സുബിയുടെ അവസാനത്തെ ആഗ്രഹം തുറന്നുപറഞ്ഞ് അനുജൻ ലൈവിൽ

ആശുപത്രിയിലായിരുന്നപ്പോഴും ചോദിച്ചിരുന്നു! സുബി സുരേഷിന്റെ നടക്കാതെ പോയ ആഗ്രഹത്തെക്കുറിച്ച് എബി സുരേഷ്.സുബി സുരേഷിന്റെ അപ്രതീക്ഷിത വിയോഗത്തില്‍ എല്ലാവരും ഒരുപോലെ സങ്കടപ്പെട്ടിരുന്നു. കരള്‍ രോഗത്തെ തുടര്‍ന്ന് ചികിത്സയില്‍ കഴിയുകയായിരുന്നു താരം. ഹൃദയാഘാതത്തെ തുടര്‍ന്നായിരുന്നു അന്ത്യം. സുബിക്ക് അസുഖമുണ്ടായിരുന്നതായി അറിയില്ലെന്നായിരുന്നു പ്രിയപ്പെട്ടവരെല്ലാം പറഞ്ഞത്. മരണവാര്‍ത്ത വന്നപ്പോഴാണ് അതേക്കുറിച്ച് അറിഞ്ഞതെന്നും വല്ലാത്ത ഷോക്കായെന്നും എല്ലാവരും പറഞ്ഞിരുന്നു.ചിരിച്ച മുഖത്തോടെ വന്ന് പ്രേക്ഷകരെ കുടുകുടാ ചിരിപ്പിച്ച താരമായിരുന്നു സുബി സുരേഷ്. സ്റ്റേജിലും ചാനല്‍ പരിപാടികളിലുമൊക്കെയായി സജീവമായിരുന്നു അവര്‍. ആരോഗ്യപ്രശ്‌നങ്ങള്‍ അലട്ടിയപ്പോഴും ഏറ്റെടുത്ത ഷോ ചെയ്യുന്നതിലായിരുന്നു സുബിയുടെ ശ്രദ്ധ. അടുത്ത സുഹൃത്തായ രാഹുലുമായുള്ള വിവാഹത്തിനുള്ള തയ്യാറെടുപ്പുകളും നടക്കുന്നുണ്ടായിരുന്നു. അതിനിടയിലായിരുന്നു അപ്രതീക്ഷിത വിയോഗം. ഇത് വിശ്വസിക്കാനേ പറ്റുന്നില്ലെന്നായിരുന്നു എല്ലാവരും പറഞ്ഞത്. അടുത്ത സുഹൃത്തുക്കള്‍ക്ക് മാത്രമേ സുബിയുടെ ആരോഗ്യപ്രശ്‌നങ്ങളെക്കുറിച്ച് അറിയുമായിരുന്നുള്ളൂ. കരള്‍ മാറ്റിവെക്കല്‍ ശസ്ത്രക്രിയയ്ക്കുള്ള തയ്യാറെടുപ്പുകള്‍ നടത്തുന്നതിനിടയിലായിരുന്നു വിയോഗം. ചേച്ചിയുടെ ആഗ്രഹത്തെക്കുറിച്ച് പറഞ്ഞുള്ള എബി സുരേഷിന്റെ വീഡിയോ വൈറലായിക്കൊണ്ടിരിക്കുകയാണ്. സുബിയുടെ ഫേസ്ബുക്കിലും യൂട്യൂബിലുമായാണ് പുതിയ വീഡിയോ പോസ്റ്റ് ചെയ്തത്.സുബി സുരേഷിന്റെ ബ്രദറാണ് ഞാന്‍ എന്ന് പറഞ്ഞായിരുന്നു എബി സുരേഷ് സംസാരിച്ച് തുടങ്ങിയത്. എല്ലാവരോടും നന്ദി പറയാന്‍ വേണ്ടിയാണ് ഈ വീഡിയോ. എന്റെ ചേച്ചിയെ നിങ്ങളുടെ കുടുംബത്തിലെ ഒരംഗത്തെപ്പോലെ കണ്ടതിനും അവര്‍ക്ക് വേണ്ടി പ്രാര്‍ത്ഥിച്ചതിനും നന്ദി. ചേച്ചിയെ ചികിത്സിച്ച ഡോക്ടര്‍മാരോടും നഴ്‌സുമാരോടെല്ലാം നന്ദി പറയുന്നു. കരള്‍ മാറ്റിവെക്കല്‍ ശസ്ത്രക്രിയയ്ക്ക് വേണ്ടി കഷ്ടപ്പെട്ടപ്പോള്‍ അതിന്റെ പേപ്പര്‍വര്‍ക്കിനായി സഹായിച്ച ഗവണ്‍മെന്റ് ഒഫീഷ്യല്‍സിനും സുരേഷ് ഗോപി, ഹൈബി ഈഡന്‍, എല്‍ദോസ് കുന്നമ്പിള്ളി, ടിനി ടോം, ധര്‍മ്മജന്‍, രമേഷ് പിഷാരടി, എല്ലാത്തിനും ഓടി നടന്ന രാഹുലേട്ടനോടുമെല്ലാം ഈ വീഡിയോയിലൂടെ നന്ദി പറയുകയാണ്. എല്ലാവരും നന്നായി കഷ്ടപ്പെട്ടിരുന്നു.വളരെയധികം ആഗ്രഹിച്ച് ചേച്ചി തുടങ്ങിയതാണ് ഈ ഫേസ്ബുക്ക് പേജും യൂട്യൂബ് ചാനലും. ആശുപത്രിയില്‍ കിടന്നപ്പോഴും എന്നോട് പറയുമായിരുന്നു. ഞാന്‍ കുറച്ച് വീഡിയോകള്‍ എടുത്ത് വെച്ചിട്ടുണ്ട്. അത് വളരെ വേഗം തന്നെ ഇടണമെന്ന്. ഞാന്‍ ആശുപത്രിയില്‍ നിന്നും വരും മുന്‍പ് അതിടണം എന്ന് എന്നോട് പറഞ്ഞ് പോയ ആളാണ്. അവിടെ നില്‍ക്കുമ്പോളും നീ വീഡിയോ പോസ്റ്റ് ചെയ്‌തോ, ഞാന്‍ കുറച്ച് വ്‌ളോഗ് എടുത്തുവെച്ചിട്ടുണ്ട് എന്ന് ചോദിക്കുമായിരുന്നു. അവിടെ കിടക്കുകയായിരുന്നുവെങ്കിലും ആളുടെ മനസ് ഇവിടെയായിരുന്നു.

ഈ യൂട്യൂബ് ചാനലും ഫേസ്ബുക്ക് പേജും ഞങ്ങള്‍ കളയുന്നില്ല. എന്തെങ്കിലും നല്ല കാര്യങ്ങള്‍ക്കായി അത് ഉപയോഗിക്കാനായാണ് ഞങ്ങള്‍ തീരുമാനിച്ചിട്ടുള്ളത്. അതുപോലെ ചേച്ചി എടുത്തുവെച്ച വീഡിയോകളും പോസ്റ്റ് ചെയ്യുന്നുണ്ട്. അത് ഇട്ടില്ലേ എന്ന് ചോദിച്ച് എന്നെ എപ്പോഴും വഴക്ക് പറഞ്ഞോണ്ടിരുന്നതാണ്. ആശുപത്രിയിലെ തിരക്കിനെക്കുറിച്ചും ഓട്ടത്തെക്കുറിച്ചുമൊന്നും ആളോട് പറയാനാവില്ലല്ലോ. ഓരോ കാര്യങ്ങള്‍ക്കുമായുള്ള ഓട്ടത്തിലായിരുന്നു. വീഡിയോ പോസ്റ്റ് ചെയ്യാനുള്ള മാനസികാവസ്ഥ ഉണ്ടായിരുന്നില്ല. ചേച്ചി പറഞ്ഞ വീഡിയോസൊക്കെ ഞങ്ങള്‍ പോസ്റ്റ് ചെയ്യാന്‍ പോവുകയാണ്. ചേച്ചിയുടെ അവസാനത്തെ വീഡിയോയാണ് എല്ലാം.എന്തെങ്കിലും നല്ല കാര്യങ്ങള്‍ക്കായി ഉപയോഗിക്കാനായി തീരുമാനിച്ചിരിക്കുകയാണ് യൂട്യൂബ് ചാനലും ഫേസ്ബുക്ക് പേജും. എല്ലാവരുടെയും സപ്പോര്‍ട്ടും പ്രാര്‍ത്ഥനയുമൊക്കെ വേണം. കൂടെ നിന്നതിനും പ്രാര്‍ത്ഥിച്ചതിനും നന്ദി എന്നായിരുന്നു സഹോദരന്‍ പറഞ്ഞത്. നിരവധി പേരായിരുന്നു വീഡിയോയ്ക്ക് താഴെയായി കമന്റുകളുമായെത്തിയത്. ചേച്ചി പോയിട്ടില്ല എന്ന് ഓരോ വീഡിയോ കാണുമ്പോഴും മനസ് പറയും. ചേച്ചിയെ ആരും ഒരിക്കലും മറക്കില്ല. ഇത് നല്ല തീരുമാനം തന്നെയാണെന്നുമായിരുന്നു കമന്റുകൾ
തീർച്ചയായും ചേച്ചിയുടെ ആഗ്രഹം സാധിച്ചു കൊടുക്കണം. സുബി മരിക്കാതെ നമ്മുടെയൊക്കെ ഓരോരുത്തരുടെയും മനസ്സിലുണ്ട്. ഞങ്ങൾ ഓരോരുത്തരും കട്ടക്ക് സപ്പോർട്ട് ആയി കൂടെ ഉണ്ടാകും. നോട്ടിഫിക്കേഷൻ കണ്ടപ്പോ ഒരു നിമിഷം ആഗ്രഹിച്ചുപോയി നടന്നതെല്ലാം ഒരു ദുസ്വപ്നം ആയിരുന്നെങ്കിലെന്ന്. സുബിചേച്ചി പുതിയ വീഡിയോ ആയി വന്നതാവാണെന്ന്. സുബി ദൂരെ എവിടെയോ ഷൂട്ടിം​ഗിന് പോയിരിക്കുന്നു എന്ന വിശ്വാസത്തിൽ മുന്നോട്ട് പോകുക. ഈ ചാനൽ നല്ല രീതിയിൽ സുബി ആഗ്രഹിച്ചപോലെ കൊണ്ടുപോകണം. വളരെ നല്ല തീരുമാനം, അതാണ് ഞങ്ങളുടെ ആഗ്രഹവും. സുബി നമ്മളെ വിട്ട് പോയിട്ടില്ല എന്ന ഒരു തോന്നലും ഉണ്ടാകും. ഈ യൂട്യൂബ് ചാനൽ കളയരുത് ബ്രോ. നിങ്ങളുടെ വീട്ടുവിശേഷങ്ങളുമായി വീണ്ടും വരണം. സുബി ചേച്ചി ജീവിക്കട്ടെ ഇതിലൂടെ.. ഞങ്ങൾ കാത്തിരിക്കുന്നു.മോനെ വിഷമിക്കണ്ട എന്ന് പറയാൻ പറ്റില്ല എന്നാലും സഹിച്ചേ പറ്റൂ. എനിക്ക് എപ്പോഴും പറ്റുന്നില്ല നോമ്പായിട്ട് ഞാൻ സുബിയുടെ വീഡിയോ മാത്രം കാണുന്നു. എല്ലാ ദിവസവും കുർബാനയിൽ സുബിക്ക് വേണ്ടി പ്രാർത്ഥിക്കുന്നു. അമ്മയ്ക്ക് സമാധാനം കിട്ടാൻ പ്രാർത്ഥിക്കുന്നു. പിന്നെ സുബിടെ പ്രിയപ്പെട്ട ചക്കു അനിയൻ കുട്ടനും. മുന്നോട്ട് തന്നെ പോകുക സുബി എന്നും നിങ്ങളുടെ കൂടെ തന്നെ ഉണ്ട്. സന്തോഷം ഈ ചാനൽ നിർത്തരുത്. സുബിയുടെ ഓർമ്മക്ക് വേണ്ടി അനുജൻ എന്ന നിലയിൽ താങ്കൾക്ക് ചെയ്യാൻ പറ്റുന്ന ഏറ്റവും നല്ല കാര്യമെന്നുമായിരുന്നു കമന്റുകൾ.

@All rights reserved Typical Malayali.