സുധി 1 വർഷമായി ഉറങ്ങുന്നയിടം കാണിച്ച് രേണു

മരണം നേരത്തെ സുധിച്ചേട്ടൻ അറിഞ്ഞിരുന്നുവെന്ന് രേണു സുധി. അന്ന് പുലർച്ചെ വിളിച്ച ഫോൺ കോളിൽ ആള് പൊട്ടി കരയുകയായിരുന്നു. എന്റെ മക്കളെ നീ പൊന്നുപോലെ നോക്കിക്കോണം എന്നാണ് അവസാനമായി പറഞ്ഞതെന്നും രേണു പറയുന്നു. ഒരിക്കലും മരിച്ചു പോകും എന്നൊരു ഓർമ്മ പോലും ഉണ്ടായിരുന്നില്ല. ആള് എന്നെ വിട്ടുപോകും എന്ന് ചിന്തിച്ചിരുന്നില്ല. വീഡിയോ കോൾ ചെയ്യാൻ അന്ന് രാത്രി നിര്ബന്ധിച്ചപ്പോഴും നാളെ പുലർച്ചെ വരുമല്ലോ ഏട്ടാ എന്നാണ് താൻ ചോദിച്ചതെന്നും രേണു പറയുന്നു.

സംഭവം നടന്നതിന്റെ അന്ന് പുലർച്ചെ നമ്മൾ ഫോൺ ചെയ്തതാണ്. അഞ്ചര ആകുമ്പോഴേക്കും ചങ്ങനാശ്ശേരി എത്തുമെന്നും വാവൂട്ടനും മോനും കൂടി വരണമെന്നും പറഞ്ഞ ആളാണ്. ഉടനെ എന്നെ വീഡിയോ കോൾ ചെയ്തു. പിന്നെയും പിന്നെയും ഇത് ചെയ്തപ്പോൾ ഞാൻ ചോദിച്ചു രാവിലെ ഇങ്ങുവരുവല്ലേ പിന്നെന്തിനാ വീഡിയോ കോൾ എന്ന്. ഞാനും കിടന്നു കുഞ്ഞും കിടന്നു എന്ന് പറഞ്ഞിട്ടും വീഡിയോ കോൾ ചെയ്തു. എനിക്ക് ഒന്ന് കുഞ്ഞിനെ ഒന്ന് കാണണം എന്ന് പറഞ്ഞു, ഞാൻ എന്നെ കാണിച്ചില്ല, കുഞ്ഞിനെ കാണിച്ചു. കുഞ്ഞിനെ കണ്ടതും ഉടനെ കരഞ്ഞു. എന്റെ മക്കളെ നോക്കിക്കോണേ എന്നും പറഞ്ഞു.
ഈ അപകടം സംഭവിച്ച സമയം പുലർച്ചെ കുഞ്ഞു കരഞ്ഞു. ഞാൻ എന്നിട്ടും ഫോൺ നോക്കിയില്ല. രാവിലെ എണീറ്റ് വന്നപ്പോൾ വീട് നിറയെ ആളുകൾ ആണ്. അപ്പോഴും നമുക്ക് ഈ വിഷയം ഓർമ്മയിൽ വരില്ല. ഏട്ടൻ മരിക്കുന്നു എന്ന് എനിക്ക് ഒരു ഓർമ്മയില്ല. ഏട്ടൻ തലേ ദിവസം പൊട്ടി കരയുകയിരുന്നു. ഒരിക്കലും അത് പതിവില്ല. മരണം നേരത്തെ കണ്ടപോലെ ആയിരുന്നു. ആള് മരിച്ചു പോകും എന്ന് ഒരിക്കൽ പോലും ചിന്തിച്ചിട്ടില്ല. ഏട്ടന്റെ വിവരം അറിഞ്ഞപ്പോഴും ഫേക്ക് ന്യൂസ് ആണെന്ന് ഞാൻ കരുതി. പക്ഷെ ബോഡി എങ്ങോട്ട് ആണ് കൊണ്ട് പോകുന്നത് എന്നൊരാൾ ചോദിച്ചു അപ്പോഴാണ് കാര്യങ്ങൾ മനസിലായത്.

ഞാൻ വീണുപോകില്ല എന്ന് എന്തോ മനസ്സ്സിൽ പറഞ്ഞു. ഒരു തുള്ളി വെള്ളം പോലും ഞാൻ അന്ന് കഴിച്ചില്ല.ആളുകൾ എന്നോട് പറഞ്ഞു താഴെ വീണുപോകും എന്ന്. പക്ഷെ ആത്മാവ് ഉണ്ടാകും എന്ന് ഞാൻ വിശ്വസിച്ചു. അങ്ങനെ ആത്മാവ് ആണ് എന്നെ പിടിച്ചു നിർത്തിയത്. ആദ്യസമയം ഒന്നും ഞാൻ ബോൾഡ് ആയിരുന്നില്ല. ആത്മാവിന്റെ സാന്നിധ്യം ഉള്ളതുകൊണ്ടാകും ഞാൻ ഇങ്ങനെ നിക്കുന്നത്. ഒരു എടിഎം ൽ നിന്നും എനിക്ക് പൈസ എടുക്കാൻ പോലും അറിയില്ലായിരുന്നു.

ഒരു ജീവിത പങ്കാളി എന്ന നിലയിൽ എനിക്ക് ഇനി ഒരാൾ ഉണ്ടാകില്ല. രണ്ട് ആൺമക്കൾ ഉണ്ട്, നാളെ അവർ എന്നെ നോക്കും എന്നാണ് വിശ്വാസം. രണ്ടാളും നോക്കുമെന്ന് നമുക്ക് ആഗ്രഹിക്കാം. മറ്റൊരു വിവാഹം കഴിക്കാൻ വേണ്ടി വീട്ടുകാർ നിര്ബന്ധിക്കില്ല. എനിക്ക് വേണം എങ്കിൽ വേറെ വിവാഹം കഴിക്കാം എന്നാണ് രാഹുൽ പറഞ്ഞത്. പക്ഷെ ഞങ്ങളുടെ ജീവിതത്തിലേക്ക് ഒരാൾ വന്നാൽ എന്റെ മക്കളെ സ്വന്തം പോലെ കാണാൻ ആ വ്യക്തിക്ക് കഴിയും എന്ന് തോന്നുന്നില്ല. എന്നെ സുധിച്ചേട്ടൻ സ്നേഹിച്ച പോലെ മറ്റൊരാൾ സ്നേഹിക്കും എന്നും വിശ്വസിക്കുന്നുമില്ല- രേണു പറഞ്ഞു.

@All rights reserved Typical Malayali.