ടോപ് സിംഗറിലെ മിടുക്കി ശ്രിഥക്കുട്ടി വെല്ലുവിളികളെ അതിജീവിച്ചവൾ

ജനിച്ചത് പെണ്‍കുട്ടിയാണെന്നറിഞ്ഞതോടെ അച്ഛൻ ഉപേക്ഷിച്ചു സംസാരശേഷി ഉണ്ടാവുമോയെന്ന് ഉറപ്പില്ല വെല്ലുവിളികളെ അതിജീവിച്ച ശ്രിഥക്കുട്ടി ടോപ് സിംഗർ വീഡിയോ വൈറൽ.എല്ലാ കുട്ടികള്‍ക്കുമുള്ള ഭാഗ്യമൊന്നും എന്റെ മോള്‍ക്ക് ലഭിച്ചിട്ടില്ല. അച്ഛനായിട്ടും അമ്മയായിട്ടും അവള്‍ക്ക് ഞാന്‍ മാത്രമേയുള്ളൂ. എനിക്കെന്ത് വിഷമം വന്നാലും അത് കാണാനുള്ള ശക്തിയില്ല. അവള്‍ക്ക് എന്തെങ്കിലും വിഷമം വന്നാല്‍ അത് അടക്കിപ്പിടിച്ച് ഞങ്ങള്‍ വിഷമിക്കരുത് എന്ന രീതിയിലാണ് അവളുടെ പെരുമാറ്റം. എന്റെ അച്ഛനും അമ്മയുമാണ് ഞങ്ങള്‍ക്ക് സപ്പോര്‍ട്ടായി നില്‍ക്കുന്നത്.ടെലിവിഷന്‍ പ്രേക്ഷകര്‍ക്ക് ഏറെ പ്രിയപ്പെട്ട പരിപാടികളിലൊന്നാണ് ടോപ് സിംഗര്‍. കുരുന്ന് ഗായകരെ അണിനിരത്തിയുള്ള റിയാലിറ്റി ഷോ വിജയകരമായി മുന്നേറുകയാണ്. എംജി ശ്രീകുമാറും ബിന്നി കൃഷ്ണകുമാറും അനുരാഥ ശ്രീറാമും ശരതുമാണ് ഇത്തവണ വിധികര്‍ത്താക്കളായി എത്തിയിട്ടുള്ളത്. പതിവില്‍ നിന്നും വ്യത്യസ്തമായ തരത്തിലാണ് ഇവര്‍ അഭിപ്രായങ്ങള്‍ പറയുന്നത്. കുട്ടികളെ പോത്സാഹിപ്പിക്കുന്ന കാര്യത്തില്‍ ഏറെ മുന്നിലാണ് ഇവര്‍. ഒരുപാട് സന്തോഷത്തോടെയായാണ് കുട്ടികളുടെ പരിപാടിയിലേക്കെത്തുന്നതെന്ന് എംജി പറഞ്ഞിരുന്നു. പാട്ടിനൊപ്പമായി കുഞ്ഞുങ്ങള്‍ തങ്ങളുടെ ഇഷ്ടങ്ങളെക്കുറിച്ചും പ്രിയപ്പെട്ടവരെക്കുറിച്ചുമെല്ലാം വാചാലരാവാറുണ്ട്. മീനാക്ഷിയാണ് പരിപാടിയുടെ അവതാരക. വേറിട്ട ആലാപനത്തിലൂടെയായി പ്രേക്ഷക ഹൃദയത്തില്‍ ഇടം നേടിയ കുഞ്ഞുഗായികയാണ് ശ്രിഥ. പെണ്‍കുഞ്ഞാണെന്നറിഞ്ഞപ്പോള്‍ ഭര്‍ത്താവ് ഉപേക്ഷിച്ച് പോയതിനെക്കുറിച്ച് ശ്രിഥയുടെ അമ്മ തുറന്നുപറഞ്ഞിരുന്നു. ബന്ധുക്കളുടെ കനിവിലാണ് ഇപ്പോള്‍ ജീവിക്കുന്നതെന്നും അവര്‍ പറഞ്ഞിരുന്നു.
ചുരുങ്ങിയ കാലം കൊണ്ട് തന്നെ പ്രേക്ഷകര്‍ക്ക് പ്രിയങ്കരിയായി മാറുകയായിരുന്നു ശ്രിഥ. ഞാന്‍ വലുതായി എന്റെ മാര്‍ക്ക് ഞാന്‍ തന്നെ പറയുമെന്നായിരുന്നു ശ്രിഥ പറഞ്ഞത്. മോളാണ് എന്റെ ഏറ്റവും വലിയ നിധി എന്നായിരുന്നു ശ്രിഥയെക്കുറിച്ച് അമ്മ പറഞ്ഞത്. മോള്‍ സംസാരിച്ച് തുടങ്ങുന്ന സമയം മുതല്‍ക്ക് തന്നെ പാട്ടിനോട് ഒരു താല്‍പര്യം കാണിച്ചിരുന്നു. ജനിച്ച സമയത്ത് മോള്‍ക്ക് തീരെ തൂക്കമില്ലായിരുന്നു. മൂന്ന് മാസത്തിന് ശേഷമായാണ് അവള്‍ കരയാനൊക്കെ തുടങ്ങിയത്. ഭാവിയില്‍ സംസാരിക്കുമോ എന്നതില്‍ ഉറപ്പില്ല, നമുക്ക് നോക്കാമെന്നായിരുന്നു അവര്‍ പറഞ്ഞത്.അച്ഛനെക്കുറിച്ച്.ഡെലിവറി കഴിഞ്ഞ ഉടന്‍ തന്നെ മോളെ ഐസിയുവില്‍ ആക്കിയിരുന്നു. തുണി നനച്ച് തൊടക്കുന്നത് പോലും മൂന്ന് മാസത്തിന് ശേഷമാണ്. ഒത്തിരി വിഷമതകള്‍ അനുഭവിച്ചാണ് ഇവിടെ വരെ എത്തിയത്. എനിക്ക് മോളും മോള്‍ക്ക് ഞാനും മാത്രമേയുള്ളൂ. ജനിച്ചത് പെണ്‍കുട്ടിയായത് കാരണം അച്ഛന്‍ താല്‍പര്യമില്ലെന്ന് പറഞ്ഞ് പോയതാണ്. മൂന്ന് വയസ് വരെ ഒരു കോണ്ടാക്റ്റും ഉണ്ടായിരുന്നില്ല. മോളെ ഒന്നെടുക്കാനോ ഞങ്ങളുടെ കാര്യങ്ങള്‍ അറിയാനോ ഒന്നും അദ്ദേഹം ശ്രമിച്ചിട്ടില്ല.മോളെക്കുറിച്ച്.എല്ലാ കുട്ടികള്‍ക്കുമുള്ള ഭാഗ്യമൊന്നും എന്റെ മോള്‍ക്ക് ലഭിച്ചിട്ടില്ല. അച്ഛനായിട്ടും അമ്മയായിട്ടും അവള്‍ക്ക് ഞാന്‍ മാത്രമേയുള്ളൂ. എനിക്കെന്ത് വിഷമം വന്നാലും അത് കാണാനുള്ള ശക്തിയില്ല.

അവള്‍ക്ക് എന്തെങ്കിലും വിഷമം വന്നാല്‍ അത് അടക്കിപ്പിടിച്ച് ഞങ്ങള്‍ വിഷമിക്കരുത് എന്ന രീതിയിലാണ് അവളുടെ പെരുമാറ്റം. എന്റെ അച്ഛനും അമ്മയുമാണ് ഞങ്ങള്‍ക്ക് സപ്പോര്‍ട്ടായി നില്‍ക്കുന്നത്. ഞങ്ങള്‍ക്ക് വേണ്ടി കഷ്ടപ്പെടാനും ഇറങ്ങാനുമെല്ലാം മുന്നിലുള്ളത് കുടുംബമാണ്. പെരിന്തല്‍മണ്ണയിലെ ഒരു സ്‌കൂളിലാണ് ഞാന്‍ ജോലി ചെയ്യുന്നത്. താല്‍ക്കാലിക വേക്കന്‍സിയില്‍ കിട്ടിയതാണ്. ഈ വേദിയിലെത്താനായി മോള്‍ ഒരുപാട് കഷ്ടപ്പെട്ടിട്ടുണ്ടെന്നുമായിരുന്നു ശ്രിഥയുടെ അമ്മ പറഞ്ഞത്.ഞെട്ടിപ്പിക്കുന്നത്.പെണ്‍കുട്ടി ജനിക്കരുത് എന്നൊക്കെ കരുതുന്ന കാലമുണ്ടായിരുന്നു പണ്ട്. ആ അമ്മയ്ക്ക് ഇന്നത്തെ കാലത്തും ഇങ്ങനെയൊരു അനുഭവമുണ്ടായല്ലോ, അത് കണ്ടപ്പോള്‍ സങ്കടം തോന്നി. ഇപ്പോള്‍ തുല്യതയുള്ളത് കൊണ്ട് ആണ്‍-പെണ്‍ വ്യത്യാസമില്ലല്ലോ. പെണ്‍കുട്ടിയായത് കൊണ്ടെന്താണ്, ആ കുട്ടി ഇവിടെ വരുന്നുണ്ട്, നന്നായി പാടുന്നുമുണ്ട. ഇപ്പോള്‍ ലോകം അറിയപ്പെടുന്ന ഗായികയായി എന്നായിരുന്നു എംജി ശ്രീകുമാര്‍ പറഞ്ഞത്. അവളെന്ത് മിടുക്കിക്കുട്ടിയാണെന്നായിരുന്നു ശരത് പറഞ്ഞത്. എല്ലാമേഖലയിലും പെണ്‍കുട്ടികള്‍ മുന്നേറുന്ന കാലമാണിത്. അവര്‍ക്ക് പറ്റിയ നഷ്ടമാണിത് എന്നാണ് എനിക്ക് പറയാനുള്ളതെന്നായിരുന്നു അനുരാഥ പറഞ്ഞത്.അയാൾ ദു:ഖിക്കും.അങ്ങനെ അയാൾ ഇട്ടിട്ട് പോയിട്ടുണ്ടങ്കിൽ അതിന് ഉള്ളത് അയാൾ അനുഭവിച്ചിട്ട് തിരിച്ചു വരും അന്നേരം ഈ മോളെ ഓർത്ത് അയാൾക്ക് ദുഖിക്കും ഇതുപോലെ ഒരു കുഞ്ഞിനെ കളഞ്ഞിട്ട് പോയതിന്. ആഗ്രഹിക്കുന്നവർക്ക് കിട്ടില്ല. പെൺകുട്ടിയെ വളർത്താൻ ഭാഗ്യം ഉള്ളവർക്കേ കിട്ടൂ. വീഡിയോ കണ്ടപ്പോൾ സഹിക്കാൻ പറ്റിയില്ല മോളെ ഒരായിരം ഉമ്മ. പാവം കുഞ്ഞ്, കുഞ്ഞ് മക്കളോട് ഇങ്ങനെയൊക്കെ കാണിക്കാൻ എങ്ങനെ സാധിക്കുന്നു. അയാളുടെ അമ്മ പെണ്ണല്ലേ, എന്നിട്ട് അമ്മയെ ഉപേക്ഷിച്ചോ? പറഞ്ഞ് മനസിലാക്കാൻ വീട്ടുകാരും ഇല്ലേ, സ്വന്തം കുഞ്ഞിനോട് ഇങ്ങനെയൊക്കെ ചെയ്തതിന് ഉറപ്പായിട്ടും ദൈവം നല്ല ശിക്ഷ തന്നെ കൊടുക്കും. അന്ന് മോളേയും അമ്മയേയും കാണാൻ അയാൾ വരും തുടങ്ങി നിരവധി കമന്റുകളുമായിരുന്നു വീഡിയോയ്ക്ക് താഴെയുണ്ടായിരുന്നു.

@All rights reserved Typical Malayali.