9-ാം ക്ലാസ്സില്‍ മണിക്കുട്ടന്റെ നായിക.. സ്ലീവ് ലെസ്സ് ഇടാനും സംസാരിക്കാനും വരെ ഭയം.. നാട്ടിന്‍പുറത്തുകാരി ഇന്ന് ഇങ്ങനെയായത് എങ്ങനെ ?!
ഇന്ന് മലയാള സിനിമയിലെ മുന്‍നിര നായികമാരില്‍ ഒരാളാണ് ഹണി റോസ്. മമ്മൂട്ടി, മോഹന്‍ലാല്‍, ദിലീപ്, ജയറാം, ജയസൂര്യ തുടങ്ങി മുന്‍നിര താരങ്ങള്‍ക്ക് ഒപ്പമെല്ലാം അഭിനയിച്ചു. എന്നാല്‍ സിനിമയിലേക്കുള്ള ഹണി റോസിന്റെ എന്‍ട്രി അത്ര എളുപ്പമല്ലായിരുന്നുവത്രെ. അച്ഛനെ കൊണ്ട് സമ്മതിപ്പിക്കാനായി ഒരുപാട് പ്രയാസപ്പെട്ടിരുന്നു. ഹണി റോസിനെ കുറിച്ച് താരത്തിന്റെ അച്ഛനും അമ്മയും സംസാരിക്കുന്ന വീഡിയോ ആണ് ഇപ്പോള്‍ വൈറലാവുന്നത്. ബിഹൈന്റ് വുഡിന് നല്‍കിയ അഭിമുഖത്തില്‍ സംസാരിക്കുകയായിരുന്നു ഹണി റോസും അച്ഛനും അമ്മയും.ഹണി റോസും അച്ഛനും ആണ് ഏറ്റവും വലിയ കൂട്ട്. അമ്മയുമായി എപ്പോഴും വഴക്കാണത്രെ. ഹണി റോസ് എന്ത് പറഞ്ഞാലും മുഴുവന്‍ സപ്പോര്‍ട്ടുമായി അച്ഛന് കൂടെ തന്നെയുണ്ടാവും. മകള്‍ ഒന്ന് സങ്കടപ്പെട്ടാല്‍ അതിലും വലിയ സങ്കടമാണ് തനിക്ക് എന്നാണ് അച്ഛന് പറയുന്നത്. അതുകൊണ്ടാണ് അഭിനയിക്കുന്നതിന് എതിര്‍ത്തത് എന്നും അച്ഛന് പറഞ്ഞു.ഹണി റോസിന് തുടക്കത്തില്‍ ഒരു സിനിമയില്‍ അവസരം കിട്ടി. മോള്‍ അതില്‍ വലിയ സന്തോഷവതിയായിരുന്നു. എന്നാല്‍ പിന്നീട് അവര്‍ മറ്റൊരു താരത്തെ വച്ച് ആ സിനിമ ചെയ്തു. അത് മോള്‍ക്ക് വലിയ സങ്കടം ആയി. അവളെ കണ്ട് എനിക്കും സഹിക്കാന്‍ കഴിഞ്ഞില്ല. അങ്ങിനെ എങ്കില്‍ ഇനി അഭിനയിക്കേണ്ട എന്ന് അച്ഛന് പറയുകയായിരുന്നു. പറയുക എന്നല്ല ആറ് മാസത്തോളം വീട്ടില്‍ നിന്നും ഭക്ഷണം കഴിക്കാതെ അച്ഛന് സമരം ചെയ്തു.
അമ്മയും മകളും സിനിമയെ കുറിച്ച് എന്തെങ്കിലും പറയുമ്പോള്‍ എഴുന്നേറ്റ് പോകും. വീട്ടില്‍ നിന്ന് ഭക്ഷണം കഴിക്കില്ല. അമ്മ എത്ര പറഞ്ഞിട്ടും കേള്‍ക്കുന്നില്ല. അവസാനം ഹണി റോസ് തന്നെ മയത്തില്‍ പറഞ്ഞാണ് സമ്മതിപ്പിച്ചത്. അഭിനയിക്കാന്‍ തുടങ്ങിയപ്പോള്‍ അച്ഛനാണ് കൂടെ പോകന്നത് എല്ലാം. എവിടെ പോയാലും ഞാന്‍ ഹണി റോസിന്റെ അച്ഛനാണ് എന്ന് അഭിമാനത്തോടെ പറയുകയും ചെയ്യും.മോള്‍ കരഞ്ഞ് അഭിനയിക്കുന്ന സിനിമ ഒന്നും അച്ഛന് ഇഷ്ടമല്ല. അങ്ങനെയുള്ള സിനിമ കാണാറുമില്ല. ഹണി റോസ് അഭിനയിച്ചതില്‍ അമ്മയ്ക്ക് ഏറ്റവും ഇഷ്ടമുള്ള സിനിമ കുംബസാരം ആണ് എന്ന് പറഞ്ഞപ്പോള്‍, അത് താന്‍ കണ്ടിട്ടേയില്ല എന്നായിരുന്നു അച്ഛന്റെ പ്രതികരണം. അച്ഛന് ഇഷ്ടം ദൈവത്തിന്റെ സ്വന്തം ക്ലീറ്റസ് എന്ന സിനിമയാണത്രെ.ഹണി റോസ് വീട്ടില്‍ ഭയങ്കര വഴക്കാളിയാണെന്നാണ് അമ്മ പറയുന്നത്. സിനിമയിലെ പോലെ തന്നെ വീട്ടിലും ഗംഭീര അഭിനയം ആണത്രെ. ദേഷ്യം വന്നാല്‍ കൈയ്യില്‍ കിട്ടുന്നത് എല്ലാം എടുത്തെറിയും. കരയുകയാണെങ്കില്‍ മുഖത്ത് സകല ഭാവങ്ങളും വന്ന് പോവും. കല്യാണക്കാര്യം പറയുന്നത് തന്നെ അവള്‍ക്ക് ഇഷ്ടമില്ല. എന്റെ ഏറ്റവും വലിയ ആഗ്രഹം അവളുടെ കല്യാണമാണ്. അത് പറഞ്ഞാല്‍ ഞങ്ങള്‍ വഴക്കാവും.അച്ഛന്റെയും അമ്മയുടെയും പ്രണയ വിവാഹമാണെന്ന് ഹണി റോസ് പറയുന്നു. എന്നാല്‍ കല്യാണം കഴിഞ്ഞ് മുപ്പത് വര്‍ഷത്തോളം ആയി എങ്കിലും ആ പ്രണയ കഥ മാത്രം തന്നോട് പറഞ്ഞിട്ടില്ല എന്ന് നടി പറഞ്ഞു. അമ്മയാണ് ആ പ്രണയ കഥ പറഞ്ഞത്. പന്ത്രണ്ടാം വയസ്സില്‍ ഹണി റോസിന്റെ അമ്മയുടെ വീടിനടുത്ത് സ്ഥലം മാറി വന്നതാണ് അച്ഛനും കുടുംബവും. അവിടെ വച്ച് കണ്ട് ഇഷ്ടം പറഞ്ഞു. പത്ത് വര്‍ഷത്തോളം പ്രണയിച്ച് വിവാഹം കഴിക്കുകയായിരുന്നുവത്രെ.
@All rights reserved Typical Malayali.
Leave a Comment