ഈ രീതിയിൽ കുഞ്ഞിന്റെ പിറന്നാൾ ആഘോഷിക്കാൻ പറ്റുമെന്ന് കരുതിയിരുന്നില്ലെന്ന് അനുശ്രീ; അച്ഛനെ ഇവിടെയും ക്ഷണിച്ചില്ലേ എന്ന് ചോദ്യം

മകൻ ആരൂസിന്റെ ആദ്യത്തെ പിറന്നാൾ ആഘോഷമാക്കി അനുശ്രീ. അച്ഛനില്ലാത്ത ഒരു കുറവും അറിയിക്കാതെ മകനെ വളർത്തുന്ന അനുശ്രീയെ പ്രശംസിച്ചുകൊണ്ടുള്ള കമന്റുകളാണ് വീഡിയോയ്ക്ക് താഴെ വരുന്നത്.ബാലതാരമായി സീരിയൽ ലോകത്തെത്തിയതാണ് അനുശ്രീ. വിവാഹത്തോടെ അഭിനയത്തിൽനിന്നും വിട്ടുനിൽക്കുകയാണെങ്കിലും തന്റെ വിശേഷങ്ങൾ എല്ലാം താരം നിരന്തരം സോഷ്യൽ മീഡിയയിലൂടെ പങ്കുവയ്ക്കാറുണ്ട്. അത്തരത്തിൽ തന്റെ വിവാഹവും വിവാഹ മോചനവും എല്ലാം തുറന്ന് പറ‍ഞ്ഞ താരം ഇപ്പോൾ അതിൽ നിന്നെല്ലാം മാറി കുഞ്ഞിന്റെ വിശേഷങ്ങളാണ് കൂടുതലും പങ്കുവയ്ക്കുന്നത്. മകൻ ആരവിന്റെ ആദ്യ പിറന്നാൾ ആഘോഷിച്ച വീഡിയോയാണ് ഏറ്റവുമൊടുവിൽ അനുശ്രീ പങ്കുവച്ചിരിയ്ക്കുന്നത്.
ആകെ ഒരു നീലമയമായിരുന്നു ബേർത്ത് ഡേ ആഘോഷം. ബ്ലൂ തീം ആക്കിയാണ് ബേർത്ത്ഡേ ആഘോഷിച്ചത്. അനുശ്രീയുടെയും ആരവിന്റെയും മമ്മിയുടെയുമെല്ലാം വേഷം നീലയായിരുന്നു. ഡെക്രേഷൻസും കേക്കും എല്ലാം നീലയായതോടെ മൊത്തത്തിൽ ഒരു നീലവെളിച്ചം തന്നെയായിരുന്നു എന്നു പറയാം.ആഘോഷത്തിന്റെ പ്രൗഢി ഒട്ടും കുറച്ചിരുന്നില്ല. സിംഗിൾ മദർ ആണെങ്കിലും കു‍ഞ്ഞിന്റെ കാര്യത്തിലൊന്നും യാതൊരു വീഴ്ചയും വരുത്താത്ത അനുശ്രീയുടെ രീതികളെന്നും പ്രശംസ നേടാറുണ്ട്. അതുപോലെ ഈ ആഘോഷത്തെ കുറിച്ചും ഭൂരിഭാഗം പേർക്കും പോസിറ്റീവ് അഭിപ്രായം തന്നെയാണ്. ഇങ്ങനെ സ്വതന്ത്ര്യമായി തന്നെ ജീവിച്ച് കാണിക്കൂ എന്നാണ് ചിലരുടെ കമന്റുകൾ.

അതിനിടയിലും ചിലർ നെഗറ്റീവ് കമന്റുമായി വരുന്നുണ്ട്. കുഞ്ഞിന്റെ നൂലുകെട്ടിന് അച്ഛൻ വിഷ്ണുവിനെ വിളിക്കാതിരുന്നതുമുതൽ ആയിരുന്നല്ലോ ഇരുവർക്കുമിടയിലുള്ള പ്രശ്നം ആരംഭിയ്ക്കുന്നത്. അതുകൊണ്ടാവും, പിറന്നാളിനും അച്ഛനെ വിളിച്ചില്ലേ എന്ന് ചോദിച്ചുകൊണ്ടുള്ള കമന്റുകളും വീഡിയോയ്ക്ക് താഴെ വരുന്നത്.
എന്തുതന്നെയായാലും അനുശ്രീയും കു‍ഞ്ഞും ഹാപ്പിയാണ്. ഈ രീതിയിൽ ആരൂസിന്റെ പിറന്നാൾ ആഘോഷിക്കാൻ എന്നെക്കൊണ്ട് സാധിയ്ക്കുമെന്ന് സ്വപ്നത്തിൽപോലും കരുതിയില്ല. എന്തായാലും എല്ലാം ഭംഗിയായി നടന്നു. ബന്ധുക്കളുടെയെല്ലാം നല്ല പിന്തുണയുണ്ടായിരുന്നു. എല്ലാവർക്കും നന്ദി – എന്നാണ് അനുശ്രീ പറയുന്നത്.

@All rights reserved Typical Malayali.