കാത്തിരുന്ന വിശേഷം.. സീരിയല്‍ നടി യമുനയുടെയും ഭര്‍ത്താവിന്റെ ജീവിതത്തിലേക്ക് പുതിയ ഒരാൾ

നിരവധി സീരിയലുകളിലൂടെയും സിനിമകളിലൂടെയും പ്രേക്ഷകര്‍ക്ക് പരിചിതയായിട്ടുള്ള താരമാണ് യമുന റാണി. സെന്റിമെന്റല്‍ ആയ റോളുകളും വില്ലത്തി റോളുകളും കോമഡിയും എല്ലാം തനിയ്ക്ക് വഴങ്ങും എന്ന് തെളിയിച്ചിട്ടുണ്ട്. പ്രേക്ഷകര്‍ തന്നെ ഏറ്റവും കൂടുതല്‍ തിരിച്ചറിഞ്ഞത് ജ്വാലയായി എന്ന സീരയിലിന് ശേഷമാണ് എന്ന് യമുന പറയുന്നു. ആ സീരിയല്‍ കണ്ട് മച്ചിയായിപ്പോവും എന്ന് പറഞ്ഞ് ശപിച്ചവര്‍ പോലും ഉണ്ടത്രെ. തന്റെ സിനിമ – സീരിയല്‍ അനുഭവങ്ങളെ കുറിച്ച് മൈല്‍സ്‌റ്റോണിന് നല്‍കിയ അഭിമുഖത്തില്‍ യമുന സംസാരിക്കുകയുണ്ടായി.ജ്വാലയായി എന്ന സീരിയലിലെ നെഗറ്റീവ് വേഷം ഒരുപാട് ഇഷ്ടപ്പെട്ട് ആസ്വദിച്ച് ചെയ്തതാണ്. ആ കഥാപാത്രം ജനങ്ങള്‍ക്ക് ഇടയിലേക്ക് ഇടിച്ചു കയറിയിരുന്നു. ഇന്നത്തെ പോലയായിരുന്നില്ല അന്ന്, സിനിമയും സീരിയലും എല്ലാം അഭിനയം ആണ് എന്ന് വിശ്വസിക്കാന്‍ പ്രയാസമുള്ള ജനങ്ങളായിരുന്നു. അവര്‍ക്കിടയില്‍ നിന്ന് ഒരുപാട് അനുഭവങ്ങള്‍ ഉണ്ടായിട്ടുണ്ട്.ജ്വാലയായി ചെയ്യുന്ന സമയത്ത് ആണ് ഞങ്ങള്‍ കുടുംബം ഒരുമിച്ച് കന്യാകുമാരിയില്‍ പോയത്. അവിടെ വച്ച് എന്നെ തല്ലാന്‍ വരെ ആളുകള്‍ വന്നിട്ടുണ്ട്. സീരിയലില്‍ ഞാന്‍ നാത്തൂന്റെ കുഞ്ഞിനെ ചവിട്ടുന്ന രംഗമുണ്ട്. അത് കണ്ട് നീ മച്ചിയായി പോവും എന്ന് പറഞ്ഞ് ശപിക്കുകയായിരുന്നു. അവസാനം അച്ഛന്‍ ഇടപെട്ട്, അതൊക്കെ അഭിനയമാണ് എന്റെ മകള്‍ പാവമാണ് എന്നൊക്കെ പറഞ്ഞ് കൂട്ടി കൊണ്ടുവരികയായിരുന്നു.അന്ന് മച്ചിയാവുക എന്ന് പറഞ്ഞാല്‍ എന്താണ് എന്നൊന്നും എനിക്ക് അറിയില്ലായിരുന്നു, പക്ഷെ അച്ഛനും അമ്മയും ഞെട്ടി. അങ്ങിനെയൊന്നും പറയല്ലേ, അത് ജോലിയല്ലേ അവര്‍ പറയുന്നത് ചെയ്തല്ലേ പറ്റൂ എന്നൊക്കെ അവരോട് പറയുന്നത് കേട്ടു. പിന്നീടാണ് ആ വാക്കിന്റെ അര്‍ത്ഥം എല്ലാം എനിക്ക് മനസ്സിലായത്.

ഒരു കാലഘട്ടത്തില്‍ മലയാളത്തിലെ മിക്ക സിനിമകളിലും ഞാന്‍ ഉണ്ടായിരുന്നു. 99 തൊട്ട്, 2003 വരെ ഒക്കെ വളരെ സജീവമായിരുന്നു. പക്ഷെ അത് ഞാനായിരുന്നു എന്ന് ഇപ്പോഴാണ് ആളുകള്‍ തിരിച്ചറിയുന്നത്. ദിലീപേട്ടനൊപ്പം അമ്മയായും ചേച്ചിയായും അയല്‍ക്കാരിയായും ഒക്കെ അഭിനയിച്ചിട്ടുണ്ട്. പട്ടണത്തില്‍ സുന്ദരന്‍ എന്ന സിനിമയില്‍ കൊച്ചിന്‍ ഹനീഫ് ഇക്കായ്‌ക്കൊപ്പം അഭിനയിച്ചതൊന്നും മറക്കാന്‍ പറ്റില്ല.ഇത്രയും നല്ല സിനിമകളില്‍ അവസരങ്ങള്‍ ലഭിച്ചിട്ടും എന്തുകൊണ്ടാണ് സിനിമയില്‍ നിന്നും വലിയ ബ്രേക്ക് എടുത്ത് മാറി നിന്നത് എന്ന് പലരും ചോദിക്കാറുണ്ട്. പക്ഷെ വിവാഹം ഒക്കെ കഴിഞ്ഞ് കുട്ടികള്‍ ആയപ്പോള്‍ അവരെ നോക്കാന്‍ വേണ്ടിയാണ് അഭിനയത്തില്‍ നിന്നും വിട്ടുനിന്നത്.എല്ലാ ടൈപ്പ് വേഷങ്ങളും എനിക്ക് സീരിയലുകളില്‍ ചെയ്യാന്‍ പറ്റിയിട്ടുണ്ട്. സിനിമയില്‍ എനിക്ക് അങ്ങനെ എക്‌സ്‌പോസ് ചെയ്യാന്‍ സാധിച്ചിട്ടില്ല. എന്റെ തന്നെ തെറ്റാവും. കാരണം സിനിമയില്‍ നിന്നും മാറി നിന്ന സമയത്ത് എനിക്ക് ഒരുപാട് നല്ല കഥാപാത്രങ്ങള്‍ വന്നിരുന്നു. അത് എടുക്കാതിരുന്നത് എന്റെ ഭാഗത്ത് സംഭവിച്ച തെറ്റാണ്. ഇനി എനിക്ക് സിനിമയില്‍ കൂടുതല്‍ ശ്രദ്ധിക്കണം എന്ന് ആഗ്രഹം ഉണ്ട്. ഏത് കഥാപാത്രം കിട്ടിയാലും ചെയ്യാന്‍ പറ്റും എന്ന ആത്മവിശ്വാസം എനിക്കുണ്ട്.സിനിമയില്‍ സജീവമായി നിന്ന സമയത്ത് കാസ്റ്റിങ് കൗച്ച് അനുഭവങ്ങള്‍ എനിക്കും ഉണ്ടായിട്ടുണ്ട്. നേരിട്ടോ അല്ലാതെയോ ആളുകള്‍ നമ്മളോട് ചോദിയ്ക്കും. പക്ഷെ എങ്ങിനെ നമ്മള്‍ നില്‍ക്കണം എന്നത് നമ്മുടെ തീരുമാനം ആണ്. എന്റെ ആദ്യത്തെ സിനിമയില്‍ ആദ്യത്തെ ഷോട്ട് തന്നെ മമ്മൂക്കയ്ക്ക് ഒപ്പമായിരുന്നു. അന്ന് മമ്മൂക്ക പറഞ്ഞതാണ്, ‘സിനിമ എന്നത് വലിയ ലോകമാണ്, അവിടെ എങ്ങിനെ പോകണം എന്ന് തീരുമാനിക്കുന്നത് നമ്മളാണ്. അത് അനുസരിച്ച് മുന്നോട്ട് പോകുക’ എന്ന്. അത് തന്നെയാണ് അന്നും ഇന്നും ഞാന്‍ ഫോളോ ചെയ്യുന്നത്- യമുന പറഞ്ഞു.

@All rights reserved Typical Malayali.