വെറുതെ അല്ല ഭാര്യയിലെ താരദമ്പതികള്‍ ഇപ്പോള്‍ ജീവിക്കുന്നത് ഇങ്ങനെ

നീ എന്റെ ജീവനാണ് യാത്രകളെല്ലാം നാം ഒരുമിച്ചായിരുന്നു ഇപ്പോഴും നിന്റെ യാത്ര ഒറ്റക്കല്ല: മനസ്സും ഹൃദയവും നിന്നോടൊപ്പമുണ്ട് ആദ്യ സോളോ ട്രിപ്പ് രഞ്ജിനി പ്രവീൺ.ശരീരികമായും മാനസികമായും ഞാനും തയ്യാറാകണം.. മാനസികമായി ഞാൻ നേരത്തെ തന്നെ തയ്യാറായിരുന്നു.ഓരോ ദിവസവും തടസ്സങ്ങൾ ഒന്നും ഉണ്ടാക്കാതെ ആ ദിവസം എത്താനുള്ള പ്രാർത്ഥനയിൽ ആയിരുന്നു.വെറുതെ അല്ല ഭാര്യ ഫെയിം രഞ്ജിനി പ്രവീൺ പങ്കിട്ട യാത്രാകുറിപ്പ് സോഷ്യൽ മീഡിയയിൽ ശ്രദ്ധേയമാകുന്നു. കുടുംബം ഒപ്പമില്ലാതെ ഒറ്റയ്ക്ക് ഹിമാലയൻ യാത്ര നടത്തിയതിന്റെ സന്തോഷത്തിൽ രഞ്ജിനി പങ്കിട്ട കുറിപ്പാണ് വൈറലായി മാറുന്നത്. ആത്മീയ യാത്രകളാണ് ഞങ്ങൾ കൂടുതൽ തിരഞ്ഞു എടുക്കുന്നതും അസ്വദിക്കുന്നതും.യാത്രകൾ എല്ലാം ഞങ്ങൾ ഒരുമിച്ച് തന്നെ ആണ്. പക്ഷെ പല കാരണങ്ങളാലും ഹിമാലയ യാത്രയുടെ ഭാഗമാകാൻ പ്രവീണേട്ടനു കഴിഞ്ഞില്ല. അങ്ങനെയാണ് ഒറ്റയ്ക്കുള്ള ഹിമാലയൻ യാത്ര തുടങ്ങുന്നത്- രഞ്ജിനി പറയുന്നു. തന്റെ യാത്രാനുഭവങ്ങൾ സോഷ്യൽ മീഡിയയിലൂടെ രഞ്ജിനി വിവിധ കുറിപ്പുകളിലായി പങ്കിടുന്നുണ്ട്. നീ എന്റെ ജീവനാണ്.യാത്രകളെല്ലാം നാം ഒരുമിച്ചായിരുന്നു.ഇപ്പോഴും നിന്റെ യാത്ര ഒറ്റക്കല്ല.ഞങ്ങളുടെ മനസ്സും ഹൃദയവും നിന്നോടൊപ്പമുണ്ട്,ഇപ്പോഴല്ല എല്ലായിപ്പോഴും.നിന്റെ സ്വപ്നങ്ങൾക്കൊപ്പമുള്ള യാത്രയുടെ തുടക്കമാവട്ടെ.എനിക്കൊരിക്കലും നിന്റെ ഹൃദയത്തിൽ നിന്ന് പുറത്തുകടക്കാനാവില്ല.അത്രമേൽ ഞാൻ നീയായിരിക്കുന്നു” സന്തോഷം കൊണ്ടോ സങ്കടം കൊണ്ടോ എന്നറിയില്ല ഇത് വായിച്ചു കഴിഞ്ഞപ്പോൾ എന്റെ കണ്ണ് നിറഞ്ഞിരുന്നു. ഇതിലും മനോഹരമായ ഒരു യാത്ര മംഗളം എനിക്ക് കിട്ടാനില്ല.ഇന്നും ഇതെന്റെ വാട്സാപ്പിൽ ഞാൻ സൂക്ഷിക്കുന്നു.​ആ യാത്രക്കുള്ള തയ്യാറെടുപ്പ്.ഒറ്റക്ക് പോകാൻ പ്രവീണേട്ടൻ പറഞ്ഞതുമുതൽ പിന്നെ ആ സ്വപ്ന യാത്രക്കായുള്ള തയാറെടുപ്പിലായിരുന്നു ഞാൻ. ഒന്നുകൂടി ഞാൻ ഏട്ടനോട് ചോദിച്ചു ഉറപ്പുവരുത്തി. കാരണം മോനു രണ്ടര വയസ്സേ ആയിട്ടുള്ളു. അവന്റെ കാര്യം ആണ് ആദ്യം പരിഗണിക്കേണ്ടത്. എന്റെ അമ്മ കൂടെ ഉണ്ടെങ്കിലും അമ്മക്ക് ജോലി ഉണ്ട്. അല്ലെങ്കിലും അമ്മയെകൊണ്ട് വീട്ടിലെ കാര്യവും മോനെ നോക്കലും ഒരുമിച്ച് നടക്കില്ല. അവനിൽ കൂടുതൽ ശ്രദ്ധ കൊടുത്തേപറ്റു. അവൻ കുറച്ച് ഹൈപ്പർ ആക്റ്റീവ് ആണ്.-രഞ്ജിനി കുറിയ്ക്കുന്നു.

​മകനെ കുറിച്ചുള്ള ആകുലത.മോൾ അവളുടെ കാര്യങ്ങൾ നോക്കിക്കോളും.അതുകൊണ്ട് തന്നെ ആദ്യം ഞാൻ പ്രവീണേട്ടന്റെ അമ്മയെ വിളിച്ചു ഒരാഴ്ച മോനെ നോക്കാൻ വന്നു നിൽക്കുമോ എന്നു ചോദിച്ചു. അവിടെ അനിയന്റെ മോൾ കൂടെ ഉള്ളതുകൊണ്ട് സംശയിച്ചാണ് ചോദിച്ചത്. എന്നാലും അമ്മ വരാം എന്നു സമ്മതിച്ചു. അമ്മയുടെ ഉറപ്പ് കിട്ടിയശേഷം ആണ് ഞാൻ ഫ്ലൈറ്റ് ടിക്കറ്റ് ബുക്ക്‌ ചെയ്തത്. ഓഗസ്റ് 5 നു ഞാൻ ടിക്കറ്റ് ബുക്ക്‌ ചെയ്തു. ഡെറാഡൂനിലേക്കാണ് ടിക്കറ്റ് ബുക്ക്‌ ചെയ്തത്. കൊച്ചിയിൽ നിന്നാണ് ടിക്കറ്റ് ബുക്ക്‌ ചെയ്തത്. ഇങ്ങു തിരുവനന്തപുരം കിടക്കുന്ന ഞാൻ കൊച്ചിയിൽ നിന്ന് ടിക്കറ്റ് എടുക്കാനുള്ള കാരണം എന്താണ് എന്നല്ലേ?
ഫസ്റ്റ് ഫ്ലൈറ്റ് യാത്ര.എന്റെ ഫസ്റ്റ് ഫ്ലൈറ്റ് യാത്ര ആണ്. അതുകൊണ്ട് തന്നെ കൂടുതൽ കാര്യങ്ങൾ ഒന്നും തന്നെ എനിക്കറിയില്ല. കൊച്ചിയിൽ ആകുമ്പോൾ ഗ്രൂപ്പിൽ ഉള്ളവർ ഉണ്ടല്ലോ എന്നാ ആശ്വാസം ഉണ്ട്.റിട്ടേൺ തിരുവന്തപുരം തന്നെ എടുത്തു. എനിക്ക് ഫ്ലൈറ്റ് റിട്ടേൺ ഉൾപ്പെടെ വളരെ കുറഞ്ഞ തുകയേ ആയുള്ളൂ. 10900. അത് തന്നെ എനിക്ക് പകുതി ആശ്വാസമായി. സെപ്റ്റംബർ 9 നു ആണ് യാത്ര. പിന്നെ യാത്രക്കായുള്ളള്ള കാത്തിരിപ്പും പ്രാർത്ഥനയും ആയിരുന്നു. കാരണം മറ്റുയാത്രകൾ പോലെ എളുപ്പമല്ലല്ലോ ഹിമാലയൻ യാത്ര. നമ്മുടെ ചുറ്റുമുള്ള ഒരുപാട് കാര്യങ്ങൾ അനുകൂലമായാൽ മാത്രമേ ഇതുപോലൊരു യാത്ര സാധ്യമാവുകയുള്ളു .
കൂടെ ഒരാളെ കിട്ടിയ സന്തോഷം.അതുകൊണ്ടുതന്നെ യാത്രയെ കുറിച് ഞാൻ അധികം ആരോടും പറഞ്ഞിരുന്നില്ല.ഓഗസ്റ്റ് 10 ആയപ്പോൾ മോനെ പ്ലൈ സ്കൂളിൽ വിടാൻ ചെന്നപ്പോൾ അവിടുത്തെ ഓണം പരിപാടിയെ കുറിച് ടീച്ചർ അർച്ചന പറഞ്ഞപോൾ ആണ് ഞാൻ ആദ്യമായി യാത്രയെ കുറിച് പുറത്ത് ഒരാളോട് പറഞ്ഞത്.ഓണം കഴിഞ്ഞുള്ള ഡേറ്റുകളിൽ ഞാൻ കാണില്ല എന്നു പറഞ്ഞപ്പോൾ എവിടെ പോകുന്നു എന്നു ചോദിച്ചു. വരുന്നുണ്ടോ എന്നു ചോദിച്ചപ്പോൾ ടീച്ചർ താല്പര്യം പറഞ്ഞു. ഓക്കേ പറഞ്ഞപ്പോൾ ഡബിൾ ഓക്കേ.പിന്നെ താമസിച്ചില്ല അപ്പൊ തന്നെ അർച്ചനക്കുള്ള ടിക്കറ്റും ഞാൻ തന്നെ ബുക്ക്‌ ചെയ്തുകൊടുത്തു.അങ്ങനെ എനിക്ക് ആശ്വാസമായി അടുത്ത അറിയാവുന്ന ഒരാൾ കൂടെ ഉണ്ടല്ലോ. പിന്നെ ദിവസങ്ങൾ എണ്ണിയുള്ള കാത്തിരിപ്പിലായിരുന്നു ഞങ്ങൾ.കൊണ്ടുപോകേണ്ട അവശ്യ സാധനങ്ങൾ എല്ലാം വാങ്ങി കർപ്പൂരം ഉൾപ്പെടെ. ശ്വാസം എടുക്കാൻ ബുദ്ധിമുട്ടുമ്പോൾ കർപ്പൂരം വളരെ സഹായകമാകും. പാക്കിങ് എല്ലാം കഴിഞ്ഞു.തിരുവോണത്തിന്റെ പിറ്റേ ദിവസം ആണ് യാത്ര പുറപ്പെടേണ്ടത്.എന്നും രഞ്ജിനി കുറിയ്ക്കുന്നു.

@All rights reserved Typical Malayali.