17കാരി ആന്മരിയയെ തേടി ഇന്നലെ രാത്രി മരണമെത്തിയത് ഇങ്ങനെ

‘പ്രാർഥനകൾ വിഫലമായല്ലോ മോളേ’, പോലീസ് അകമ്പടി കൊടുത്തത് റോഷി; കേരളം കൈകോർത്തു, ദുഃഖം പങ്കുവെച്ച് മന്ത്രി.മന്ത്രിയുടെ ഇടപെടലിനെത്തുടർന്ന് മൂന്നുമണിക്കൂർ കൊണ്ടായിരുന്നു ആൻ മരിയയെ കട്ടപ്പനയിൽനിന്നും കൊച്ചിയിലെത്തിച്ചത്. ചികിത്സയിൽ കഴിഞ്ഞുവരുന്നതിനിടെയാണ് മരണം.ദുഃഖം പങ്കുവെച്ച് മന്ത്രി.ഇടുക്കി: കേരളം ഒറ്റക്കെട്ടായി കൈകോർത്താണ് കട്ടപ്പനയിൽനിന്ന് ആൻമരിയയെ കൊച്ചിയിലേക്ക് എത്തിച്ചത്. വാർത്ത അറിഞ്ഞവരെല്ലാം പ്രതീക്ഷയോടെ കാത്തിരുന്നു. വേഗത്തിൽ എത്തിയതോടെ ചികിത്സ ലഭ്യമായി. തുടർന്ന് രണ്ട് മാസക്കാലമായി ആശുപത്രിയിൽ കഴിഞ്ഞുവരുന്നതിനിടെയാണ് ഇരട്ടയാർ സ്വദേശി ആൻ മരിയ ജോയ്എന്ന 17കാരി മരണത്തിന് കീഴടങ്ങുന്നത്. അന്ന് കട്ടപ്പനയിൽനിന്ന് കൊച്ചിയിലേക്ക് ആൻ മരിയയെ വേഗത്തിൽ എത്തിക്കാൻ കഴിഞ്ഞത് മന്ത്രി റോഷി അഗസ്റ്റിന്‍റെ സമയോചിത ഇടപെടലിനെത്തുടർന്നായിരുന്നു. ആൻമരിയയുടെ വിയോഗവാർത്തയറിഞ്ഞ മന്ത്രി സമൂഹമാധ്യമത്തിൽ ദുഃഖം പങ്കുവയ്ക്കുകയും ചെയ്തു.

നിനക്കായി നടത്തിയ പ്രാർത്ഥനകൾ വിഫലമായല്ലോ മോളെയെന്നാണ് റോഷി അഗസ്റ്റിൻ ആൻ മരിയയുടെ ചിത്രത്തിനൊപ്പം ഫേസ്ബുക്കിൽ കുറിച്ചത്. ‘ജീവിതത്തിലേക്ക് മടങ്ങി വരാൻ നാട് വഴി ഒരുക്കിയെങ്കിലും വിധി അതിന് തടസമായി. ആൻ മരിയ നിന്‍റെ പുഞ്ചിരി മനസ്സിൽ എന്നും മായാതെ നിൽക്കും’ എന്നും മന്ത്രി പറഞ്ഞു.
ഇന്നലെ രാത്രി 11.40 ഓടയൊണ് വീട്ടുകാരെയും നാട്ടുകാരെയും ഒരുപോലെ ദുഃഖത്തിലാഴ്ത്തി ആൻ മരിയ വിട പറഞ്ഞത്. ജൂൺ ഒന്നിന് രാവിലെ ഇരട്ടയാറ്റിലെ പള്ളിയിൽ കുർബാനയിൽ പങ്കെടുത്തു കൊണ്ടിരിക്കേയാണ് വിദ്യാർഥിനിയ്ക്ക് ഹൃദയാഘാതം സംഭവിച്ചത്. തുടർന്ന് അതിവേഗത്തിൽ ആശുപത്രിയിലെത്തിക്കുകയായിരുന്നു.കട്ടപ്പനയിലെ ആശുപത്രിയിൽ നിന്ന് ഡോക്ടർമാർ വിദഗ്ധ ചികിത്സ നിർദേശിച്ചതോടെയാണ് എറണാകുളത്തേക്ക് കൊണ്ടുവരാനുള്ള തയാറെടുപ്പുകൾ ആരംഭിച്ചത്. ഗതാഗതക്കുരുക്ക് തടസമാകുമെന്ന ആശങ്കയിൽ നിൽക്കെയാണ് മന്ത്രി റോഷി അഗസ്റ്റിൻ വിവരമറിയുന്നതും ഇടപെടുന്നതും. പണിക്കൻകുടിയിൽ പ്രവേശനോത്സവ ചടങ്ങിൽ പങ്കെടുക്കാൻ എത്തിയതായിരുന്നു മന്ത്രി. ഗതാഗതകുരുക്ക് ഒഴിവാക്കാൻ പോലീസ് സേവനം ലഭ്യമാക്കുകയും ആംബുലൻസ് യാത്രയെക്കുറിച്ച് ഫേസ്ബുക്കിലൂടെ വിവരങ്ങൾ പങ്കുവെക്കുകയും ചെയ്തിരുന്നു.പോലീസ് അകമ്പടിയോടെ മൂന്നുമണിക്കൂറിനകം വാഹനം ആശുപത്രിയിലെത്തിച്ച് ചികിത്സ ആരംഭിച്ചിരുന്നു. ജൂലൈയിലാണ് കുട്ടിയെ കോട്ടയത്തെ ആശുപത്രിയിലേക്ക് മാറ്റിയത്. ജീവിതത്തിലേക്ക് തിരിച്ചുവരുന്നതിന്‍റെ സൂചനകൾ കാണിച്ചിരുന്നെങ്കിലും ന്യുമോണിയ ബാധിച്ചതും തിരിച്ചടിയാവുകയായിരുന്നു.

@All rights reserved Typical Malayali.