജുഷ ഇന്നും ഒപ്പമുണ്ടെന്ന് വിശ്വസിക്കുന്ന കുടുംബം; ആ ഓർമ്മക്ക് ഒരാണ്ട്

മകൾ ഇന്നും ഒപ്പമുണ്ടെന്ന് വിശ്വസിച്ചു ജീവിക്കുകയാണ് നടി രഞ്ജുഷ മേനോന്റെ അച്ഛനും അമ്മയും, ഇരുവർക്കും ഒപ്പം രഞ്ജുഷയുടെ ഏക മകൾ സായിയും. ഇക്കഴിഞ്ഞ ഒക്ടോബർ 30 നാണ് രഞ്ജുഷ മേനോനെ വീട്ടിൽ മരിച്ച നിലയിൽ കണ്ടെത്തിയത്. രഞ്ജുഷയുടെ പിറന്നാൾ ദിനം കൂടി ആയിരുന്നു ആ മരണം സംഭവിച്ചത്. അതുകൊണ്ടുതന്നെ പിറന്നാൾ ആശംസകൾക്ക് ഒപ്പം അവളുടെ വേർപാടിന്റെ വേദന ഉണ്ടാക്കിയ വേദന കൂടിയാണ് സുഹൃത്തുക്കളും ബന്ധുക്കളും പങ്കുവയ്ക്കുന്നത്.

” കഴിഞ്ഞ വർഷം ഇതേപോലെ പിറന്നാൾ ദിനത്തിൽ ആശംസകൾ അറിയിച്ച തൊട്ടു പിന്നാലെ ആണ് ഞങ്ങളെ എല്ലാം നടുക്കികൊണ്ട് ആ വാർത്ത വന്നത്.. രഞ്ജുമ്മ നിങ്ങളിവിടൊക്കെ തന്നെ ഉണ്ട് എന്ന് വിശ്വസിക്കാനാ എനിക്കിഷ്ട്ടം.സ്വർഗ്ഗത്തിൽ നിനക്ക് ഇന് പിറന്നാൾ ആണ്, സ്വർഗത്തിലെ നിന്റെ ആദ്യ ജന്മദിനത്തിൽ നിനക്ക് സമാധാനവും സ്നേഹവും നേരുന്നു. എല്ലാ ദിവസവും നിനക്കായി എൻ്റെ ഹൃദയം വേദനിക്കുന്നു നിന്നെ മറക്കാൻ എനിക്ക് ഒരികലും ആകില്ല”, എന്നാണ് അശ്വതി കുറിച്ചത്. സീരിയൽ രംഗത്തെ നിരവധി താരങ്ങൾ ആണ് രഞ്ജുഷയുടെ ഓർമ്മയിൽ വേദന അറിയിച്ചുകൊണ്ട് എത്തിയത്.

കഴിഞ്ഞ ഒക്ടോബർ മുപ്പതിന് രഞ്ജുഷയുടെ പിറന്നാൾദിനത്തിൽ ആണ് താരത്തെ ഫ്ലാറ്റിൽ തൂങ്ങിമരിച്ചനിലയിൽ കണ്ടെത്തിയത്. എറണാകുളം പറവൂർ സ്വദേശി ആയിരുന്നു രഞ്ജുഷാ മേനോൻ. ഏകമകൾ ആണ് രഞ്ജുഷക്ക്. ഇന്നും അമ്മ ഒപ്പം ഉണ്ടെന്നു വിശ്വസിക്കുകയും എന്നാൽ ദൈവത്തിന്റെ അടുത്തേക്ക് പോയെന്നുമാണ് രഞ്ജുഷയുടെ മകളും അച്ഛനും അമ്മയും വിശ്വസിക്കുന്നത്. ഒപ്പം രഞ്ജുഷ ഒരിക്കലും ആത്മഹത്യ ചെയ്യില്ല. അവൾക്ക് അതിനുള്ള കാരണം ഒന്നും ഇല്ലെന്നാണ് കുടുംബം വിശ്വസിക്കുന്നതും.

സൂര്യാ ടി.വി.യിൽ സംപ്രേഷണം ചെയ്തുവരുന്ന ‘ആനന്ദരാഗം’ സീരിയലിൽ പ്രധാന വേഷം ചെയ്തുവന്നിരുന്നു. മുപ്പതോളം സീരിയലുകളിൽ അവർ വേഷമിട്ടു. തലപ്പാവ്, ബോംബെ മാർച്ച് 12, ലിസമ്മയുടെ വീട്, വൺവേ ടിക്കറ്റ്, ക്ലാസ്‌മേറ്റ്സ്, മേരിക്കുണ്ടൊരു കുഞ്ഞാട്, കാര്യസ്ഥൻ, അത്ഭുതദ്വീപ് തുടങ്ങിയ സിനിമകളിലും വേഷമിട്ടിട്ടുണ്ട്. റിട്ട. പോലീസ് സബ് ഇൻസ്പെക്ടർ സി.ജി. രവീന്ദ്രനാഥിന്റെയും ഉഷയുടെയും മകളാണ് രഞ്ജുഷ.

ചാനലിൽ അവതാരകയായിട്ടാണ് രഞ്ജുഷാ മേനോന്റെ തുടക്കം. നിഴലാട്ടം, മകളുടെ അമ്മ, ബാലാമണി തുടങ്ങി നിരവധി സീരിയലുകളിലും അഭിനയിച്ചിട്ടുണ്ട്. പരമ്പരകളുടെ ലൈൻ പ്രൊഡ്യൂസറായും പ്രവർത്തിച്ചിരുന്നു. നല്ലൊരു നർത്തകികൂടിയായ രഞ്ജുഷ, ഇംഗ്ലീഷ് ബിരുദാനന്തര ബിരുദം കഴിഞ്ഞശേഷം ഭരതനാട്യത്തിൽ ബിരുദവും നേടിയിട്ടുണ്ട്.

@All rights reserved Typical Malayali.