എൻറെ സിനിമകളൊന്നും നിങ്ങള് കണ്ടില്ലേ, ആനിയ്ക്ക് കിടിലം മറുപടി നല്‍കി നമിത, ദൈവമേ ഈ ഡയലോഗ് കേട്ട് കേട്ട് ഞാൻ മടുത്തു!
ടെലിവിഷന്‍ പ്രേക്ഷകര്‍ വളരെ ഇഷ്ടത്തോടെ സ്വീകരിച്ച ഷോ ആണ് ആനീസ് കിച്ചണ്‍. ആദ്യകാല നടി ആനിയുടെ പാചകവും കുറേയേറെ വാചകവുമായി പോകുന്ന ഷോയില്‍ പല സെലിബ്രിറ്റികളും അതിഥികളായി എത്താറുണ്ട്. അവരുടെ വിശേഷങ്ങള്‍ ചോദിച്ചറിയുന്ന ആനിയുടെ സംസാരമൊക്കെ വീട്ടമ്മമാരെ തൃപ്തിപ്പെടുത്തുന്നതാണ്. ഇത്തവണ വിഷു സെലിബ്രേഷന്റെ ഭാഗമായി നമിത പ്രമോദ് ആണ് ഷോയില്‍ എത്തുന്നത്. നമിത വരുന്ന എപ്പിസോഡിന്റെ പ്രമോ വീഡിയോ പുറത്തുവിട്ടു.
കേരളീയ വേഷത്തില്‍, വിഷുക്കാലത്തെ ഫീല്‍ ചെയ്യിപ്പിയ്ക്കും വിധമുള്ള വേഷവും ലുക്കുമൊക്കെയാണ് നമിതയുടെയും ആനിയുടെയും. എനിക്ക് തോന്നുന്നു, ഏറ്റവും കൂടുതല്‍ നമിതയെ ആളുകള്‍ തിരിച്ചറിയുന്നത് ദേവിയായിട്ടും മാതാവായിട്ടും ഒക്കെയാണ് എന്ന് ആനി പറഞ്ഞപ്പോഴായിരുന്നു നമിതയുടെ വായടപ്പിയ്ക്കുന്ന മറുപടി. ‘ഇപ്പോഴും അങ്ങിനെ തന്നെയാണോ റെക്കഗനൈസ് ചെയ്യുന്നത്, അതെന്താ അതിന് ശേഷം ഞാന്‍ അഭിനയിച്ച സിനിമകളൊന്നും കണ്ടിട്ടില്ലേ’ എന്ന മറുചോദ്യമായിരുന്നു നമിതയുടെ ആദ്യത്തെ പ്രതികരണം.
ദിലീപിന്റെ മകള്‍ മീനാക്ഷി ദിലീപുമായുള്ള സഹൗദത്തെ കുറിച്ചായിരുന്നു ആനി പിന്നീട് ചോദിച്ചത്. ഇടയ്ക്കിവിടെ നാട്ടില്‍ വരുമ്പോള്‍ കാണും എന്ന് നമിത പറഞ്ഞു. സദ്യയാണ് വിഷുവായിട്ട് നമിയ്ക്ക് വേണ്ടി ആനി പാചകം ചെയിതിരുന്നത്. ‘ഞങ്ങള്‍ക്കൊക്കെ ഇതുപോലെ സദ്യ ഉണ്ണാനുള്ള സമയം എപ്പോഴാ തരുന്നത്’ എന്ന് ആനി ചോദിച്ചപ്പോള്‍, ‘ദൈവമേ, ഈ ഡയലോഗ് കേട്ട് കേട്ട് എനിക്ക് മടുത്തു’ എന്നായിരുന്നു നമിതയുടെ പ്രതികരണം.
നമിതയുടെ പ്രതികരണത്തിന് എല്ലാം പ്ലിങ് ആയി നില്‍ക്കുന്ന ആനിയെ കാണാമായിരുന്നു. കമന്റ് ബോക്‌സ് ഓഫാക്കി ഇട്ടതിനാല്‍ വിമര്‍ശനങ്ങളൊന്നും വന്നിട്ടില്ല. ആനീസ് കിച്ചണിന്റെ ആദ്യ സീസണില്‍ ഇതുപോലെയുള്ള ചോദ്യങ്ങള്‍ക്ക് നിമിഷ സജയനും, നവ്യ നായനും പറഞ്ഞ മറുപടിയൊക്കെ സോഷ്യല്‍ മീഡിയ ട്രെന്റിങ് ആയിരുന്നു.
സിനിമ നടി എന്നതിനപ്പുറം ഇപ്പോള്‍ ബിസിനസ്സുകാരികൂടെയാണ് നമിത പ്രമോദ്. സെലക്ടീവായിട്ട് മാത്രമേ സിനിമകള്‍ ചെയ്യുന്നുള്ളൂ. അതിനൊപ്പം റസ്റ്റോറന്റ് ബിസിനസ്സും വസ്ത്രവ്യാപാരവുമായി സജീവമാണ് താരം.
@All rights reserved Typical Malayali.
Leave a Comment